طلبات نوتة أ / عادل صموئيل الجزء الثانى

[dorame]

المشاركة الأصلية كتبت بواسطة salhi_haithem

السلام عليكم
أخي العزيز أنا في طور أنجاز فهرس ضخم جدا فيه ما تريده و هو أنك تذهب إلى كل مشاركة للأستاذ عادل فيها نوتة
لأنه مع النوتة يضع العديد من الأشياء التاريخ أو التوجيهية و التعلمية
لو أرد روابط سريعة متاع أغاني أذكرهم لي و أنا سأعطيك الروابط لمشاركات الأستاذ
و لو أرد كل روابط الأغاني ممكن أنك تمهلني بعض الوقت يعني شهر أو إثنين لأن إتمامه مرهق و متعب جدا أنا وصلت لحد 80 بالمائة منه و صار لي حتى الأن أكثر من 9 شهور و أنا أبحث على كل معلومة تخص كل أغنية و إن شاء الله سأنتهي منه و يكون تمام التمام
هيثم

عمل عظيم وجبار وفعلا يحتاج الى وقت ومجهود كبير جدا ولكن عندي ملاحظة يرجى التركيز على النوت اللي فيها تعديل يعني عدلت ونزلت مره اخرى
واتمنى لو احصل على اللينك اللي فيه الاطلال
ولك جزيل الشكر والاحترام

[salhi_haithem]

المشاركة الأصلية كتبت بواسطة dorame

عمل عظيم وجبار وفعلا يحتاج الى وقت ومجهود كبير جدا ولكن عندي ملاحظة يرجى التركيز على النوت اللي فيها تعديل يعني عدلت ونزلت مره اخرى
واتمنى لو احصل على اللينك اللي فيه الاطلال
ولك جزيل الشكر والاحترام

تفضل أليك باقة و فيها الأطلال و للوصول إلى المشاركة الرسمية إظغط على اليد الحمراء

☚ ** اغدا القاك ** ♪ ** ☆ ** 1971**الهادي ادم**محمد عبد الوهاب
☚ ** اقبل الليل** ♪ **♫** ☆ ** 1969** أحمد رامي** رياض السنباطي
☚ ** اروح لمين ** ♪** ك الثاني و الثالث **ك الرابع** 1958 ** عبد المنعم السباعي**رياض السنباطي
☚ ** الاطلال** ♪ **♫ ** ☆ ** 1966 ** ابراهيم ناجي ** رياض السنباطي
☚ ** الحب كله** ♪ **♫ ** ☆ ** 1971 ** أحمد شفيق كامل ** بليغ حمدي
☚ ** الف ليلة وليلة ** ♪ ** 1969 ** مرسي جميل عزيز** بليغ حمدي
☚ ** القلب يعشق كل جميل ** ♪ **♫** 1971 ** بيرم التونسي** رياض السنباطي

اشكرك عزيزى هيثم على مجهودك وللعلم انا اكتر واحد مستفيد من الفهرس لنى بنسى اللى دونته وبرجع للفهرس كتير
واهديك جزء من الف ليلة انا عزفته من فترة لكن مانزلتو المنتدى مع اطيب تحياتى
عادل صموئيل

[عادل صموئيل]

احبائى
اهديكم اغنية من روائع تراث عبد الحليم

فى يوم من الايام

الاغنية دى بتفكرنى بحاجة مالهاش علاقة بالطرب
بتفكرنى بالطبيخ .... لأن عم محمد الطباخ الخاص بتاع عبد الحليم كان دى اكتر اغنية بيحبها

اما ليه انا تأخرت فى تدوبن الاغنية دى مع انها يمكن من اسهل الاغانى

انها تحتوى على ادليب فى كل جزء ... والاغانى من النوعية دى انا بفكر فيها وأرسمها فى مخى
يعنى الادليب ايه الاجزاء اللى ممكن تتكتب على ميزان والاجزاء اللى مش ممكن تتكتب غير ادليب
والموضوع ده بياخد وقت
لكن عندك الاغانى اللى انا بكتبها اسرع حاجة اللى مفيهاش ادليب وياسلام لو كوبليها وبيتكرر
مع اطيب تحياتى

[نور الصباح]

[QUOTE=عادل صموئيل;619511]

احبائى

اهديكم اغنية من روائع تراث عبد الحليم
فى يوم من الايام
الاغنية دى بتفكرنى بحاجة مالهاش علاقة بالطرب
بتفكرنى بالطبيخ .... لأن عم محمد الطباخ الخاص بتاع عبد الحليم كان دى اكتر اغنية بيحبها
اما ليه انا تأخرت فى تدوبن الاغنية دى مع انها يمكن من اسهل الاغانى
انها تحتوى على ادليب فى كل جزء ... والاغانى من النوعية دى انا بفكر فيها وأرسمها فى مخى
يعنى الادليب ايه الاجزاء اللى ممكن تتكتب على ميزان والاجزاء اللى مش ممكن تتكتب غير ادليب
والموضوع ده بياخد وقت
لكن عندك الاغانى اللى انا بكتبها اسرع حاجة اللى مفيهاش ادليب وياسلام لو كوبليها وبيتكرر
مع اطيب تحياتى
YYYYYYYYYYYYYYYYYYYYYYYYYYYYYYYYYYY
أولا شكرا على النوتة الموسيقية لأغنية عبد الحليم حافظ
{ فى يوم من الأيــــــــــــــام }
وعقبال أغنيات فريد الأطرش
وشكرررررررررررررررررررررررررا
أخوكم
نور الصباح

[dorame]

المشاركة الأصلية كتبت بواسطة عادل صموئيل

احبائى
اقدم لكم اليوم عمل افتخر بأنى دونته
عمل من العيار التقيل جدا , او تقول من اعلى عيار على الاطلاق
اقدم

اقبل الليل
يعنى العمل ده استغرق منى وقت طويل فى التدوين , وبالذات لأن السنباطى لما عمله وضع فيه كل امكانياته تحفيظا للفرقة بالعود , وماكانش عامل ان حد ممكن يدونه فى يوم من الايام , ومن هنا تأتى الصعوبة ان فيه جمل من الصعب تتدون , بس خلاص انا اتعودت او متخصص فى الحاجات المستحيلة دى , بس اهم شىء انك قبل ماتحاول تعزفه انك تكون حافظه من التسجيل اوى , عشان فيه سرعات كتير مختلفة , وخدع مقامية كتير , وأدليب كتير جدا حاولت بقدر الامكان انى اكتب اللى ممكن يتكتب على ميزان تسهيلا للقراءة
لو انت عملت دراسة متعمقة فى اعمال كل ملحن من العمالقة حتلاقى شىء غريب جدا , ان السنباطى لو عمل 900 جملة فى مقام البياتى , مع ان المقام واحدوالفرقة واحدة حاتلاقى ال 900 جملة لهم 900 نكهة مختلفة , يعنى كان العملاق مش بس بيبدع فى التلحين ولكن كمان بيبدع فى الإخراج , يعنى كنا حتى فى الفرقة المسية وقدامنا نوتة كنا بعد مانقرا الجملة يمسك العود ويقول اسمعونى انا عايزها كده , كنت تلاقى البياتى مش بياتى اللى بنقوله كل يوم , فيه عفريت , ولما تكتشف العفريت ده تتجنن , تلاقيه لعب فى نغمة ال لا نقصها كوما , او اى نغمة تانية يعنى ينقصها شعرة او يزودها شعرة وبتختلف من لحن لآخر , ويمكن دى من اهم مميزات عزفى المتواضع على الكمان , مش حقول انا عازف شاطر اوى لكن تميزى انى حافظ العفاريت دى , يعنى من كتر ماعزفت مع كل العمالقة ودونت لهم شخصيا فى حياتهم , طبعا فيه الحان كتير سمعتها اصلا من الراديو طول عمرى قبل ما اشتغل معاهم , بالخبرة اكتشفت العفاريت دى , اما اقبل الليل فيه نكهة متميزة جدا على اللحن كله , ان كانت الآلات اللى اصلا مش شرقية اللى زى الاكورديون مثلا , كاطانتش بتعزف مع الفرقة طول اللحن يعنى ممنوع , بيعزف الصولو بتاعه ويسكت , يعنى كتير جدا كنا نروح اسكندرية فى حفلة مافيش فى الالحن صولو اكورديون
كان مختار السيد الله يرحمه بيدينا الدوزان , ويقعد على المسرح بدون ان يقول اى جملة , لأنه لو عزف حا يبوظ نكهة الكمنجات لكن حلاوته وتميزه فى الصولو , طبعا الاورج والجيتار نفس الموضوع , فى اقبل الليل السنباطى قلب الموضوع خلى مجدى الحسينى يعمل الاورج صوت اورغن كنيسة , وخلاه يعزف طول اللحن من اوله لآخره
لذلك تحس اللحن فيه حاجة كده جاية من فوق , تحس انك فوق السحاب مش على الآرض بالذات فى الكوبيليه بتاع يا بعيد الدار عن عينى ومن قلبى قريبا
اتمنى ان تسعدوا بالنوتة , واتمنى زى كل مرة ان كلمكم تحاولوا تعزفوا فيها , يعنى اكبر مكافأة على تعبى الكبير فى التدوين , ان اقل واحد عزفا او مبتدىء انه يعزف منها جملتين يعنى احس كانى اخدت مليون جنيه
مع اطيب تحياتى

في تحليل اغنية اقبل الليل ارى تحليل رائع وجميل وجذاب بحيث اني ان لم اعزفها من قبل لصعوبتها وكن تحليلك جعلني اعزفها وبحرافها وبدون خوف
من ناحية اخرى انصفت السنباطي بالحانه الخرافية حيث اني احب هذا الملحن العبقري الذي لم ولن ياتي مثله في تاريخ الفن ابدا وكنت في بعض تحليلاتك لبعض اغاني الاستاذ عبدالوهاب احس انك تفضلة اكثر اعلم ان لكن عبقري في زمن كلثوم له مدرسه خاصة ونكهة خاصة ولا يستطيع احدا ان يفضل واحد عن الاخرولكني وبصراحة احط السنباطي في كفة والبقية في كفة اخرى فارى السنباطي محيط من علم الفن والحن والاخرين بحار كبيرة في عالم الفن فلا اعلم ما هو راي استاذنا الفاضل عادل صموئيل فاني احب اي تحليل او مدح للسنباطي واظهار معلومات جديده وفعلا انا اقول ان السنباطي عندي عفريت يلحن له والبعض يقول عن بعض الاغاني ان ما يلحنها الا محشش ولا اقصد محشش هنا للذم ولكن رمز للسلطنة الكبرى
كما ارى ان السنباطي لم ياخذ حظه من الاعلام كما اخذه اسطورة الفن عبدالوهاب او بليغ وغيرهم فارى ان السنباطي والموجي ايظا ظلموا بعض الشئ اعلاميا
وعندي سوال للاستاذ الذي بقى لنا من الزمن الجميل للفن وهو عادل صموئيل هل كنت تحس ان السنباطي طبيعي ام لا لان الحانه ليست طبيعية ابدا
وعفوا على الاطالة وشكرا
اخى العزيز
التلحين ده موهبة من عند الله ,, والموهبة بتختلف من شخص لآخر يعنى المنحة من الله بتكون لشخص متواضعة وشخص آخر عالية وبدرجات . اما عن السنباطى وانا عرفته عن قرب لفترة طويلة كان شخص متواضع غير محب للظهور يعنى كان من الشغل للبيت لم اسمع عنه او اراه فى حفلة لرواد حفلات المجتمع ولم يظهر فى احاديث تليفزيونية الا مرة واحدة فى حياته الطويلة ولم يكن محبا للظهور .. وكان متواضعا جدا فى ملبسه ومظهره يعنى فنان بمقام السنباطى المفروض يركب سيارة آخر موديل ولكنه كان يركب سيارة قديمة موديل 1945 .. وهو لم يدخن فى حياته او يشرب اى نوع من الخمور .. وللعلم من يقول ان المخدرات تصفى الذهن وتصنع العبقرية هو واهم بالعكس المخدرات تدمر المشاعر والعقل .. اما عن السنباطى بيرجع الفضل فى عبقريته فى الموسيقى الشرقة النشأة الدينية والتصاقه بالموشحات والادوار والقصائد الدينية القديمة فهى مدرسة من اروع المدارس فى الموسيقى الشرقية لأنها تتعرض بالذات للمقامات الصعبة والغير متداولة .. وتظهر فيها روعة الأداء وبالذات باللغة العربية الفصحى وذلك ما جعل السنباطى ملك تلحين القصائد الصعبة على الاطلاق .. والموسيقار الفذ لا يكتفى بالبداية ولكنه يستمر فى الدراسة فدرس الموسيقى الغربية حتى يكون موسيقار عالمى غير محدود بنوعية من الموسيقى دون غيرها وترى المزج فى الحانه بين الموسيقى العربية على اعلى مستوى وادخال الايقاعات الغربية .. واهم شىء فعله انه لآخر لحظة حافظ على الموسيقى العربية من اقتحام موجة الغزو الاوروبى عليها
مع اطيب تحياتى ادل صموئيل

[salhi_haithem]

الأخ dorame
هذا بما إنك من محبي رياض السنباطي مثلي فخذ هذا الملف (مرفق) ستجد فيه كل الأغاني التي دونها الأستاذ عادل لرياض السنباطي و هم 33 أغنية بالتمام و الكمال
مع أطيب تحياتي هيثم

[dorame]

المشاركة الأصلية كتبت بواسطة salhi_haithem

الأخ dorame
هذا بما إنك من محبي رياض السنباطي مثلي فخذ هذا الملف (مرفق) ستجد فيه كل الأغاني التي دونها الأستاذ عادل لرياض السنباطي و هم 33 أغنية بالتمام و الكمال
مع أطيب تحياتي هيثم

يا سلام عليك يا استاذ هيثم اشكرك واشكر ذوقك الراقي والعالي
يستاهل الاستا عادل ان حد يعمل له فهرس لان ثروته وكنوزه كثرت ويجب عمل خزانه لهذة الثروة والكنز العلمي الفني الذي طرحة ولن تنساه الاجيال المتعلمة ابدا
هناك بعض الاغاني الرائعة للسنباطي نحلم بنوتاتها مثل
حكاية في الحي
لا تقول لي ضاع حبي من يدي
يا حبيبي كان عصفورا يناجي في الهوى اجمل زهرة
ان شاء مستقبلا تنوت وده حلم طبعا
شكرا لك مرة اخرى

[عادل صموئيل]

احبائى
بمجرد ان الاخ العزيز ارمندو طلب الاغنية بدأت فى تدوينها فوراً

امانة عليك امانة يامسافر بورسعيد

يعنى بورسعيد دى مدينة باسلة وكل مصرى يتشرف ان بورسعيد مدينة مصرية
بورسعيد دى شعبها الباسل ( مش الجيش الباسل فقط ) ولكن عامة السكان والنساء والاطفال نزلوا على الاعداء ايام العدوان الثلاثى ستات البيوت كل واحدة منهم اخدت اللى طالته ايدها اللى نزلت بسكينة مطبخ واللى نزلت بأيد هون ( من النحاس المعتبر بتاع زمان ) واللى ملقاش نزل بكبشة واللى ملقاش نزل بشوكة مكرونة ونزلوا ع الاعداء قطعوهم
والاعداء هروبا من ادوات المطبخ اكتر من رصاص ومدافع الجنود
واللى بيحصل فى بورسعيد الآن حرام وعار بكل المقاييس
مع اطيب تحياتى

[عادل صموئيل]

احبائى
اقدم لكم من روائع ام كلثوم القديمة

حبيبى يسعد اوقاته

اللحن ده اعمل سنة 1943 بيرم التونسى وزكريا احمد
نوعية اللحن ده اولا لأنه صعب جدا يعنى بالطبع تعبت جدا فى تدوينه لكن مايمرش من غير قصة او مقال , انا خلال عملى فى الوسط الفنى كان حرصى الشديد انى اتعلم كل حاجة مش زى ناس كتير همهم الاول كسب المال , كان من زملائى واصدقائى العازفين ناس عواجيز كنت احرص على التكلم معهم واخليهم يحكوا مشوارهم يعنى منهم ناس عزفت فى الزمن ده الاثلاثينيات والاربعينيات وبالطبع العازفين الشاطرين كانوا بيعزفوا مع كل العمالقة يعنى مع ام كلثوم وعبد الوهاب واسمهان وفريد وكلهم ... طبعا الحوار معاهم بيمثل عدة مدارس
لما نرجع للحن الرائع ده اول شىء بيرم التونسى اكبر شاعر فى مصر قال انا اخشى على الفصحى من بيرم , طبعا الكلمة دى لها مضمون خطير يعنى كان الشعر واصل لأعلى مستواه الفنى وكان الشعب بيتذوقه ويفهمه ويحفظه لكن كانت اللهجة العامية او الزجل يعنى كلمات الاغانى بالعامية دون المستوى .. وداخل فيها كلمات من لهجات اخرى .. لكن بيرم عمل مدرسة وهى تنقيح الكلمات والمعانى بحيث وصلت الى درجة عالية من الكمال .. وبالطبع تأثر به كل شعراء العامية والمستوى ارتفع عموما .. لما نرجع لزكريا حنلاقى المقدمة الموسيقية هنا على طريقة الدولاب يعنى الفرقة الموسيقية بتبقى حافظة دولاب جملة فى مقام ما البياتى مثلا .. والملحن اصلا مش بيعمل مقدمة ولكن الفرقة لما اللحن بيكون بياتى بتعمل الدولاب البياتى ولكم يكون راست بدعمل دولاب راست وهكذا ودور الدولاب سلطنة المطرب وتوصيله الى المقام .. وده الشىء اللى ثار عليه عبد الوهاب وابتدا يعمل مقدمة وبعدين المقدمة ارتقى شأنها حتى انها ممكن تبقى مقطوعة موسيقية مستقلة .. وده من ثمار العمالقة ايضا ان كل تجديد بتعمله بيبقى نهج وتطوير تمشى عليه كل المدارس التالية ..
البشر نوعين نوع عنده حاسية فنية بيحس بالجمال ونوع تانى ما احبش اتكلم عنه .. النوع الاول دايما تحس انه بيحن للماضى لأنه كان اجمل .. يعنى انت النهارده سنة 2013 لو فكرت حتلاقى سنة 2010 اجمل .. و1980 اجمل واجمل والحياة كانت اسهل واحسن .. كان الفنانين بيحنوا لأيام الاربعينات بالرغم من عدم وجود كل انواع الرفاهية الحديثة لكن الحياة كانت اجمل بكتير يعنى اقل حاجة مثلا مكانش فيه لاتكييف ولا مرواح ولكن عمرهم ما شعروا بفظاعة الحر زى دلوقتى .. يعنى احنا مثلا فى مصر تكييف السيارة من الكماليات اوى لكن فى الكويت مثلا اللى ماعندوش تكييف ممكن يموت من الحر طيب كانوا بيعملوا ايه زمان ايام لما كانوا بيسافروا بالقوافل .. نرجع للحن كانت طبيعة زكريا احمد انه بيعمل اللحن لكن بيترك فيه مساحة مش اقل من 30% لتجويد ام كلثوم عبد الوهاب والسنباطى مثلا العكس
يعنى لما تحلل انت عمرى مثلا مش حتلاقى اكتر من 1% مساحة ممكن هى تعمل فيها حاجة من عندها .. كانت زمان ام كلثوم لما كانت بصحتها كانت بتغنى 3 وصلات الوصلة الواحدة من ساعة الى ساعة ونصف واحيانا اطول .. تنفيذ الاغانى كان بيبقى فى الحفلة النهاردة لو فيه اغنية جديدة بعكس كل المطربتغنيها فى الوصلة الثانية بتكون غنت فى الوصلة الاولى الاغنية اللى قبلها ( يعنى آخر اغنية عملتها قبل الجديدة ) وفى الوصلة التانية تغنى الجديدة بيكون صوتها بعد غناء ساعة ونصف سلكك وفتح وهى بقت فى اعلى مستوى .. اما فى الوصلة الثالثة كانت اما بتختار اغنية من القدامى او ممكن حد من اصدقائها اللى كانوا بيدخلوا يسلموا عليها بين الوصلة الثانية والثالثة ( طيب ليه مش بين الوصلة الاولى والثانية ) لأنها كانت بتستعد لحن الجديد .. كان ممكن حد عزيز عليها اوى من اصدقائها يطلب اغنية قديمة وتكن من زمان كذا سنة ماعنتهاش او عملت عليها بروفات .. كان هنا بييجى دور فلتة الزمان المرحوم محمد عبده صالح عازف القانون كان حافظ كل حرف غنته بالموسيقى والكلمات ولو تلاحظوا كانت دايما وقفتها بينها وبينه خمسة سم عشان كان بيلقنها الكلام ..
كان عبده صالح اسمو فى الوسط الفنى الديزل يعنى القطار السريه اللى بيمشى مففيش حاجة تقف فى طريقه .. حتى لو الفرقة مش فاكرين الاغنية ( ودى واضحة جدا فى التسجيل الشائع واللى انا كتبت منه الاغنية دى ) انو هو حافظ وادخل زى الغول والفرقة بتقول زيه
المهم ان ام كلثوم فى الوصلة الثالثة بعد ماتكون غنت 3 ساعات قبلها وصوتها اسلك مايكون والمقامات كلها اشتغلت معاها وييجى اللحن لزكريا احمد بتطلع من عندها كل الروئع
اترككم مع النوتة انا طبعا حاولت ابسط اللحن على قد ما اقدر بدون ان تضيع منه حاجة

مع اطيب تحياتى

[dorame]

المشاركة الأصلية كتبت بواسطة dorame

اخى العزيز
التلحين ده موهبة من عند الله ,, والموهبة بتختلف من شخص لآخر يعنى المنحة من الله بتكون لشخص متواضعة وشخص آخر عالية وبدرجات . اما عن السنباطى وانا عرفته عن قرب لفترة طويلة كان شخص متواضع غير محب للظهور يعنى كان من الشغل للبيت لم اسمع عنه او اراه فى حفلة لرواد حفلات المجتمع ولم يظهر فى احاديث تليفزيونية الا مرة واحدة فى حياته الطويلة ولم يكن محبا للظهور .. وكان متواضعا جدا فى ملبسه ومظهره يعنى فنان بمقام السنباطى المفروض يركب سيارة آخر موديل ولكنه كان يركب سيارة قديمة موديل 1945 .. وهو لم يدخن فى حياته او يشرب اى نوع من الخمور .. وللعلم من يقول ان المخدرات تصفى الذهن وتصنع العبقرية هو واهم بالعكس المخدرات تدمر المشاعر والعقل .. اما عن السنباطى بيرجع الفضل فى عبقريته فى الموسيقى الشرقة النشأة الدينية والتصاقه بالموشحات والادوار والقصائد الدينية القديمة فهى مدرسة من اروع المدارس فى الموسيقى الشرقية لأنها تتعرض بالذات للمقامات الصعبة والغير متداولة .. وتظهر فيها روعة الأداء وبالذات باللغة العربية الفصحى وذلك ما جعل السنباطى ملك تلحين القصائد الصعبة على الاطلاق .. والموسيقار الفذ لا يكتفى بالبداية ولكنه يستمر فى الدراسة فدرس الموسيقى الغربية حتى يكون موسيقار عالمى غير محدود بنوعية من الموسيقى دون غيرها وترى المزج فى الحانه بين الموسيقى العربية على اعلى مستوى وادخال الايقاعات الغربية .. واهم شىء فعله انه لآخر لحظة حافظ على الموسيقى العربية من اقتحام موجة الغزو الاوروبى عليها
مع اطيب تحياتى ادل صموئيل

الاستاذ الفاضل العزيز عادل
اشكرك على هذة المعلومات الجديد والقيمة التي لم احصل عليها مع انني من اكثر الناس تتبع لحياته وصفاتة وسيرته الذاتية
والحمدلله انه ما طلع محشش زي ما بيقولوا الكثير انه كان مدخن كبير جدا جدا وكنت ناوي ادخن طالما بيطلع الدخان ملحنين بالشكل دهوتوصلت فعلا لسبب نشاته الصوفية التي لا تخلوا الحانه منها
واول مره اعرف انه درس الموسيقى الغربية مع اني لا ارى النكهة الغربية الشديده الا في لحن اغنية ( يا ناسيني) مش متاكد هل هي لشهرزاد تقريبا ام لمن كذلك ادخل الالات الغربية في اغنية من اجل عينيك ولكنه طعمها تتطعيم اي ان الطابع الشرقي موجود ولكن مطعم بغربي عكس الاستاذ عبدالوهاب كانت الحانه تحس انها غربية ولكه شرقها
هناك ايظا جملة دائما تراوني هل لو لا السنباطي ما كانت ام كلثوم كغناء طبعا ام لولا ام كلثوم ما كان السنباطي طبعا اغاني السنباطي بالعود لام كلثوم احب اسمعها اكثر للسنباطي من ام كلثوم لا اعرف لمادا احس في صوته شجن غريب عجيب
هل السنباطي الافضل للاستاذ صموئيل من عبدالوهاب ام شخص اخر يهمنا رايك كونك الموسيقار الافضل الان
في الاخير شكرا جزيلا مره اخرى على المعلومات الحصرية الاولى عن السنباطي التي استفدنا منك اليوم ولا تبخل علينا بمثل هذة الاشياء خفظك الله لنا ورعاك
اخى العزيز
الحوار معك اسعدنى جدا وللعلم الاخوة الاعضاء بيحبوا الحوارات دى .. السنباطى كان مريض بالربو وكان لا يطيق اصلا رائحة السجائر يعنى اى عازف يعمل معه لازم انه لو مدخن كان يمتنع عن التدخين فى حضرة السنباطى .. يعنى اثناء البروفات كنا بناخد استراحة ونطلع فى الخارج ندخن ونرجع وكان هو بيسمح بتوقف البروفة عشان مايبقاش حابس حريتنا .. والسنباطى كان هو وام كلثوم ورامى ثلاثى خارق .. لمذا كان السنباطى بيعترف بام كلثوم انها المطربة الوحيدة الخارقة للعادة فى العالم العربى ؟
لأنها نشات نفس النشأة الدينية يعنى ابوها كان منشد دينى عبقرى وتربت منذ طفولتها على سماعه يؤدى الادوار والقصائد الدينية وهى نفس نشأة السنباطى لذلك كانت هى الوحيدة التى وجد فيها السنباطى ضالته وهناك سر احب اقول لك عليه اى لحن كان السنباطى يلحنه لحد غير ام كلثوم كان يستاجر فرقة ويسجله بصوته وذلك يدل انه كان مش مقتنع 100% بأى مطربة سوى ام كلثوم ولمذا كان رامى ثالث ضلع فى المثلث لن رامى كان شاعر غير عادى كان خبيلا فى عدة لغات مثل الفارسية مثلا وكان يترجمها ثم يصيغها شعراً وذلك هو المستحيل يعنى انت لو مترجم ممتاز ممكن تترجم الشعر لكن يطلع نثر لكن ان تترجم الشعر ثم تأخذ المعنى وتصيغه شعراً هذا اعجاز خارق خارق خارق والسبب لأن القصائد التى كان يتعرض لها معظم كلماتها لا مرافات لها وهنا الصعوبة وكحلمة اخيرة اقولها ان التدخين وخلافة مش بيشحذ العبقرية ولكنه عادة فقط .. يعنى انا كنت ادخن السجائر ومن سنوات تحولت الى الشيشة ( الارجيلة ) وهى لاتشحذ اى شىء من العبقرية ولكنها عادة مرتبطة بطقوس
يعنى اذهب الى القهوة ادخن الارجيلة مع فنجان قهوة ... ممكن اقول لك انى بحب اشربها فى خلوة اثناء التفكير فى اى موضوع لكنها لاتدخل اطلاقا فى التفكر او فى الموضوع لكنها ارتباط فقط
مع اطيب تحياتى عادل صموئيل