موسيقى برامج التليفزيون العربى المصرى - الصفحة 45

**كمال السيد مراد** · #**441** 11/01/2013, 19h17

السلام عليكم
انا عضو جديد في منتداكم ده واللي دفعني بجد للإشتراك فيه انه الناس اللي فيه معلمين بجد وبيعرفو يجيبو الأصل سواء العالمي او المحلي للموسيقى اللي اتعملت تتر لأغلب برامجنا وفكرونا بجد بأيام زمان ..
المهم انا طالب طلب بعد إذنكم - اعتقد انه بسيط بالنسبة لحيتان السمع - تتر مقدمة برنامج اذاعي " تحــــت العشــــرين" اللي كان فيه اغنية "...ايه الجمالات دول ..ايه الجدعان دول..آه ..تحت العشرين" على ما اذكر وكان مشهور جدا في السبعينات وما بعدها .. وشكرا جزيلا

**ماجد المصري** · #**442** 13/01/2013, 09h43

اقتباس:

المشاركة الأصلية كتبت بواسطة محمدعبدالرحيم

بشكر الاستاذ عاشق الجمال على هذة النادرة بقى ان نقول ان تتر برنامج اليوم المفتوح هو موسيقى اغنية المطربة الكندية Miquel Brown بعنوان So Many Men

شكرا علي الاغنية الجميلة اللي بتفكرنا بالايام الجميلة و احب اضيف الموسيقي فقط لنفس الاغنية اللي كانت بتعرض يوم الخميس في التليفزيون المصري برنامج اليوم المفتوح

**إسلام عثمان** · #**443** 13/01/2013, 16h50

ألف شكر لكل من أسهم فى ذلك الموضوع الرائع
بكل ما تحمله الكلمة من معنى
وأولهم الأستاذ وائل نصار
والذى كان هو صاحب البذرة التى أثمرت لتصبح شجرة عملاقة
أنا كنت طلبت قبل كده موسيقى ترومبيت كانت بيبدأ بيها إرسال القناة الأولى صباحًا وقبل تلاوة القرآن الكريم
والصراحة أنا شاكك إنها لرون جودوين وده من خلال المقطوعات الموسيقية
اللى سمعتها له من خلال الموضوع
يا هل ترى حد من المتخصصين فى مجال الموسيقى النادرة لقاها واللا لسه ؟؟؟

**إسلام عثمان** · #**444** 13/01/2013, 16h59

الفيديو ده أنا كان ليا معاه ذكريات لا تنسى بالمرة
لأنى من صغرى كان معروف عنى إنى لما ييجى وقت الأذان على القناة الأولى بالذات
كنت ألتفت تلقائيًا للتليفزيون عشان أسمعه
وبالذات لما يكون وقت المغرب بصوت الشيخ مصطفى إسماعيل
أو العشاء بصوت الشيخ محمد رفعت - رحمة الله عليهما -
هنا هتلاقوا رابط الفيديو
http://www.sama3y.net/forum/showpost...6&postcount=85
نفسى بقى لو واحد من الأساتذة الكرام يجيب لنا موسيقى الناى اللى بتسبق الأذان فى الفيديو ده كاملة
لأنها واحدة من أروع ما سمعت فى التليفزيون المصرى

**إســـلام جـُـبـّـه** · #**445** 18/01/2013, 22h23

مقدمة برنامج الموسيقي العربية اعداد وتقديم د/ رتيبة الحفني اخراج امال عزت

**إســـلام جـُـبـّـه** · #**446** 18/01/2013, 22h29

موسيقي قانون تذاع في شهر رمضان قبل اّذان المغرب يوميا

**نادر خواجة** · #**447** 19/01/2013, 00h50

اقتباس:

المشاركة الأصلية كتبت بواسطة blossom

موسيقي قانون تذاع في شهر رمضان قبل اّذان المغرب يوميا

الأستاذ \ blossom

هدية رائعة والله تجعلنا نشعر فى الحال بالأنتظار ومناداة الشيخ محمد رفعت أن يريحنا بالأذان بصوته المربوط بأذهاننا فى شهر رمضان الكريم ( خلصنا ياقانون ) علشان نفطر بقى

شكرا جزيلا

**إســـلام جـُـبـّـه** · #**448** 19/01/2013, 08h06

بالمــرة يا اســــــتاذ / نادر مدفع الافطار الذي يذاع بين معزوفة القانون والاذان

**إسلام عثمان** · #**449** 19/01/2013, 15h04

اقتباس:

المشاركة الأصلية كتبت بواسطة blossom

موسيقي قانون تذاع في شهر رمضان قبل اّذان المغرب يوميا

الله عليك يا أستاذ Blossom
فكرتنا بأيام حلوة أوى
أيام رمضان اللى بنشتاق لها من عام لعام
على فكرة كان فيه برضه موسيقى قانون مشهورة أوى
بس من غير رق وكانت بتتذاع قبل المدفع

**إســـلام جـُـبـّـه** · #**450** 19/01/2013, 22h44

موسيقي القانون قبل اذان المغــرب في شهر رمضـان هل هذه هي المطلوبة يا استاذ / اســلام