طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم من روائع فريد الاطرش

يا جميل ياجميل


مع اطيب تحياتى

[عادل صموئيل]

احبائى
كل عام وانتم بخير
وترحل سنة من اسوأ ما مر على مصر وسنة وليدة نتمنى تكون احسن ( شوية )

اقدم لكم ترنيمة

كللت السنة بجودك

وهو بتتقال للوقت ده من السنة يعنى آخر السنة
الترنيمة من اداء فريق كورال هو اضاف اليها مقدمة وحاجات لكن انا عملت اللحن الاساسىة يعنى اى حد يحب ينفذها ما افرضش عليه عمل سابق وكل حد يؤديها كما هو يحب
السلم صعب شوية وانا اعتبره درس حلو لكم يعنى لو مسكت الآلة بتاعتك وحاولت تعزفها اكدي حاتستفيد
مع اطيب تحياتى كا عام وانتم بخير

[عادل صموئيل]

احبائى
اقدم لكم من الحان فريد الاطرش
كلمة عتاب
اللحن دهانطلب من وقت طويل وانا كنت متردد انى اكتبه , يعنى انت لما تسمع اى تسجيل ده موضوع لكن خبراء المطبخ بيبقى لهم رؤية تانية , والتسجيل المقدم من الاخ هيثم مش على فرقة ولكن حد اخد التسجيل اللى على العود وركب عليه فرقة بعد وفاة فريد الاطرش .
نفس الللى حصل ى اغنية من غير ليه لما ركبنا الفرقة على تسجيل اعود القديم لكن هنا الامر يختلف . لن من غيرليه كان لحن مكتمل لكن كلمة عتااب ده لحن غير مكتمل , يعنى الورثة بتوع فريد الطرش لقوا التسجيل ده وسط مقتنيات فريد الاطرش وممكن يكون عمله قبل وفاته مباشرة او من قبلها بفترة وركنه .. لما تسمع فريد بيعيد فى الجمل هنا جمل مش مكتملة تلجينا ولكن تحس انه لسه بيدور على حاجة او فكرة ما جتش او لم تنضج بعد .. والفرقة اللى اخدته وركبت عليه الموسيقى اعتقد يعنى تفتقر الى حاجة خطيرة وهى الاحساس الفنى يعنى لما تسمع السقطات اللحنية والايقاعية بالذات فى الكوبليه .. لأن اللحن لسه عبارة عن تجارب .. انا حاولت الترميم بقدر الامكان لكن مش عارف ..
لكن انا اقدمه لكم يعنى عشان ما اكونش منعت عنكم حاجة انتم طلبتوها لكن من وجهة نظرى اللحن ده اسوأ لحن ممكن يتكتب عليه اسم فريد الاطرش لأنه غير مكتمل يعنى اكيد لو كان فريد كمله كان حايبقى كلام تانى واقول لكم حاجة تانية لما بليغ كمل اللحن ده شوفوا اول حاجة ان المقدمة الموسيقية مش اللى هى يعنى مش مستوى فريد اصلا .. لذلك بليغ عمل مقدمة جمع فيها من جمل فريد الموسيقية الشهيرة
مع اطيب تحياتى

[عاصم المنشاوى]

الأصدقاء....

الكبير / عادل باشا صموئيل
شكرا ياجميل على "كللت السنة بجودك".....بس أيه ده؟...دى ييجى فيها3 كيلو ديييز...ودى تتعزف عالعود أزاى دى..؟.ههههههههه..مانت عارف يابرنس ..انا متخرج من التأهيل المهنى مش من بيت العود ....ماتشوف لنا حاجة سهلة كده...الله يخليك...عشان الفضيحة بس,....أستر عليّا...الآهى يسترك دنيا وآخرة...هاهاهاها

الفنان/ يوسف قاسمى جمال...
الترنيمة موجودة على "اليوتيوب"......Youtubeماعليك سوى أن تكتب أسم الترنيمة ياصديقى" كللت السنة بجودك"......وستظهر لك فورا بكذا صورة مغنيين مصريين وغير مصريين ..وبالكلمات كمان ...بطيئة وسريعة مع ايقاع وبدون...وأكثر من حفلة متنوعة...وكل سنة وحضراتكم بخير

أ/عادل...أنا ذاكرت النوتة تانى ...كده كله ناتورل ..ماعدا ال "فا" دييز ...صح كده؟

عزيزى عاصم باشا
متاخدش بالك من الدييزات الكتير دى محطوطة كده بس عشان الشكل الاكاديمى لكن زى ما انت لاحظت معظمهم ناتورال
عاملة زى فيلم لفؤادالمهندس كان ماشى فى الطريق الصحرواى لقى واحدة واقفة عربيتها امريكانى من الكبار اوى عطلانة فتح الكبوت وقعد يخلع منها حاجات ويرمى فى الشارع المهم بعد ماخلع ييجى عشرين حاجة العربية دارت قالت لو والحاجات اللى انت رميتها قال لها ماتخافيش دى حاجات محطوطة عشان يغلوا تمن العربية
مع اطيب تحياتى عادل صموئيل

[salhi_haithem]

السلام عليكم ورحمة الله
حقيقة جهد تشكر عليه يا أستاذ عادل و انا سعيد جـــــــــــــــــــدا بهذه النوتات خاصة كلمة عتاب ياحب تدوين عظيم و ما ابسطش من كده و هذا هو المطلوب... و انا اشاطرك الرأي في انه في اضافة موسيقى الفرقة على الاغنية لم يكن سليم حتى الايقاع لم يكن مسترسل مائة بالمائة
حقيقة انا سعيد و انا في انتظار انتاجك
هيثم

[زينة الغريبي]

شكرا استاذ عادل على هذه الاغاني الجميلة و الرائعة
عزيزتى زينة
ارجعى صفحة او اتنين تلاقى مقطوعة موسيقية لعبد الوهاب اسمها : اليها
عايزمك تعزفيها وتسمعيها للأستاذ بتاعك
مع اطيب تحياتى عادل صموئيل

[زينة الغريبي]

المشاركة الأصلية كتبت بواسطة زينة الغريبي

شكرا استاذ عادل على هذه الاغاني الجميلة و الرائعة
عزيزتى زينة
ارجعى صفحة او اتنين تلاقى مقطوعة موسيقية لعبد الوهاب اسمها : اليها
عايزمك تعزفيها وتسمعيها للأستاذ بتاعك
مع اطيب تحياتى عادل صموئيل

شكرا استاذ عادل و انشاء الله في الاسبوع القادم سأخبرك برأي استاذ رشيد في تدوين الاغنية.. و على فكرة الاستاذ موصيني على أن امده بكل جديد من أغاني عبد الحليم الطويلة و فريد كل ما تدونه و اغاني ام كلثوم القديمة الحان رياض و زكريا أحمد و المقطوعات الصامته مثل عزيزة و ابن البلد و ليالي لبنان و ليالي الجزائر لعبد الوهاب لأنه في اغلب المناسبات الموسيقية يعزفوا اما عزيزة او غيرها من القطع الصامته و قد أعجب بأغنية عواطف من تدوينك و مقطوعة عبد الوهاب حياتي من تدوين الاستاذ طارق

الاخت العزيزة
الفرق بين تدويناتى والتدوينات القديمة انى بالليل كنت اعمل مع العمالقة وفى الصباح كنت اعمل مدرس موسيقى يعنى بعمل مع ناس بتبدأ من الصفر والدرجات المحدودة اللى بعد الصفر ومن هنا حسيت ان النوت المكتوبة بصعوبة احترافية صعب جدا المبتدئين يعزفوها .. ومن هنا عملت طريقتى وهى تبيط النوتة مع عدم الاخلال باللحن طبعا .. يعنى انتى ممكن تلاقى نوتتين واحدة صعبة وواحدة سهلة ولو عزفتيهم يطلع نفس الشىء ولكن تختلف ان النوتة السهلة الجميع ممكن يعزفوها اما الصعبة خمسة % فقط هم اللى يقدروا يعزفوها ... وبالطبع لو سألتى نفسك ليه استاذك عايز يبشوف كل مدوناتى ؟
لأن النوتة السهلة بترفع من مستوى تلاميذه بعكس النوت الصعبة
يعنى هو لو اعطى تلاميذه النوت السهلة التلميذ ممكن يعزف فى السنة 360 لحن
لكن لو اعطاهم نوت صعبة التلميذ يادوب ممكن يعزف فى السنة عشر الحان بطلوع الروح
وهنا التلميذ يحس انه استفاد من الاستاذ .. يعنى لو تلميذن عند استاذين واحد عزف فى سنة 100 مقطوعة والآخر عزف خمس مقطوعات
اكيد شكل الاستاذ اللى انجز اكتر بيبقى احلى
فيه حاجة مهمة انا سعدت بها كثيرا مع الاخوة الشباب اللى بيدونوا .. انهم لو كانوا شافوا النوت القديمة الصعبة فقط كانت حاتبقى تدويناتهم صعبة لكن لما شافوا النوت السهلة بتاعتى اكيد حسوا بالفرق وبيدونا النوت اسهل وده شىء مهم جدا للمستقبل
مع اطيب تحياتى

[نور الصباح]

[QUOTE=عادل صموئيل;616606]

احبائى
اقدم لكم من روائع فريد الاطرش
يا جميل ياجميل
مع اطيب تحياتى

SSSSSSSSSSSSSSSSSSSSSSSSSSSSSSS

أســـــــــــــــــــــــــتاذنا العزيـــــــــــــــــــز الفنان الكـــــــــــــــــــــــبير الأســـــــــــــــتاذ
عـــــــــــــــــــــــــــــــــــــــــــــــــ ـــــادل با شـــــــــــــــــــــــــا صموئــــــــــــــــــــــــــــــــــــــــــــــ ـيل
سلام الله عليكم ورحمته وبركاته
وبعـــــــــــــــــــــــــــــــــــــــــد :
ما رأيكـــــــــــــــــــم لو طلبت من جنابكــــــــــــــــم نقلها من مقام
حجاز على درجة ( دو ) إلى مقام الحجاز على درجة العشيران ( لا )
فأنا أحب عزفها من درجة ( العشيران - لا - القرار )
أسهل وأحسن
وشكرررررررررررررررررررررررررررررررررررا
أخوكم
نور الصباح