احيائى
اقدم لكم نشيد
صوت الجماهير
انا دخلت المنتدى الساعة 2 صباحا وشفت مشاركة الاستاذة سوسن موجهة موسيقى بكفر الشيخ
طلبت النشيد ده
وانا على الفور كتبته يعنى اخد حوالى ساعة
لكن وانا بكتبه فكرت فى حاجات كتير الحلو فيها انا رحت طنطا اديت محاضرة لمجموعة من مدرسى وموجهى الموسيقى من كذا سنة وكنت بعلمهم واشرح لهم برنامج انكور للتدوين وهناك قابلت مجموعة او وفد من كفر الشيخ ولفت نظرى انهم شاطرين جدا وودودين جدا وكنت اتمنى بالطبع اشوفهم تانى وانا اطلب من الاخت سوسن انهم تبلغهم تحياتى واتمنى انها تديهم رابط المنتدى يكونوا معانا وانا فاكر استاذة اسمها رضوى لاحظت انها شاطرة اوى
اما الحاجة المؤلمة وانا بكتب النشيد ده ان اللى بيحبوا الاناشيد والاغانى الوطنية كان الموسم بتاعها كل سنة عيد الثورة يعنى كل مطرب لازم يقدم حاجة بدا من ام كلثوم وعبد الحليم وحتى اللى مش بيشترك فى الحفلات يعنى فى الاواخر كانت ام كلثوم بتعمل حفلة يوم 23 يوليو وحفلة تانية يوم 26 يوليو فيها عبد الحليم وفايزة ووردة ونجاة وحشد من النجوم والحلفلات لازم بيحضرها السيد الرئيس واللى مش بيشترك بيعمل اغنية وطنية تتذاع فى الاذاعة وتضاف الى الكنوز ... اللى حز فى نفسى ان خلاص .... النظام القائم والسيد الرئيس عمرهم ما حايعملوا حفلات ولا يحضروا حفلات او حتى الاتجاه ان الفن حرام والموسيقى اصلا مش حايبقى لها وجود
افتكرت فى تمثيلية تليفزيونية طفل عمره خمس سنين وادله توفى وهو حزين قال كلمة : يعنى انا خلاص مش حايبقى عندى بابا
وافتكرت سؤال ايه الفرق بين المتدينين والتتار ؟؟؟؟ وهل ربنا بيبعت للبشرية رسول ينادى بالعلم والتطور والتقدم وكل شىء جميل ولا الدين بييجى عشان الدنيا تبقى ظلام ؟؟؟
الرسول صلى الله عايه وسلم قال : اطلبوا العلم ولو فى الصين الكلمة دى انا ممكن اقول لك معناها فى كتاب مش فى مقال ... اقل معنى ليها ان الرسل الله بيديهم بصيرة واحساس بالمستقبل ... يعنى الرسول لما قال الكلمة الجميلة دى كان اماه ايه ؟ او شايف ايه ؟؟؟ البادية من 1400 سنة .. اكيد الله اداه بصيرة انه يتخيل ان البادية دى مش حاتفضل بادية .. وان الناس مش حاتفضل للأبد رعاة غنم وان حايبقى فيه تطور مذهل .. ما يجيش ناس يدعون انهم ينتسبون الى هذا الرسول ومعاهم متفجرات ويدمروا المدنية والحضارة ويقولوا انهم بكده بيتقربوا الى اللى الله ... انا قريت كل ما يمكن ان اطوله فى الدين ...ان الله ورسوله عمرهم قالوا اخربوا الارض ولكن كلامهم بإختصار كان عمروا الارض مش كده ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري