طلبات نوتة أ / عادل صموئيل الجزء الثانى

[عادل صموئيل]

احبائى
يحز فى نفسى اكتر شىء ونحن ننعى الموسيقار الكبير عمار الشريعى
الاحداث السوداء المقززة التى تمر بها مصر من يوم 25 يناير ولمدة سنين تقريبا
يعنى عمار الشريعى بيعتبر من آخر القطرات المتبقية من نهر الفن الجميل وتحدث وفاته فى يوم اسود من أيام مصر ونرى خبر وفاته على شريط الاخبار على احد الشاات فقط ... يعنى الجو الملغم بالأحداث المؤسفة التى تحدص لتدمير مصر .. لم يعطى احد الفرصة لكى يقدم لعمار الشريعى التكريم الذى يستحقه .. يعنى حتى ممكن ناس كتير ما ياخدوش بالهم من الخبر وهم يقلبون فى الفضائيات لهثا وراء خبر عن انفراج ازمة او كارثة جديدة
يعنى كان اقل شىء امس ان المحطات تتكلم عن عمار الشريعى ولكن الاحداث حالت دون ذلك
ولكن مع ذلك عمار الشريعى باق .. يعنى النان بيرحل بجسده لكن اعماله تحيا
رحم الله عمار الشريعى واسكنه فسي جناته
مع اطيب تحياتى

[Anitta]

انا متشكرة جدا على التوزيع سهل جدا و رائع
و كمان في تظبيق على السنيو و الكودا لاحظتو و عرفت اعزفوا و دة بفض حضرتك
انا متشكرة جدا لحضرتك و لسرعة تلبية حضرتك ظلبي


الابنة العزيزة
الحمد لله انه عجبك
زى ماقلت لك العبرة مش بالتوزيع الصعب ولكن التوزيع الى اولا سهل عليكى تعزفيه وثانيا السهل بيبقى سهل على اذن المستمع
يعنى حتى لو تواجد عازف البيانو المرعب اللى يقدر يعزف النوتة اللى انتى نزلتيها مش حتلاقى المستمع اللى يفهم اللى بيتقال ويبقى عملنا حاجة صعبة مالهاش قيمة
واقول لك على سر .. عشان تلاقى حد يفهم التوزيع الصعب اللى فى النوتة لازم يكون حد متخصص اوى اوى فى البيانو عشان يفهم التركيبات الموجودة ودى مش حتلاقيها غير عند بتوع الكونسرفاتوار
لكن اللجنة بتاعة المسابقة عمرها ماتوصل للمستوى ده وحتى لو فيه قدامهم نوتة هم بينظروا على السطر الاول اللى فى مفتاح صول يبقى التعب راح على الفاضى
واقول لك على سر تانى كالما اللى بيسمعوكى ناس عاديين لو انتى شاطرة بنسبة 80 % خلى عزفك حاجات صعوبتها خمسين % فقط عشان تعزفى واتنى مستريحة
بمعنى لو عربية سرعتها 120 كيلو لو مشيت بسرعة 80 كيلو حاتبقى مستريحة الموتور صوته هادى لكن لو مشيت على سرعة 120 كيلو بيبقى الموتر على آخره ويسخن ويزعق
مع اطيب تحياتى عادل صموئيل

[فؤاد العلمي]

الأستاذ الكبير عمار الشريعي فنان بكل المقاييس: ملحن كبير، عازف ممتاز على آلات متعددة، دارس للغاية، متمكن جدا، موهوب، حساس، ذاكرة فوق العادة، مجدد مع الاحتفاظ بالنمط الشرقي...الخ الخ الخ
إنه رجل استثنائي جدير بأسمى تعابيير التقدير والاحترام. سيفتقده الفن العربي كثيرا خصوصا في هذه الظروف الصعبة.
سيبقى رحمه الله حيا بأعماله وبرامجه الشيقة، لكنه رحل وبداخله كنز من المعرفة الدقيقة والمعمقة، أتمنى أن يخرج للوجود هذا الإرث الثمين، وألا تكون عائلته مثل عائلة السنباطي حيث أن أحمد السنباطي كان يطلب مالا لبيع تسجيلات والده لشركة روتانا، هذه الصفقة التي لم تر الوجود إذ كان الخاسر الأول والأخير هو الفن.
رحم الله كل العمالقة، وكما قال الأستاذ عادل: أجسادهم هي فقط التي ترحل.
مع تحياتي -فؤاد.

[عاصم المنشاوى]

[SIZE="4"][/SIZE]لما كنا صغيرين
كان لينا مكان صغير دايما تقابلني فيه
لما كنا صغيرين
كان لينا حلم أخضر في قلوبنا عيشنا بيه
فاكرة يا حبيبي فاكرة
فاكرة زهر البنفسج فاكرة ضل الشجر
فاكرة لمسة أيديك
و حنان نظرة عينيك
فاكرة ومش ناسية أبدأ
أيام ما كنا نسهر نتونس بالقمر
أيام ما كنا نسهر يضحك لينا القمر
نتونس بالقمر .. يضحك لينا القمر و نغني مع القمر
و أتغير الزمان .. و أتبدل المكان أتبدل المكان
لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي
و أن خدعتني الأماني .. أو ضاع حبي في ثواني
أرجعلك أنت تاني .. تاني
يا صاحبة المكان .. يا أقوي من الزمان
ألأيكي يا مصر أنتي يا حبيبتي زي ما أنتي
ألأيكي يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شيء يتغير ... و أحنا بتكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا
رحت تاني للمكان ... فكرني بكل حاجة و بأحلى سنين هوايا
رحت تاني للمكان .. لقيت أثنين بدالنا عايشين نفس الحكاية
ضحكة مالية عنيهم رعشة بينه في أيديهم
عايشين نفس البداية
ضحكتهم يا ترى ... فرحتهم يا ترى ....هيخليها الزمان
دنيا و بتلف بينا... ترسم ضحكة عنينا
و تدينا الأمل .. نغني للأمل و نعيش ويا الأمل
و يتغير الزمان .. يتبدل المكان
لكن يا مصر أنتي .. يا حبيبتي زي مانتي
جميلة زي ما أنتي و أصيلة زي ما أنتي
و أن خدعتني الأماني .. أو ضاع حبي في ثواني
ارجعلك أنت تاني
يا صاحبة المكان .. يا أقوى من الزمان
ألأيكي يا مصر أنتي يا حبيبتي زي ما أنتي
ألأيكي يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شىء يتغير .. و أحنا بنكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا .... بنحبه كلنا !!


كلمات:مصطفى الضمرانى تلحين المرحوم الراحل: عمّار الشريعى غناء:شادية

أستاذ /عادل ...أيه رأىى جضرتك...مساء الخير عليك؟

[نور الصباح]

[QUOTE=عاصم المنشاوى;614727][SIZE="4"][/SIZE]لما كنا صغيرين
كلمات:مصطفى الضمرانى تلحين المرحوم الراحل: عمّار الشريعى غناء:شادية
أستاذ /عادل ...أيه رأىى جضرتك...مساء الخير عليك؟

ssssssssssssssssssssssssss
حبــــــــــــــــيب قـــــــــــــلبى وحبــــــــــــــيبى
الأســـــــــــــــــــتاذ
عاصـــــــــــــــــــــــــــــــــــــــــــــــ ــــم المنشـــــــــــــــــــــــــــــــــــــــــــــ ـاوى
مســــــــــــــــاء الفــــــــــــل - بضم الفاء مش بكســــــــــرها
نشــــــــــــنت ونيشــــــــــــــــانك رشــــــــــــــــــــق ( زينات صدقى )
نشــــــــــــــنت يــــــــا فالـــــــــــح ( استيفان روستى )
برافـــــــــــــــــــــو عليكـ ( أحمد عبدالله )
وشكرررررررررررررا
أخوكم
نور الصباح

[المنير]

السلام عليكم و رحمة الله

رحم الله الفقيد عمار الشريعي و إنا لله و إنا إليه راجعون. و بهذه المناسبة الأليمة أقدم أحر التعازي إلى الأخ عادل باشا صموئيل و إلى كافة الشعب المصري الشقيق.

[عادل صموئيل]

لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

لما تسمع اللحن ده تحس اد ايه الوطنية عند الفنان .. يعنى مفيش اى مكسب او مادة ممكن تدى الاحساس القوى ده الا الحب
وهنا عمار قدم شادية فى لون جديد غير شادية قبل
طبعا انا ما كتبتش التوزيع .. لما تسمع عمار دايما تلاقى شفرة لازم حد يفكها وهى علامات التحويل الجميلة اللى بتدخل فجأة ... لكن الحمد لله انا هنا فكيت الشفرة واقدم لكم اللحن فى منتهى السهولة

مع اطيب تحياتى

[salhi_haithem]

المشاركة الأصلية كتبت بواسطة عادل صموئيل

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

مع اطيب تحياتى

السلام عليكم جميعا
الاخوة الاعزاء استاذ عادل شكرا لتدوين تحفة شادية "اقوى من الزمان" وأردت ان اتكلم على اللحن فهو غريب جدا حيث من اول ما تسمع اللحن تقول انه لجمال سلامه و ليس لعمار الشريعي لانه الستايل متاع الاغنية نسبيا يشبه ستايل جمال سلامه مثل اغنية ال جاني بعد يومين, و حقيقة فيه مفارقات غريبة في الموسيقى ...
هيثم

[armendo]

الأخت العزيزه ياسمين سمير ... نظرا لشدة احتياجك لنوتة لفى البلاد ياصبيه اليك النوته ارجو ان تفيدك الى ان يدونها الأستاذ عادل قريبا ان شاء الله.
مع ارق تحياتى

احمد (ارمندو)

اشكرك اخى العزيز ارمندو
هو انا ابتديت ادون فيها ويمكن تخلص على بكره ان شاء الله
انا الاول دونتها على السرعة 100 زى النوتة اللى انت منزلها بس لقيتها حاتبقى مكلكعة يعنى عايزة محترفين اوى واعدت تدوين الجزء اللى كتبته تانى على سرعة 150 وطلعت اسهل كتير .. وهو كويس ان يبقى نسختين من النوتة وكل واحد يختار اللى تمشى معاه اسهل
مع اطيب تحياتى عادل صموئيل

[عادل صموئيل]

احبائى
اعيد تقديم نوتة رائعة ام كلثوم

ليلى ونهارى

انا كنت منزلها من فترة لكن الاخ العزيز فؤاد العلمى اكتشف فيها حاجة
ان صفحة رقم 6 انا مدونها نازلة اتنين تون ونصف لكن صفحة رقم 7 سليمة
انا بصراحة عشان مشغول اوى والملف كان مش تحت ايدى مباشرة خليت الاخ العزيز وائل علوى يشوف الموضوع قال كلام فؤاد اللمى صح
وانا صلحتها واشكر الاخ العزيز فؤاد العلمى انه نبهنى ... وياريت اى حد منكم لو يلاحظ اى ملحوظة جوهرية فى اى نوتة ينبهنى وانا اصلحها
هى الغلطة جت منين ؟ وده درس للمدونين
انا دونت من اول صفحة الى صفحة خمسة بعدين تركتها فترة
بعدين لما حبيت ادون صفحة 6 دندنتها وانا ماشى فى الشارع وجيت كتبتها فورا والمشكلة انى دندنتها من تون تانى غير اللى كاتب منه اللحن
ارجو الاخ العزيز هيثم انه فى الفهرس يحط النوتة دى مطرح القديمة وله جزيل الشكر
مع اطيب تحياتى