طلبات نوتة أ / عادل صموئيل الجزء الثانى

[عادل صموئيل]

احبائى
من الحان الموسيقار الكبير
احمد صدقى
اقدم لكم رائعة للثلاثى المرح وثلاثى النغم

حبة ملح

مع اطيب تحياتى

[عادل صموئيل]

خاص للأخت العزيزة زينة الغريبى

انتى طلبتى دور كادنى الهوى غناء عباس البليدى
انا تحت امرك ولكن عندى نفس الدور غناء كورال فرقة الموسيقى العربية واعداد الاستاذ عبد الحليم نويرة
انا مقدمه عزفا على الكمان ايضا فى قسم المبدعون
هو بتاع نويرة ابسط واسهل واقدم لكى الملف الصوتى هنا
شوفى تحبى ده ولا ده انا افضل بتاع نويرة لأنه مقنن اكتر يعنى اسهل فى الكتابة
اما لو رغبتى بتاع عباس البليدى اكتبى لى وانا تحت امرك

مع اطيب تحياتى

[نور الصباح]

[QUOTE=عادل صموئيل;613759]

احبائى

من الحان الموسيقار الكبير
احمد صدقى
اقدم لكم رائعة للثلاثى المرح وثلاثى النغم
حبة ملح
مع اطيب تحياتى
ssssssssssssssssssssssssssssssssssssssss
تســــــــــــلم إيــــــــديكـ وتســــــــــــــــــلم عينيـــــــــــــــــكـ
ويحفظـــــــــــكـ الله لمصــــــــــر وللموســــــــــــيقى العربية
ويـــــــاريت تــــــــــــنزل الملف الصوتى للأغنــــــــــــــــية لأنى دورت عليه
فى أغنيات الثلاثى المرح والنغم فى قسم ( نجوم الطرب )
وشكررررررررررررررررررررا
أخوكم
نور الصباح
اخى العزيز
اليك الملف مع اطيب تحياتى عادل صموئيل

[زينة الغريبي]

المشاركة الأصلية كتبت بواسطة عادل صموئيل

خاص للأخت العزيزة زينة الغريبى

انتى طلبتى دور كادنى الهوى غناء عباس البليدى
انا تحت امرك ولكن عندى نفس الدور غناء كورال فرقة الموسيقى العربية واعداد الاستاذ عبد الحليم نويرة
انا مقدمه عزفا على الكمان ايضا فى قسم المبدعون
هو بتاع نويرة ابسط واسهل واقدم لكى الملف الصوتى هنا
شوفى تحبى ده ولا ده انا افضل بتاع نويرة لأنه مقنن اكتر يعنى اسهل فى الكتابة
اما لو رغبتى بتاع عباس البليدى اكتبى لى وانا تحت امرك

مع اطيب تحياتى

استاذ عادل توكل على الله لان طريقتك سهلة و هي تدفع لتعلم و للعزف المريح
و شكرا مسبقا
الاخت العزيزة
اشكرك لتفهمك
احب احكى لك حكاية
انا بعشق الدور ده ولما حبيت اعزفه على الكمان نزلت من على النت ( وموجودين هنا فى المنتدى ) اكثر من عشر تسجيلات مختلفة لهذا الدور يعنى منهم مطربين كبار جدا من بتوع الاربعينات والثلاثينيات لكن وجدت مشكلة خطيرة وهى ان كل مطرب بيعمل اللحن على ذوقه هو او زى ما هو شايف ودى للعلم الحاجة الخطيرة اللى عملت لخبطة فى التراث الموسيقى لن معروف اننا لم نعمل بالتدوين فى مصر الا فى الثلاثينيات وكان التدوين محدود جدا , وكان كل الموسيقى والغناء اللى اتعمل على مر التاريخ كان بيتدوال بالحفظ من شخص لشخص او بالتلقين مفيش حاجة محددة ,, وخطورة التلقين ان كل واحد بينقل اللحن بنظرته ومن هنا ممكن تلاقى اللحن خلال عشر سنوات اتغير جدا او ضاعت نكهته الاصلية .. ولكن عبقرية الفنان عبد الحليم نويره انه عمل اجاز اعجازى سيذكره له التاريخ انه كان بيمسك عمل على حده .. ويبدأ فى البحث عن المطربين والعازفين العواجيز اللذين ممكن يكونوا عاصروا هذا اللحن ويسمع منهم ويسجل لهم الى ان يكون شكل عام للحن ثم يعيد ترميمه ويصيغ منه شكل جديد مقنن محسوب ويتم تدوينه ثم تنفيذه على فرقة الموسيقى العربية .. وللعلم اداء فرقة الموسيقى العربية اتسم بالسهولة والانضباط والتحديد مما سهل تناقل اللحن بعد ذلك للكافة وايضا الحفاظ على التراث لأن اهم شىء هو التدوين والتقنين
يعنى انتى لو تمعنتى فى اداء عباس البليدى مثا هو مطرب اكثر من رائع لكن ادؤه صعب على المطربين الاقل يعنى مش حايقدروا يغنوا اللى بيقولوا عباس البليدى لكن مع تنفيذ عبد الحليم نويرة كان من السهل ان الكل يؤدى هذا الدور الرائع
مع اطيب تحياتى عادل صموئيل

[zenddin]

من فضلكم السادة الاساتدة والاخوة اعضاء منتدى سماعي من يتفضل وله
الشكر الجزيل ويزودني بنوتة اصالة "ما تسالنيش حبيتك ليه".
وبارك الله في الجميع.

[فؤاد العلمي]

أخي الأستاذ عادل
كنت قبل قليل أعزف ليلي ونهاري من نوتة حضرتك، تدوين رائع جدا كعادتك، سهل ودقيق. غير أني وجدت الكوبليه بأكمله ابتداءا من الصفحة السادسة به خطأ بسيط، وهو أن حضرتك خفضت اللحن 2 تون ونصف. يعني الموسيقى تبدأ ب دو وليس صول.
أرجو تصحيحها لنحتفظ بها كاملة.
مع كل المودة- أخوك فؤاد.


أستاذي عادل
حضرتك لم ترد علي، أنا منتظر تصحيح النوتة، أو على الأقل إشارة من حضرتك
اخى العزيز
انا ما اقدرش اتجاهل الموضوع
لكن اعذرنى اولا لن النوتة حاليا مش تحت ايدى واقصد (ملف الانكور ) واللى بيحدث فى مصر حاليا واخيرا عشان حفلة ذكرى الموسيقار الكبير احمد صدقى يعنى انا متفرغ لتدوين الاغانى المطلوبة فى الحفلة
مع اطيب تحياتى عادل صموئيل

[عادل صموئيل]

احبائى
اقدم من روائع الموسيقار الكبير احمد صدقى

كنت شايلاك للزمن

ودى للمطربة العملاقة زينب يومنس
واللحن ده من العيار التقيل جدا جدا لن المطربة زينب يونس يعنى تقدر تعتبرها فى مرتبة سعاد محمد لكن مع الاسف حظها من الشهرة اقل
وطبيعى لما الكوسيقار العبقرى امحد صدقى يعمل لها لحن اكيد حايطلع كل امكانياتها
واللحن ده انا سعيد انى كتبته اولا لأنه صعب جدا جدا يعنى انا استفدت وبحس بسعادة لما ادون حاجة احس ان مش اى حد يقدر يدونها
الملفات الصوتية لجميع الاغانى فى صفحة الموسيقار احمد صدقى
مع اطيب تحياتى

[salhi_haithem]

المشاركة الأصلية كتبت بواسطة عادل صموئيل

احبائى
اقدم من روائع الموسيقار الكبير احمد صدقى

كنت شايلاك للزمن

مع اطيب تحياتى

صباح الفل
شكرا استاذ عادل على هذه التحفة الجميلة و التي تعتبر حقيقة من احلى الالحان و تحمل مقدمة جميلة مثلها مثل اغنية من غير حب الدنيا دي ايه لسعاد محمد و اغنية فاكراك و مش حنساك لنجاة على و لذكر سعاد محمد فيه اغنية جميلة من الحان صديقك محمد سلطان اغنية اوعدك و ياريت لو تضعها في الطابور لو سمح وقتك علما انه فيه نوتة للاغنية ناقصة وغير سليمة 100% وهي موجودة في موضوع سعاد محمد وشكرا
و بالمرة اردت ان اشكر اخي و صديقي الحبيب استاذ فؤاد العلمي على اتصاله به تليفونيا و قد اسعدني جدا و بارك الله فيه. و من باب الامانة قد لاحظ اخي فؤاد خطء بسيط في حساب هرم الجيزة في حساب مساحة الوجه المثلث و الخطء يكمن في الارتفاع حيث استعملت ارتفاع الهرم و الواجب استعمال ارتفاع وجه المثلث وقد اعدت حساب الوجه و المذهل انه لو حسبنا مساحة الاربع اوجه و طرحناها من مساحة القاعدة سنجد رقم عجيب اترككم لاكتشافه
مع اطيب تحياتي اخوكم هيثم

[Anitta]

الاستاذ الفاضل استاذ عادل :
عندي طلبين من حضرتك بتمني تقدر تساعدني فيهم :
الاولو الاهم في المسابقة بتاعت المندولين (اغنية لاتلومني لعبد الحليم) في فالنوتة علامتين تكرار ان حطتهم لحضرتك في مربع احمر انا كنت عايزة اعرف اية المفروض يتكرر لاني اعرف ان البيتكرر البيكون بينهم زي ما هي موجودة في تاني سطر بس دول واحدة في اخر طر و اول البعدة يعني مفيش حاجة بينهم!
الثاني انا عندي نوتة السلام الوطني للبيانو بس مكتوبة بخط الايد و انا كنت بتمنى م حضرتك تدونها على الكمبيوتر لانو بيسهل قرايتها خصوصا لسلم الفا لان زي محضرتك عارف قرايتة بالنسبة للطلبة المبتئين بتبقى صعبة شوية انا قدرت اعزف منو جزء كبير بس قابلني حاجات انا معرفش بتتعزف ازاي و كمان انا في طلبة تانية معايا المفروض اعلمهلهم بس انا كان نفسي اعلمهم يقروها من النوتة فكنت عيزاها تبقى مبسطة بس لازم تكون سلم صول و فا .
عزيزتى انيتا
فينك من زمان وحشتينا
العلامتين اول واحدة اسمها سينيو اللى زى علامة الدولاروالتانية اسمها كودا
ودى مش علامات تكرار ولكن علامات تستخدم للرجوع من مكان معين بدلا من كتابة الجزء مرة تانية
وانتى هنا معلمة احمر على علامة السينيو اللى فى آخر السطر الخامس
ارجعى بعينك من اول المقطوعة حتلاقى نفس العلامة موجودة فى اول السطر التانى يعنى ترجعى من عند السطر التانى
بعدين تمشى لحد ىخر السطر التالت تلاقى علامة الكودا تنزلى منها الى اول السطر الاخير مطرح ماهى مكتوبة
ودايما لما تشوفى اى مقطوعة بعد كده تشوفيها الاول لو لقيتى علامة السينيو معناها انك حاترجعى بدعين للمكان ده وتمشى بعينك على النوتة لحد ماتلاقى العلامة تانى يبقى ترجعى منها
وعلامة الكودا بتحدد الجزء اللى بيتعاد زتنزلى منها لحد عامة الكودا التانية حعمل لك شرح عملى
اما نوتة البيانو انقلها لك على الكمبيوتر زى ماهى ؟
اصل اللى فى مفتاح فا لو 3 اصوات على بعض ما ينفعش يتخففوا لأن الاكور يبوظ
حعمل لك الاول شرح للسنيو ونتكلم
مع اطيب تحياتى عادل صموئيل

[عادل صموئيل]

الابنى العزيزة انيتا

مرفق نموذج لإشارات الاختصار السينيو والكودا

انا عامل ترقيم للموازير
حتلاقى سينيو على اول مازورة 5
وكودا على آخر مازورة 12

بعدين حتلاقى سينيو على آخر مازورة 16
معناها نرجع منها الى مازورة 5 ونعزف لحد مانلاقى الكودا فى مازورة 12 ننزل منها للكودا الموجودة فى مازورة 17
وصلت ؟

اما عن مفتاح فا
انتى بتنزلى كلمة عن مفتاح صول
يعنى اسماء الخطوط من تحت صول سى رى فا لا وطبعا تنظمى المسافات بينهم
مع اطيب تحياتى