طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم رائعة من روائع ام كلثوم مع السنباطى

غلبت اصالح

واللحن ده بيمثل قلعة حصينة ماحدش اقتحمها يعنى ما اعتقدش حد يحاول يغنيها او يعزفها بعد ام كلثوم بمعنى ان فيه ناس بيغنوا ام كلثوم واشهرهم سعاد محمد بس بيغنوا اغانى محددة لكن اللحن ده ما اعتقدش
السبب ان الللحن ده اولا صععب جدا جدا
وثانيا وهو التميز انه لحن فيه مساحة خمسين % ابداع من المطرب بمعنى ان كل جزء منه قابل لأن المطرب يعمل فيه تقاسيم او ابداع او تجويد واللحن اللى من النوعبة دى فى منتهى الخطورة لأن ام كلثوم لو غنته 90 مرة حاتسمع كل مرة ابداع مختلف لأن ابداع ام كلثوم بيبقى ارتجال على المسرح مش حاجات محضراها من قبل
لذلك اى مطرب يحاول يغنيه كانه بيضع نفسه امام القطار
طبعا انا حاولت ابسطه بقدر الامكان وان شاء الله تعزفوه
مع اطيب تحياتى

[armendo]

العزيز الأستاذ عادل
عدت والعود احمد _غلبت اصالح فى روحى_ احدى روائع كوكب الشرق ام كلثوم والمره الوحيده التى سمعتها من صوت آخر غير ام كلثوم كانت لسوزان عطيه فى احدى حفلات فرقة ام كلثوم بقيادة المرحوم حسين جنيد والحقيقه انها غنتها بإقتدار وتمكن وكان ذلك فى بداية الثمانينات على مسرح سيد درويش بالهرم قبل انشاء الأوبرا الجديده .

وبمناسبة الحديث عن ام كلثوم ,كنت قد قرأت مقالا بإحدى الجرائد المصريه نقلا عن جريدة لوموند الفرنسيه عقب وفاتها يتحدث عن مقارنه بين صوت ام كلثوم وخاصة فى فترة الثلاثينيات وبين صوت ماريا كالاس مغنية الأوبرا الشهيره والسبرانو الأولى فى العالم الغربى فى فترة الخمسينيات والستينيات وذلك من حيث مساحة الصوت وتم قياس مساحة صوت ام كلثوم فى فترة الثلاثينيات والأربعينيات وايضا قياس صوت ماريا كالاس وكانت النتيجه لصالح ام كلثوم فهل هذا حقيقى؟
ارجو ان يكون لديك اى معلومه بصدد هذا الموضوع.

مع ارق تحياتى

احمد ( ارمندو )
اخى العزيز اشكرك على المعلومة ولكن احب اقول ان اللى قال الموضوع اصلا بيقيس القدرات الصوتية يعنى قوة الحنجرة وذبذبات النبرة الصوتية وبالطبع دى كانت اجهزة علمية وام كلثوم تفوقت
لكن الموضوع اللى اخطر من كده :
يعنى ايه اوبرا
يعنى الاوبرات بتتألف من 400 سنة
وانك تحكم على مغنية اوبرا انها ممتازة انها بتغنى الاوبرا دى
وهنا فيه ملحوظة ان المغنية وهى بتحفظ الاوبرا بتحفظها من نوتة مكتوب عليها الغنا ومش من حقها ومش مسموح انها تقول اى اضافة من عندها ... لذلك لو جبت عشرين تسجيل لأوبرا عادية مثلا حتلاقى ان غناء المغنية الاولى هو هو نقل مسكرة لأنهم بيعزفوا من النوتة والعازفين بيقروا من النوتة مفيش حاجة عندهم اسمها سماعى يعنى لو المطربة دى خرجت عن النص محبت تجود تحصل حوادث زى حوادث الطريق الزراعى لما عشرين عربية يدخلوا فى بعض اما ام كلثوم هى بتعمل اغانيخا لنفسها وهى اللى بتشترك فى وضع كل كلمة وكل جملة
وهى اللى عملت لنفسها الامبراطورية الاسطورية يعنى فرقتها وكل ماحولها واهم شىء انها لو غنت الكوبليه 7 مرات اكيد كل مرة بيبقى اباع مختلف
مع اطيب تحياتى عادل صموئيل

[إيمان.]

صباح الخير على اساتذة المنتدى وأعضائهم المحترمين ..
استاذ عادل :رائعة أم كلثوم(غلبت أصالح) هي ابداع حقيقي وهي إظهار لمقدرة صوت أم كلثوم ذو المساحة الكبيرة ..غنت أم كلثوم الاغنية بطبقات مرتفعه جدا ,
سؤالي لك استاذ عادل وللأخوة الأعضاء لماذا رأى المبدع رياض السنباطي أن يكتب اللحن بهذه الطبقات المرتفعه ؟؟؟هل لإظهار الإمكانيات الصوتية للست أم ماذا ؟؟؟
(غلبت أصالح ) هي اغنية بتستاهل شرح وتفسير للحن ياريت أحد الاعضاء يقوم بالمهمة ..
وايضا في النهاية لاأنسى أن اشكرك بالفعل أنت انسان مبدع في عملك وفي تدويناتك ...
كل الشكر لك استاذي .
اشكرك يا ايمان ويسعدنا عودتك بعد غياب
الاغنية دى انتى ممكن تعزفى على الاقل الموسيقى بتاعتها يعنى حاتسعدك اوى
مع اطيب تحياتى عادل صموئيل

[علي ثلاثة]

أخي الكريم أرمندو
تحية طيبة
أعرف أن هذا المنتدىيهتم خصوصا
بالمادة الموسيقية
واعلم أيضا أن كثيرا من الأغاني بالشرق العربي
كتبت في لهجاتها
ولكثرة ما شاهدنا قديما من الأفلام العربية
ولكثرة ما نشاهد اليوم من المسلسلات
أصبحنا ندرك معاني الألفاظ والجمل
إلا أنني ما زلت أتردد في فهم بعض الكلمات
ولا اعرف مدلولاتها إلا إجمالا
وبما أنك أخ مصري فقد توسمت فيك
استعدادا لتذليل صعوبة إدراك ما فاتني منها
من ذلك
شوبش-أنيستا-الأرندلي أو القرندلي (لست ادري)
وبماأن مثل هذه الكلمات موجودة ببعض الاغاني
فهذا يردنا إلى المادة الموسيقية
وشكرا

[armendo]

العزيز على ثلاثه..اشكرك على هذه المشاركه التى لا تخلو من طرافه,والحقيقه اننى بوغت بما لم اتوقع ولكنى مثلك فإن اهنماماتى لا تقتصر فقط على الموسيقى ولكن فى شتى مجالات الحياه والتى تعتمد على القراءه بصفه اساسيه ومن ضمنها البحث فى اصل الأشياء.
واليك ما نوصلت اليه من معانى الكلمات الت وردت فى مشاركتك:
اولا:شوبش
وهى كلمه قبطية الأصل مشتقه من الهيروغليفيه ومعناها مائة هناء وسعاده(ميت هنا وسعاده باللهجه الدارجه المصريه) وهى كلمه مركبه الجزء الأول شو وتعنى مائه والجزء الثانى بش ويعنى هناء وسعاده.
هذه الكلمه يرددها المعازيم بالأفراح يصاحبها الزغاريد.

ثانيا::الأرندلى
وهى صفه يقصد بها السب والتقريع وتستخدم فى العاميه المصريه بدلا من السب المباشر وذلك لغموض معناها.
والأرندلى لفظ محرف منقول عن الكلمه التركيه القرندلىوهى كلمه مركبه((كارا_دلى)وكارا تعنى الأسود او المشؤوم,وكلمة دلى تعنى المجنون او الأرعن او الصعلوك واستخدمها المصريون فى لغتهم الدارجه كنايه عن الصعلكه او الجنون.

اما بخصوص كلمة انستا فهل تقصد انستنا ام ماذا؟ فانا لم تقابلنى مثل هذه الكلمه من قبل فارجو التحقق منها .

مع ارق تحياتى

احمد (ارمندو))

[عادل صموئيل]

احبائى

الليلة ليلة السبت
الساعة الان فى القاهرة الواحدة صباحا
الليلة دى ماحدش فى مصر حينام توقعا لمظاهرات غدا
وانا بشخصى الضعيف المتواضع ما اقدرش اقدم لمصر الليلة دى غير مجهودى المتواضع

اقدم لكم من اغانى عفاف راضى

الباقى هو الشعب

والاغنية دى جاية فى يومها
يعنى من مطلع التاريخ شوفوا مصر احتلوها كام ومر عليها الطغاة كام ....
ولكن كله الحين فين ؟؟؟؟
الذكريات فى مذبلة التاريخ
والاجساد خالدة فى النار وبقى ..... الشعب
واقدم لكم التسجيل الصوتى لن الاخ العزيز عصم المنشاوى قال انه مش موجود
واتمنى ان مدرسين الموسيقى ينفذوه فى المدارس هو سهل جدا
مع اطيب تحياتى

[عادل صموئيل]

احبائى

مازالت ليلة السبت القاتمة الطويلة
اقدم لكم على ذوقى رائعة محمد عبد الوهاب

اقسمت باسمك بابلادى فاشهدى

اسمعوا الشغل ده وشوف اد ايه الاغانى الوطنية زمان
كانت قوة الاغنية بقوة المدافع والدبابات

يعنى من اكتر الحاجات اللى انا شفت انها ناقصة ثورة 25 يناير الاناشيد
يعنى انت شايف دبابات ونار وسامع جيتار

مع اطيب تحياتى

[ابووحيد]

شكرا للغالى الاستاذ عادل على نوته غلبت اصالح

الاخ العزيز
الف شكر وانا بسعد جدا لوجود الناس المتذوقين للموسيقى واللحن ده رائع فعلا
مع اطيب تحياتى عادل صموئيل

[فؤاد العلمي]

وبمناسبة الحديث عن ام كلثوم ,كنت قد قرأت مقالا بإحدى الجرائد المصريه نقلا عن جريدة لوموند الفرنسيه عقب وفاتها يتحدث عن مقارنه بين صوت ام كلثوم وخاصة فى فترة الثلاثينيات وبين صوت ماريا كالاس مغنية الأوبرا الشهيره والسبرانو الأولى فى العالم الغربى فى فترة الخمسينيات والستينيات وذلك من حيث مساحة الصوت وتم قياس مساحة صوت ام كلثوم فى فترة الثلاثينيات والأربعينيات وايضا قياس صوت ماريا كالاس وكانت النتيجه لصالح ام كلثوم فهل هذا حقيقى؟

احمد ( ارمندو )

[/QUOTE]

أخي العزيز أحمد
يمكنك أن ترفع لنا أغنية لأم كلثوم وأخرى لماريا كالاس، وبعد قياس الذبذبات، سأعطيك بالضبط من منهما لها مساحة صوتية أكبر.
مع أغلى التحيات- فؤاد.

[عاصم المنشاوى]

الأستاذ عادل

والباقى هو ...هو الشعب ...ولا فى قوة ولافى صعب ....يصدوا زحف الشعب
عزيزى عاصم
انا مش عارف من غيرك اعمل ايه
تخيل الاغنية دى اكتر اغنية محتاجينها دلوقتى
انا نزلتها من ع النت وابتديت اكتبها هى سهلة مش مشكلة وان شاء الله انزلها ومعاها الملف الصوتى
احنا بنعانى دلوقتى من مشكلة خطيرة من ناس عندهم مرض فى علم النفس اسمه الانفصال يعنى الشخص بيشوف اللى قدامه زى ماهو عايز يشوف يعنى هو شايف مليون فى ميدان التحرير لكن هو شايفهم500
مع اطيب تحياتى عادل صموئيل