طلبات نوتة أ / عادل صموئيل الجزء الثانى

[swaifi73]

أخي هيثم
صراحة شكلك شاطر جدا في الرياضيات والعمليات الحسابيه تتم عندك بسهولة جدا
عموما يبدوا إن المصريين تعبوا جدا في بناء الأهرامات علشان كده قالو نرتاح شوية بعد التعب
وأخذوا شوية قيلوله (راحه ) لمدة 7000 سنة
وأصبحنا حتى نستورد القمح من الخارج
لماذا ذكرت القمح
لأنه ما تخلوا أي معابد من نقوش ورسومات القمح ولأنه أكثر شيئ أشتهرت به مصر ولأنه يعني الحياة والكرامه
لأنه يعني رغيف الخبز
وأصبحنا أمة نأكل ما لا نزرع ولا نمتلك مكونات رغيف الخبز وهو أبسط مكونات الحياة
الله يصلح حال البلاد والعباد
خالص تحياتي
محمد السويفي

[عاصم المنشاوى]

[SIZE="4"]تلغرافات الى

الصديق الرائع....هيثم الصالحى ...دائما ماتسعدنا بمفاجآتك الجميلة ...أشكرك عليها ...وده صميم عملى ...يعنى شغلتى - الله يرحمها- حيث اننى عاطل الآن...كمرشد سياحى ...بنقول للناس عن عظمة قدماء المصريين ...وبعدين نشوف نظرة تساؤل مكتومة ....أومال ايه اللى جرالكم ...لما انتو عباقرة كده...أومال ايه اللى حصل...؟واعتقد هذا مايواجهه الأثريون فى كل الدول العربية صاحبة الحضارة قبل دخول العرب مثل الشام والعراق وتونس ومصر...

الصديق الفنان...محمد السويفى
مبروك على صفحتك يافنان على الفيسبوك ...أبحثوا عنها يااصدقاء تحت اسم "نوتات محمد سالم السويفى"...وأعملوا عليها لايك...

الصيق الفنان المحامى القدير...أشرف محفوظ
كل سنة وانت طيب ياجميل...بعد أذن الموسيقار الالاتى...الذى طلب منا - وله الحق كل الحق- طلب منا طلبين ...عدم أقتباس ...ولكن الأستاذ ابو كارم والاستاذ احمد ساعات واحيانا بيقتبسوا وبالتالى الكلام بيبقى كتير...والطلب التانى تهانى اعياد الميلاد تكون فى صفحة الأجتماعيات مش هنا ...هنا نوت وبس...صباحك فل ياموسيقار...

أما عمنا وعم الشباب كله....الأستاذ / عادل صمويل

كنت عايز بعد أذن حضرتك أغنية كمال الطويل ..."والباقى هو الشعب"...
حاولت أرفعها من على اليوتيوب ...فشلت كل مرة يقوللى الملف خاطئ....ومن "سماعى" مش موجودة ...فأرجو من سيادتك تكتب على اليوتيوب "الباقى هو الشعب"..ح تطلع لك عفاف راضى ابيض واسود بتغنى مع المجموعة ...طبعا الأغنية دى لاتذاع ...لأنها بتمجد الشعوب وتحرض الشعوب على الثورات ...وده شئ كخة وعيب ومايصحش...لأن الباقى هو الديكتاتور ...وده سبب عدم اذاعة الأغنية ونسيانها بعد حرب اكتوبر....فأرجو ن مدرسين الموسيقى فى كل المدارس فى طابور الصباح يخلوا الأطفال يغنوها فهى وطنية تحريضية ...ولأنه بالفعل الباقى هو الشعب مش الحكام العملاء واغنية حلوة دخلتها فيها مارشات عسكرية تنفع للطوابير ومافيهاش تطريب قوى يعنى اى حد ممكن يغنيها ...كان زمان "مصر تتحدث عن نفسها"...لكن للأسف حاليا "مصر بتكلم نفسها فى الشارع"....وح ييجى الفجر تانى وتتحدث عن نفسها ....لأن الباقى هو الشعب[...أنا نازل الميدان النهاردة ...أشوف وشكم بخير /SIZE]

[البطار بوشعيب]

السلام عليكم استاذ عادل صمويل انه والله لشيء جميل انه معنا عضو من اعضاء الفرقة الماسية اللهم بارك في خبرتك وشكرا لما تقوم به من مجهودات في التدوين ومن جهة اخرى لقد بدات استذي باستعمال البرنامج انكور الا انه كما يبدو لي فقد وجدت بعض الصعوبات من بينها كتابة الحليات ثانيا التحويل الى PDF وتقبل مني فائق التقدير والاحترام البطار بوشعيب من المغرب
اخى العزيز اهلا وسهلا
اولا بالنسبة كيف تعمل الحليات على انكور انتظر حتى تتقن التدوين العادى ثانيا الحليات تتعلمهم واحدة واحدة
ثالثا حدد الحليات اللى انت تريدها لأن موضوع الحليات كتير جدا وانا تحت امرك
اما بالنسبة للتحول الى pdf
الموضوع سهل جدا
ممكن من على جوجل تكتب برنامج لتحويل الملفات الى pdf
حتلاقيه هو مجانى ولما تسطبه على جهازك هو عبارة عن طابعة وهمية يعنى تعمل للملف طباعة حتلاقى طابعة ال pdf الوهمية دى اضفط عليها وكمل حتلاقى عمل لك ملف بى دى اف
مع اطيب تحياتى

[salhi_haithem]

السلام عليكم
شكرا لاخي الاستاذ محمد سالم السويفى و اخي العزيز الاستاذ عاصم المنشاوي و اخي الكريم نور الصباح و اخي الاستاذ ابو كارم على الكلمة الطيبة
هيثم

[عادل صموئيل]

الاخ العزيز هيثم الصالحى
اخوتى واحبائى
اولا اشكر كل من سألأى على فى غيابى
واتوجه بالشكر للأخ العزيز هيثم على كلماته الجميلة عم الهرم
والهرم ده انا بحس انو بتاعنا ... اختى عالمة الآثار الدكتورة امال صموئيل اشتغلت مدير عام الهرم اكتر من عشرين سنة ..
ولما نتكلم عن عجائب الدنيا السبع يعنى حتلاقى ان كل واحدة منهم ممكن تتعمل تانى لكن إلا الهرم
وفى كلية الآثار نفسها توجد كذا نظرية كيف اتبنى الهرم لكن ماحدش يقدر يجزم كيف اتبنى بالتحديد وبالذات انه اتبنى باالقوة البشرية مع اقل الآلات بدائية والمبهر ان اليوم لو حبت اكبر دولة فى العالم فى البناء والتشييد وحاولت تبنى هرم مثله وبكل الامكانيا التكنولوجية الحديثة مش حاتقدر .. والمشكلة مش الحجم الهائل فقط ولكن الاسرار العلمية
ولعلمكم مازال الهرم يحوى بداخله اسرار لم يعرفها احد وعشرات من السراديب السرية داخله وتحته ماحدش اكتشف مكانها وما تحويه من كنوز علمية واسرار ...
المشكلة الخطيرة من الاخرق الذى يدعى لنفسه العلم ويريد هدم الهرم وابو الهول لأنهم اصنام وهو بعقله الضعيف بيتخيل ان ممكن واحد يرتد عن دينه ويعبد الاصنام تانى وهو بذلك يقول بصوت عالى ان العقائد هشو يعنى ممكن واحد يشوف تمثال يترك دينه السماوى ويعبد التمثال ماهذا الهراء يا عم الشيخ وهل العقائد هشة لهذه الدرجة ؟؟؟
ولو كانت العقائد هشة لما عاشت الاديان آلاف السنين وكانت انتهت من زمااااااااااااااااااااااااااااااان
وهو بيفتخر انه فى افغانستان والتى جعلوها قبلة المسلمين ( مش عارف ليه ) قام باختراع طريقة جهنمية لنسف تمثال ضخم لبوذا ... علما [ان الدين قال لهم دينهم ولى دينى ... وتمثال بوذا العالم كله بيتبره اثر مالهمش دعوة ان ناس بتعبده وبرضو لهم دينهم واحنا بناخد منهم المنتجات الحضارية ومش معقول نترك ديننا ونتحول الى البوذية
وهو فاكر ان كما نسف تمثال بوذا يستطيع ان ينسف الهرم .... ونسف الهرم ياعم الشيخ محتاج قنبلة نووية ضخمة
لم الهرم اكبر من تمثال بوذا مليون مرة ... وعشان تفجر قنبلة نووية فى المنطقة يعنى معناها ستبيد الحياة على منتصف كوكب الارض يعنى نصف قارة افريقيا ونصف قارة آسيا وبينى وبينكم نموت احسن مانسمع الهراء ده اللى اصبح بيؤذى اسماعنا كل يوم وكاننا ما اتعلمناش ومادخلناش مدارس ناهيك عن حضارتنا التى اذهلت العالم واللى عايز يمحيها ناس قبلتهم افغانستان واللى بعد ماحرروها من الاحتلال الروسى ادخلوا فيها افكارهم واحتولها وخربوها حضاريا وثقافيا واهلكوا فيها الحرث والنسل وكانت افغانستان فيها زراعة مخدرات بشكل كبير ... لما الشعب جاع زرعوا افغانستان كلها مخدرات ... يعنى كلو حرام حرام حرام لكن المخدرات مش حرام
انا حاليا بعمل لكم مفاجاة من العيار التقيل جدا جدا جدا
مع اطيب تحياتى

[salhi_haithem]

استاذي استاذ عادل
كلامك جميل و موزون و انا سأنسج على كلامك و لي سؤال يعني مصر كلها اثار و اصنام شفتوش مرة واحد في القرن الواحد و العشرين ساجد لصنم؟؟؟
يريدون ان يحطموا الاصنام و يرجعوا الشعوب الى التخلف, هي الاصنام عملت حاجة كي تحطم, و تذكرت كلمة قالها فلادمير لينين في كتابه "غبي من يريد انتاج الماضي" و التاريج حركة لا يرجع الى الوراء و بالنسبة لي التاريخ علم و الرياضيات ليست علم لان الرياضيات نسبية في كلفة التاريخ.. يعني ما تستغربوش من كلامي عن الرياضيات انها ليست علما و التاريخ حركة و علم لان الرياضيات نسبية في التاريخ اي في القرن 5 ميلادي هناك رياضيات ليست نفس الرياضيات في القرن الثاني عشر ميلادي و ليست هي نفس الرياضيات في القرن العشرين فالرياضيات نسبية في كلفة التاريخ..
نرجع الى الاهرامات لما اتشوف انه اول ما بدأوا العلمات في الحفريات بطرق بدائية لما استعملوا الديناميت كي يجدوا الدهاليز يصيبك شئ من الالم انه الكثير من الكتابات الايروغليفية دميرت كليا و كانت هي الكتابات ستفتح ابواب كثيرة و تدفع العلم الى الامام
و لما تشوف كسوة الاهرامات نهبت كي يبنى بها اسوار المدينة و الجوامع و الكنائس تحس انه الهرم فقد جماله الخلاب و يجب ان تكون هناك نسبة من الوعي كي نحافظ جميعا على معلم من عجائب الدنيا

و الكلام طويل
و جماعة افغانستان لو سألتهم عن المخدرات و قلت انها حرام سيقول انها حشائش طبيعية و لا مانع في زرعها و تجارتها
هيثم
عزيزى هيثم
والله انا سألتهم
وسألت مليون شخص عندنا تماثيل كتير بالطبع سألت :
لو انت وقفت عشرين سنة قدام تمثال هل ممكن تشوف شخص يركع لهذا التمثال ويعبده قالوا لأ وطبعا تفهم انهم بكلامهم بيتلككوا يعنى الموضوع موضوع طمس حضارة وثقافة وكينونة وهوية لدولة عظيمة
وهنا الموضوع بيتلخص فى كلمة واحدة هى السيطرة المطلقة
يعنى الحكام اللى بيتمثلوا فى الشرطة مثلا امتى بيحتكوا بالمواطن ؟؟ لما يخالف القانون لكن لو ماخالف القانون مالهمش حكم عليه
لكن هنا يريدون ان يتدخلوا فى كل شىء فى الحياة الشخصبة يعنى عاليز يلزمك وانت نايم فى سريرك انك تنام على جانب محدد ... يحشر نفسه جوا تفكيرك
وهذا يحدث لما تمسح مخ الناس عن طريق محو حضارتهم وعلمهم وثقافتهم هنايبقوا تحت السيطرة
مع اطيب تحياتى عادل صموئيل

[عادل صموئيل]

احبائى
اقدم لكم رائعة من روائع ام كلثوم مع السنباطى

غلبت اصالح

واللحن ده بيمثل قلعة حصينة ماحدش اقتحمها يعنى ما اعتقدش حد يحاول يغنيها او يعزفها بعد ام كلثوم بمعنى ان فيه ناس بيغنوا ام كلثوم واشهرهم سعاد محمد بس بيغنوا اغانى محددة لكن اللحن ده ما اعتقدش
السبب ان الللحن ده اولا صععب جدا جدا
وثانيا وهو التميز انه لحن فيه مساحة خمسين % ابداع من المطرب بمعنى ان كل جزء منه قابل لأن المطرب يعمل فيه تقاسيم او ابداع او تجويد واللحن اللى من النوعبة دى فى منتهى الخطورة لأن ام كلثوم لو غنته 90 مرة حاتسمع كل مرة ابداع مختلف لأن ابداع ام كلثوم بيبقى ارتجال على المسرح مش حاجات محضراها من قبل
لذلك اى مطرب يحاول يغنيه كانه بيضع نفسه امام القطار
طبعا انا حاولت ابسطه بقدر الامكان وان شاء الله تعزفوه
مع اطيب تحياتى

[فؤاد العلمي]

إيه ده ؟ إيه ده يا أستاذ عادل ؟
مصر تتحدث عن نفسها ثم غلبت أصالح، مرورا ب ياوابور وفوق الشوك. إيه كمية الطرب والعطاء الهائلة هذه ؟ رائع جداً، عطاء مبهر ومفاجىء.
أرى أن غلبت أصالح هي جزء ثاني ل جددت حبك، نفس الشاعر (أحمد رامي)، نفس الملحن (السنباطي)، نفس المقامات (الرئيسي هو نهاوند)، نفس الموضوع (الصلح بعد الخصام). ومع ذلك كل واحدة لها شخصيتها ونكهتها دون تكرار. وحضرتك سميتهما التوأم.
أخي الأستاذ عادل، أتمنى أن ترفع لنا جددت حبك من عزفك، لأن الكمان في هذه الأغنية معبر جدا، خصوصا إذا كان العازف بارعا مثل حضرتك.
مع أغلى التحيات - فؤاد.

[salhi_haithem]

المشاركة الأصلية كتبت بواسطة فؤاد العلمي

أخي الأستاذ عادل، أتمنى أن ترفع لنا جددت حبك من عزفك، لأن الكمان في هذه الأغنية معبر جدا، خصوصا إذا كان العازف بارعا مثل حضرتك.
مع أغلى التحيات - فؤاد.

اخي فؤاد تفضل هذا الرابط فيه كل خير و انصحك بعد سماع جددت حبك من عزف الاستاذ عادل

http://www.sama3y.net/forum/showpost...4&postcount=65

اسمع ذكريات ام كلثوم من عزف الاستاذ عادل

http://www.sama3y.net/forum/showpost...5&postcount=70

ثم خذلك رابط اخر لاغنية جددت حبك من عزف سعيد عيسى

http://www.sama3y.net/forum/showpost...6&postcount=20

اخوك هيثم

[فؤاد العلمي]

أخي الأستاذ عادل
كنت قبل قليل أعزف ليلي ونهاري من نوتة حضرتك، تدوين رائع جدا كعادتك، سهل ودقيق. غير أني وجدت الكوبليه بأكمله ابتداءا من الصفحة السادسة به خطأ بسيط، وهو أن حضرتك خفضت اللحن 2 تون ونصف. يعني الموسيقى تبدأ ب دو وليس صول.
أرجو تصحيحها لنحتفظ بها كاملة.
مع كل المودة- أخوك فؤاد.