طلبات نوتة أ / عادل صموئيل الجزء الثانى

[غواص النغم]

مرحبا استاذنا عادل صموئيل
وكل عام وانتم بخير
متابع كل المشاركات في هذه الصفحة اللي بعتبرها من انشط الصفحات في المنتدى وربنا يبارك فيكم وفي كل الاصدقاء المتابعين لصفحتكم
قرأت لكم تعليق حول محمد فوزي الموسيقار الجميل فحبيت اسئلك عنه

اغانيه والحانه تعرف بانها السهل الممتنع ...ياترى حتى في تدوين الحانه بتكون صعبة ((لاحظت ان في مرة قلت انه بيكسر الايقاع تقريبا او بيخرج خارج الأيقاع)) فهل هذا عيب في الحانه ام هي فكرة جديد ونوع من التجديد لاني اعتقد انه محمد فوزي كان دارس موسيقى ..
هدى سلطان شقيقته قالت انه كل من يغني لفوزي سوف يفشل لان الحانه عاملها على مقاس صوته هو فقط ولهذا كل المطربين الرجال سيفشلون لو غنوا اغانيه (( يعني حتى في برامج المسابقات لا ارى الكثير يغني لفوزي ))

وقالت انه لو مطربة غنت اغاني فوزي سوف تنجح اكثر من لو غناها مطرب

ماتعليقكم ؟ورايكم في غناء محمد فوزي

بالنسبة لالحانه شوية استفسارات بعد اذنك _ سمعت له هذه الاغنية الجميلة :
http://www.sama3y.net/forum/attachme...0&d=1162646733
سؤال
كلمات حسين السيد
ألحان و غناء محمد فوزي عام 1954
هل هذه الاغنية تعتبر متوزعة توزيع موسيقي

******
http://www.sama3y.net/forum/showpost...5&postcount=60
هذه الاغنية لاحظت انه صوت المطرب اقوى من الموسيقى وكأنها اكابيلا هل في طريقة في التسجيل في الاستديو ممكن منها الملحن يتحكم في تقوية صوت المطرب على صوت الفرقة والعكس؟

**********

واخيرا سؤال عن بداية اغنية فين حبيبي .. نسمع فيها كمان انور منسي
http://www.sama3y.net/forum/showpost...9&postcount=73
هل هذا العزف يعتبرمن الحان محمد فوزي او انه من ابداعات انور منسي يعني محمد فوزي مثل عبدالوهاب جعل انور منسي يبدع من نفسه وبعدها تدخل الفرقة
ووحشنا عزفك الجميل ونتمنى نسمع لك حاجة جديدة تكون لمحمد فوزي

تحيتي
اخى العزيز
الاول ارد على اسئلة الروابط
اللن الاول انت سامع ايه ؟ يعنى ميلودى لحن واحد زى حبيبى وعينيه مثلا ولا سامع الحان تانية مع اللحن الاساسى طالما سامع الحان تانية يبقى اللحن موزع
بس خلة بالك ان حلاوة الحاننا 99% بيبقى ميلودى لأن التوزيع لازم بيحتاج المستمع يكون بيفهم فى التوزيع الموسيقى عشان اذنه حلل اللى و سامعه لكن المستمع العادى حايبقى سامع حاجات على بعض وهو مش فاهم ايه ده
ثانيا والاخطر انت كعربى عشان تدندن اللحن لازم يكون ميلودى عشان انت ماتقدرش تدندن كذا صوت مع بعض او لو عزفت اللحن على آلة بالتأكيد الالة بتدى خط لحتى واحد
اما اللحن النتى ياجندى واضح ان اول ماتسكع الموسيقى انها فى جو والصوت متسجل فى جو تانى يعنى لول وهلة انا حسيت ان الموسيقى متسجلة لوحدها ومحمد فوزى ركب صوته عليها
اما انور منسى : انور منسى كان لاينتمى الى فرقة محددة ولكن كان الملحن بيطلبه لما يحتاج صولو ذو طبيعة غربية عالية التكنيك .. وعشان الملحن ياخد من انور منسى احلى ماعنده لازم يعطيه مساحة هو يبتكر فيها شىء من عنده .. لأن الملحن مش حايتوصل لمقدة انور منسى او ممكن يقول ايه ساعتها ولو فض عليه شىء حايقيده ويطلع الناتج اقل وهنا كلامهما خسرانين
الشىء اللى بيعملو انور منسى انه فى البروفات بيفضل يسمع ويسمع لحد ما يحدد لنفسه خريطة حيقول ايهممكن يوقل حاجة من عنده خالص زى حبيبى ياللى خيالى فيك لعبد الوهاب او الحبيب المجهول .. وممكن ياخد من نكهة اللحن ويعمل حاجة من عنده بس طبعا بيستعرض فيها اقصى امكانياته والشىء ده برضه مهم جدا عشان ما يبقاش العازف اسكمبة متكررة .. بس هنا انا لما سمعت المقدمة الموسيقية اللى بعد صولو الكمان حسيت ان انور منسى متأثر بيها شوية
اما عن مصطلح السهل الممتنع انا عندى مصطلح تانى يعنى محمد فوزى سهل و ممتنع بمعنى انك لما تسمع معم اغانية تحس ان اللحن سهل بينياب زى جدول ماء بدون عوائق وسهل انك تغنى 80% من اغانية لكن ممتنع يعنى ماحدش يقدر يلحن السهولة دى ويطلع لحن حلو لأن عادة اى لحن سهل بيبقى تافه شوية
لكن سهل وممتنع يعنى سهل لكن جميل جدا لكن ماحدش يقدر يعمل زيه
اما عملية كسر الايقاع دى مش بتبقى فى اللحن نفسو ( وإلا يكون لحن بايظ اصلا ) ولكن بتبقى تجويد اثناء الغناء اسمو تصدير لكن مش اى حد يقدر يعمله لازم يكون متمكن اوى ولو عملها انت بتقول الله .. يعنى من الامثلة حرف بيطول زمن محدد بلانش مثلا .. المطرب اتسلطن عايز يصدر ممكن يطوله روند او اكتر بس هو عارف بيقفل فين طبعا ... اما المطرب اللى مش متمكن لو طول بيخرج بره الايقاع وانت حاتحس انه غلط .. كلام هدى سلطان مش صح
يعنى اقرأ فى اى جريدة فى رمضان وشفو اعلانات عن اماكن فيها تخت شرقى لو لقيت عشرين تخت ورحت سمعتهم حتلاقى المطربين 90 % من اغانيهم اغانى محمد فوزى بس المزعج انهم بيغنوا كذا اغنية محددة كلهم بيغنوا فيه يعنى حبيبى وعينيه ومال القمر وحاجات زى دى
اما عن التلحين للغير بتختلف من الملحن اللى بيغنى والملحن فقط
يعنى لو محمد فوزى عمل لحنين لحن سهل ولحن صعب بيغنى هو السهل وبيعطى الصعب للمطربة لسبب .. محمد فوزى مطرب اوى اوى يعنى اثناء الغناء ممكن بيعمل من اللحن السهل ده عمايل .. لكن اللحن الصعب يعنى بيحدد المطربة جواه ماتخرجش عنه لأن من اخطر الامور ان الملحن بيحزم المطرب اثناء التسجيل لكن فى الحفلات مش بيكون موجود معاه وهنا ممكن المطرب الفاشل يخرج عن اللحن ويبهدل الدنيا لما يكون اللحن فيه مساحات سهلة لكن اللحن لما يكون صعب بيقيده
مع اطيب تحياتى عادل صموئيل