طلبات نوتة أ / عادل صموئيل الجزء الثانى

[nenous]

المرجو من الأستاد عادل قطعة بعيد عنك على درجة ري وشكرا


الاخ العزيز

اتفضل النوتة
وانا آسف للتاخير
لكن المشكلة ان عملية نقل الطبقة هى مش بتاخد وقت يعنى المشكلة فى علامات التحويل وبالذات الشرقية بتحتاج انى اراجعها نغمة نغمة
مع اطيب تحياتى عادل صموئيل

[memahima]

المشاركة الأصلية كتبت بواسطة عادل صموئيل

الاخت العزيزة ميما هيما

اقدم لكى نوتة الاغنية اللى طلبتيها
ولعلمك انا مش بسمع النوعية دى من الاغانى لأنها لون تانى غير اللى بفهم فيه
بس جيت على نفسى لما قلتى التلاميذ عندك حابينها ونفسهم يغنوها
انا صحيت الفجر وكتبتها قبل الفطار لأنى لو فطرت مش حعرف اكتبها وبالذات لأن اللى بيغنى بيغنى حروف مش موجودة على البيانو بس اكيد انتم بتعرفوا فى الاغانى دى
اليكى
انت كل حاجة بتحلم بيها

مع اطيب تحياتى

بجد مش عارفه اشكر حضرتك ازاى انا عارفه ان الاغنيه مش من المستوى اللى هو بس اعمل المدرسه اللى عايزاها
وبجد متشكره اوووووووووووى

[نور الصباح]

[QUOTE=عادل صموئيل;608899]

الاخت العزيزة ميما هيما

اقدم لكى نوتة الاغنية اللى طلبتيها
ولعلمك انا مش بسمع النوعية دى من الاغانى لأنها لون تانى غير اللى بفهم فيه
بس جيت على نفسى لما قلتى التلاميذ عندك حابينها ونفسهم يغنوها
انا صحيت الفجر وكتبتها قبل الفطار لأنى لو فطرت مش حعرف اكتبها وبالذات لأن اللى بيغنى بيغنى حروف مش موجودة على البيانو بس اكيد انتم بتعرفوا فى الاغانى دى
اليكى
انت كل حاجة بتحلم بيها
مع اطيب تحياتى
xxxxxxxxxxxxxxxxxxxxxxxxxxxxxxxxxxxxxxxx
الأخــــــــــــــــــوة الأعــــــــــــــــــزاء وعصـــــــــــافيرى الأوفــــــــــــياء
سلام الله عليكم ورحمته وبركاته
وبعـــــــــــــــــــــــــــــــــــد :
عاوز أقـول لكم حاجـــــــــــة مهمـــــــــــة لفتت نظـــــــــرى هذه الأيام
هى إن الأســــــــتاذ الكبير قوى وبالصعيدى ( جوى جوى جوى )
={عـــــــــــــــــــــــــــــــــــــــــــــــ ادل باشـــــــــا صموئيـــــــــــــــــــــــــــل }=
بيروح
فين مش عارف فجأة بيغطس بدون مقدمات ويقعد له بتاع أسبوع أو عشرة
أيام وفجأة يظهر تانى وبرضة بلا مقدمات
إحنا عاوزين نشغل عليه الطابور الخامس ونشغل ألات التجسس إللى أنتم
عارفينها ونعرف وهوووووووووووووووووووب نطب عليه فجأة ونعملها
له مفاجأة - تقريبا عامل لنفسه { خن } بيستخبى فيه من دوشة الدماغ
والهيصة والضوضاء ويدون النوتات ويظهر يرفعهم للمنتدى ويطمئن على
أحوالنا ويرد على اســــــــتفساراتنا ويرجع تانى
وبعدين لعلمكم ده ســــــــر خطير ده ولا ســـــــر ( شويبس ) بتاع حسن عابدين فاكرينه ؟؟؟؟
وأنا وراه وراه لحد ما أعرف السر
ملحوظة : كل ده علشان وحشنا ولا حدش شافه من يوم
1 / 11 / 2012
وشكررررررررررررررررررررا
أخوكم
نور الصباح

[الألآتى]

المشاركة الأصلية كتبت بواسطة عادل صموئيل

لأن اللى بيغنى بيغنى حروف مش موجودة على البيانو

هههههههههههههه .. إزاى يعنى ؟؟!!
عزيزى المايسترو محمد الآلاتى
يعنى الواحد لما بيدون لازم بيركز على كذا حاجة اولها النغمة اللى انا سامعها
المطرب بيقول حاجة لاهى صول ولا فا ولا فا دييز ولا اى نغمة ربع بجميع انواعها
وللعلم الكارثة دى بتحصل من 90 % من اللى بيغنوا دلوقتى وللعلم دى المفروض تنفى عنه صفة انه مطرب شرعى
يعنى لو مسكت مثلا كل اغانى عبد الحليم من يوم ما اتولد لحد ما توفى مش ممكن تلاقى حرف مش واضح وصريح انو نغمة كذا ... وعشان ماحدش يقول بتوع القمة ايوه واللى اقل لأ
هات لى اى واحد بيغنى من اول القرون الوسطى لحد سنة 1990 ومش ممكن حتلاقى عنده حرف مشبوه
بس خلاص
مع اطيب تحياتى عادل صموئيل

[عادل صموئيل]

احبائى
اقدم لكم اغنية من اروع الاغانى الوطنية

يا رب بلدى
واشكر الاخت العزيزة بيانو بيانو انها فكرتنى بيه
والاغنية دى فيها اولا ميزة مهمة جدا لمدرسين الموسيقى انها بتحتوى على ادليب ,,, وانك تنفذ غناء على ادليب ده طبعا يعتبر نقلة كبيرة جدا جدا فى المعزوفات المدرسية

اما انطباعى الشخصى عن الاغنية دى يعنى الحاجة اللى تتعمل لكن تحس فائدتها بعد 45 سنة
بمعنى ان الاغنية دى اتعملت تقريبا فى اوائل الستينات ( ايام العز ) يعنى كان كل الناس مبسوطين والاخبار هادئة والناس عايشة فى جمال ايام ثورة جمال عبد الناصر ... وكانت كلمات الاغنية دى يعنى حب زيادة شوية للوطن
لكن النهاردة محتاجين للأغنية دى ونصرخ يارب بلدى
وربنا يستر
مع اطيب تحياتى

[عادل صموئيل]

احبائى

اقدم لكم موسيقى التتر بتاع
المسلسل التركى

سيدة المزرعة

المسلسل ده انا اتفرجت على جميع حلقاته ال 130 ... يعنى بقى بينى وبينه عشرة
هو مازال شغال على قناة الحياة مسلسلات

انا حبيت الموسيقى دى وحبيت انكم تعزفوها
فى حاجتين لفتوا نظرى ليها
اولا : ان التوزيع ماشى مع اللحن الاساسى وده يفرق معاك لما تعزفها انك بتعزف اللحن كله لكن لما بيكون التوزيع مختلف انت بتعزف جزء من اللحن واحيانا بيبقى ناقص جدا
ثانيا فيه حاجة اتعلمتها من عبد الوهاب وهى انك تعمل او تلاحظ او تتجع عكس الناس ما بتعمل
هنا تلاحظوا آلات النفخ صوتها حنون جدا وناعم جدا مع ان صوت الات النفخ اصلا فى استعمالها الطبيعى جهورى جدا يعنى بتبقى زى صفارة القطار .. لكن الفن انك ازاى تخليها تدى العكس بتاعها
مع اطيب تحياتى

[عادل صموئيل]

احبائى
اقدم لكم رائعة كمال الطويل ونجاة

عيش معايا

هى انطلبت الابوع الماضى وكان المفروض انى ادونها قبل كده بوقت طويل بالذات عشان انا عزفت فيها وعارف ادق تفاصيلها
ومن ذكرياتى عن الاغنية دى ان كانت نجاة عندها مشكلة مع الفرقة الماسية وكانت تاركاها فترة وبتشتغل مع فرقة تانية
ولكن كمال الطويل طبعا اصر انها تعمل الاغنية دى على الفرقة الماسية .. ووقف احمد فؤاد حسن وقال لنجاة قدامنا هنا بيتك ... بالطبع كمان كانت عودة كمال الطويل للتلحين لنجاة بعد غيبة طويلة ... واستايل اللحن تحسو انو كمال الطويل نيو لوك ...
ومن ذكرياتى ايضا اننا عزفناها مع نجاة فى تونس فى مهرجان قرطاج
مع اطيب تحياتى بس اهم حاجة خدوا بالكم من السرعات

[علي ثلاثة]

السيد الكريم
عادل صموئيل
تحية وسلاما

شكرا جزيلا على هذه الوجبة الفنية
التي قدمت لنا فيها ما لذ وطاب
من روائع الفنان أحمد صدقي
وحقا فإنه يستحق ذلك وزيادة

ومن ذلك الجيل الزاهر تذكر ولاشك
الفنان محمود الشريف

وكنت أشرت إلى أغنيتيه
-بعدين معاك - و- ايه معنى الحب -
ثم تذكرت له اغنية
-اوصفوا لي الحب-
لشادية
فهل سينال هو أيضا
اهتماما بأعماله فنتمتع بعزفها
ونضيف تدوينها إلى سجلك الحافل
بأروع ما قدمت من موسيقى عربية
ساحرة

وشكرا مجددا

[نور الصباح]

ا

حبائى
اقدم لكم رائعة كمال الطويل ونجاة
ssssssssssssssssssssssssssssssss
احبائى
اقدم لكم موسيقى التتر بتاع
المسلسل التركى
سيدة المزرعة
ssssssssssssssssssssssssssssssssssssss
احبائى
اقدم لكم اغنية من اروع الاغانى الوطنية
يا رب بلدى
واشكر الاخت العزيزة بيانو بيانو انها فكرتنى بيه
sssssssssssssssssssssssssssssssssssssss
الأخ العزيــــــــــــــــــز والصديـــــــــــــــــــــق الحبيب الفنان والمايســـــــــترو
عـــــــــــــــــــــــــــــــــــــــــــــــــ ــــــــــــــــادل باشــــــــــــــــا صموئـــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــد :
شــــــــــــــــكرا عـــــلى هــــــــــــــــــذه الوجـــــــــــــبة الدســـــــــمة
من النوتات الجمــــــــــيلة وعقبال طلباتنا وأنا عارف إنهـــــــــــــا
كثــــــــــــيرة وربنــــــــــــا يقــــــــــــــويك
وشكرررررررررررررررررررررررررررررررا
أخوكم
نور الصباح

[salhi_haithem]

السلام عليكم ورحمة الله وبركاته
استاذ عادل شكرا جزيلا على اغنية نجاة فهي فعلا تحفة جميلة و تدوينك كالعادة قمة في الروعة و البساطة
و انا مع فكرة اخي على ثلاثة انك تعمل لنا باقة لمحمود الشريف كما فعلت مع احمد صدقي و تكون قائمة على ذوقك
علما انك سبق و دونت من الحان محمود الشريف

☚ ** ع الحلوة والمرة - عبد الغني السيد ** ♪** 1954**مرسي جميل عزيز** محمود الشريف** فلم بنت البلد
☚ ** وطنى وصبايا واحلامى ** ♪ ** أحمد مخيمر** محمود الشريف
☚ ** حبينا بعضنا - في الهوى سوا** ♪ ** فتحي قورة** محمود الشريف
☚ ** حسن يا خولى الجنينة ** ♪ **♫** أبو السعود الإبياري** محمود الشريف
☚ ** شبك حبيبى ** ♪ **♫** 1955 ** فتحي قورة** محمود الشريف
☚ ** ليالى العمر معدودة ** ♪ **♫** 1953** فتحي قورة** محمود الشريف**موعد مع الحياة
☚ ** من بعيد يا حبيبى بسلم** ♪ **♫** 1952 **بيرم التونسي**محمود الشريف** سيدة القطار
☚ **يالا تعالى قوام يا لا ** ♪ **♫** 1952 ** مأمون الشناوي** محمود الشريف** فيلم من القلب للقلب
☚ ** البيض الأمارة -عبد الغني السيد ** ♪ **محمد على احمد** محمود الشريف
☚ ** على شط بحر الهوى ** ♪ ** علي الشيرازي** محمود الشريف
☚ ** عينى بترف ** ♪ ** فتحي قورة ** محمود الشريف** يا ليل طول
☚** ابو سمرة السكرة ** ♪ **مرسي جميل عزيز**محمود الشريف
☚ ** تلات سلامات ** ♪ **♫**مرسي جميل عزيز** محمود الشريف
☚** السبت فات ** ♪ ** أحمد عبد المجيد** محمود الشريف** اه من جمال العيون
☚ ** رمضان جانا ** ♪ **☆ ** حسين طنطاوي** محمود الشريف
☚ ** ودع هواك ** ♪ ** فتحي قورة ** محمود الشريف
☚ ** يا اهل المحبة ** ♪ ** زين العابدين عبدالله ** محمود الشريف
☚ ** يا بو العيون السود ** ♪** أبو السعود الأبياري ** محمود الشريف
☚ **يا حمام البر ** ♪ ** ☆ **صلاح جاهين** محمود الشريف
☚ ** احب إسمك** ♪**مأمون الشناوي (غير مأكد)** محمود الشريف


ثم مرفق ملف فيه نبذة عن حياة محمود الشريف و في اواخر الصفحات فيه الحانه في جدول لجميع الفنانين يعني شوف لينا كم اغنية من ذوقك الرفيع و شكرا

اخوك هيثم