موسيقى برامج التليفزيون العربى المصرى

[عاشق الجمال]

السلام عليكم ورحمة الله وبركاته
أهل المنتدي الكريم
أحببت أن اطل عليكم بمقطوعة كانت تستخدم في أفلام الفنان القدير / إسماعيل يس
وذلك بمناسبة ذكري ميلاده المؤية

عاشق الجمال

[حماده محمود]

السلام عليكم الساده الاعضاء والاداريين
ليا طلب صغير تتر برنامج الاطفال "النادى الصغير"واللذى للاسف انقطعت اذاعته منذ عام 2005 تقريبا وكان يذاع كل ثلاثاء 10 صباحا وقدمته اكثر من مذيعه منهن نشوى النادى ابنه الاعلامى الراحل عبدالسلام النادى ثم خلفتها فى التقديم سعديه مصطفى

كان يذاع على القناه الاولى وكان له تترين الاول اللى انا اقصده وده اتذاع مده عرض البرنامج لان البرنامج ده كان بيتذاع تقريبا من اواخر التسعينيات حتى 2005 اما التتر التانى فده متذاعش الا اخر شهر فى بث البرنامج ليتقطع بثه من يونيو 2005 الى الان وده نبذه للتوضيح اكثر لعدم حدوث لبس او غموض

[أحمد البنان]

المشاركة الأصلية كتبت بواسطة chahine

قبل أى كلام تحية واجبة و شكر بالغ لكل المساهمين فى الموضوع للصعوبة البالغة فى العثور على هذه الروائع

انا عندى طلب موسيقى برنامج و انا متأكد ان الموسيقى عربية و ليست اجنبية أو على الاقل الفرقة العازفة عربية

البرنامج هوة "مجلة المرأة" اللى كان بييجى فى الثمانينات يوم الجمعة صبحا بعد صلاة الجمعة و قبل عالم الحيوان

انا لسة فاكر اللحن تماما لحد دلوقتى و كان اغلبه ضربات جيتار بصدى صوت رائع مع ايقاعات تمبانى جميلة و التوزيع ف المجمل مريح جدا للودن

يا رب يكون حد فاكرها و يقدر يجيبها او حتى يجيب اى معلومات عنها

و بكرر شكرى و تحيتى و احترامى لكل السادة الافاضل المشاركين

فعلا برنامج مجلة المرأة تقديم المذيعة كاميليا الشنواني
كان ليه موسيقي تتر روعة ........ الجيتار مع الكامان مع الناي مع ايقاع لطيف
خلط جميل بين الموسيقي العربية و الموسيقي الغربية
ياريت يا جماعة حد يساعدنا و يجيبهالنا
و شكرا جزيلا علي مجهوداتكم

[إسلام عثمان]

المشاركة الأصلية كتبت بواسطة عاشق الجمال

السلام عليكم ورحمة الله وبركاته

أهل المنتدي الكريم
أحببت أن اطل عليكم بمقطوعة كانت تستخدم في أفلام الفنان القدير / إسماعيل يس
وذلك بمناسبة ذكري ميلاده المؤية


عاشق الجمال

مش عارف أقول إيه بصراحة
مفيش أجمل من كده طريقة للاحتفال بذكرى الفنان الجميل ده
اللى ما زال لحد دلوقتى بيضحكنا
وعلى فكرة أنا دايمًا بسمع مقطوعات موسيقية ظريفة زى دى فى خلفيات أفلامه
فيه مقطوعة تانية كانت بتتعزف خلفية لمواقفه مع الفنان رياض القصبجى
فى فيلم إسماعيل ياسين فى حديقة الحيوان
والموسيقى دى بتفكرنى بصوت الحمار
هل فيه أى معلومة عنها ولو موجودة عند حضرتك يبقى لك كل التحية والتقدير

[مصطفى الصواف]

تتر البرنامج الاذاعى

شاهد على العصر

واحد من اشهر البرامج الاذاعية على اذاعة البرنامج العام والذى يعدة ويقدمة الاذاعى اللامع


عمر بطيشة


وتضم صفحات منتدنا الغالى سماعى طرب مجموعة مميزة من الحلقات لهذا البرنامج تضم كوكبة من نجوم المجتمع فى مختلف المجلات
على الرابط التالى

http://www.sama3y.net/forum/showthread.php?t=5828

موسيقى البرنامج هى احدى اشهر المعزوفات العالمية كونشرتو البرتقال للعملاق Rodrigo اقدمة اليوم بتوزيع الديسكو و الذى قدم فى نهاية السبعينات وهو ما تم استخدامة ليكون تتر البرنامج

[عاشق الجمال]

السلام عليكم ورحمة الله وبركاته
أهل المنتدي الكريم

أحببت أن أطل عليكم اليوم بعد وفاة الفنان الذي أحبه
أحمد رمزي ( رحمه الله )
وأهدي لكم المقطوعة الاساسية في فيلم
الأبطال
بطولة
أحمد زمزي فريد شوقي
وهي موسيقي مقتبسة من فيلم ‪Enter The Dragon ‬‏
بطولة ملك الفنون القتاليةBruce lee

عــــــاشــق الـــجـــمـــال

[مصطفى الصواف]

الزملاء الاعزاء اعضاء منتدى سماعى الكرام

اعاود مشاركتى مع حضراتكم ومع واحدة من النوادر التى بحثت عنها كثيرا والتى اتشرف بان اقدمها بانفراد تام لمنتدى سماعى للطرب العربى الاصيل.

تتر برنامج الاذاعى
ركن الاطفال ل(باباشارو)

من اشهر برامج الاطفال فى بداية ظهور الاذاعة المصرية والذى كان يقدمة الرائد الاذاعى محمد محمود شعبان صاحب العمل الاذاعى الاشهر على الاطلاق الف ليلة وليلة استعيد مع هذا التتر ذكريات لما هو اكثر من 30 عاما مضت ذكريات ستظل عالقة فى الوجدان طالما انة لازال فى العمر بقية .

واضيف ايضا ان الموسيقى لمن لم يعاصرون هذة الفترة هى تتر المقدمة للعمل الاذاعى الشهير جدا والذى تم تحويلة بعدها للرسوم المتحركة.

عيد ميلاد ابو الفصاد

تتر البرنامج واحدة من اعمال عازف الساكسفون الامريكى رودولف "رودي" كورنيليوس

[sherifsabry]

شكرا جزيلا لكل أعضاء المنتدى الكرام وخصوصا كل من شارك بوضع موسيقى أو جزء من موسيقى رجعتنا لزمننا الجميل وفكرتنا بأيام لن ننساها
فلكم كل التحية والتقدير والشكر
من عضو جديد للمنتدى فى إنتظار الجديد
ولو سمحتوا فى أول مشاركة ليا أنا بسأل على أسم المقطوعة لتتر الخاص ببرنامج بييجى على إذاعة البرنامج العام الساعة 10 مساءا وإسمه (( النص الأصلى )) ياريت ما تبخلوش عليا بمشاركتكم الجميلة

[إسلام عثمان]

المشاركة الأصلية كتبت بواسطة مصطفى الصواف

الزملاء الاعزاء اعضاء منتدى سماعى الكرام

اعاود مشاركتى مع حضراتكم ومع واحدة من النوادر التى بحثت عنها كثيرا والتى اتشرف بان اقدمها بانفراد تام لمنتدى سماعى للطرب العربى الاصيل.

تتر برنامج الاذاعى
ركن الاطفال ل(باباشارو)

من اشهر برامج الاطفال فى بداية ظهور الاذاعة المصرية والذى كان يقدمة الرائد الاذاعى محمد محمود شعبان صاحب العمل الاذاعى الاشهر على الاطلاق الف ليلة وليلة استعيد مع هذا التتر ذكريات لما هو اكثر من 30 عاما مضت ذكريات ستظل عالقة فى الوجدان طالما انة لازال فى العمر بقية .

واضيف ايضا ان الموسيقى لمن لم يعاصرون هذة الفترة هى تتر المقدمة للعمل الاذاعى الشهير جدا والذى تم تحويلة بعدها للرسوم المتحركة.

عيد ميلاد ابو الفصاد

تتر البرنامج واحدة من اعمال عازف الساكسفون الامريكى رودولف "رودي" كورنيليوس

لألألألألألأ أنا كده مش ملاحق يا أستاذ مصطفى
بجد مش عارف أقول إيه
على فكرة الموسيقى دى كنت بسمعها برضه فى تتر النهاية لبرنامج أبلة فضيلة يوم الجمعة

[ماجد المصري]

فيلم فطومة، بطولة: هند رستم، كمال الشناوي، محمود المليجي
انتاج سنة 1961
موسيقي بترقص عليها هند رستم في المطعم مع عدد من الاشخاص
الموسيقي مقطوعة من الفيلم نفسة لذلك الجوده ضعيفة
اللي يعرف اسم الموسيقي ياريت يفيدنا