احبائى
اقدم لكم ولأخى العزبز وائل علوى
نشيد موطنى
هو طبعا انا اول ماسمعت اللحن حسيت انى اقدر ادونه بسرعة يعنى استغرق 25 دقيقة .. لأنه كوبليه واحد بيتكرر
هو الحاجة الوحبدة اللى عطلتنى وانا بدونه ان التوزيع عالى جدا على اللحن الاساسى وده عيب فنى بالذات من مهندس الصوت واحنا فى ايامنا كانوا بياخدوا بالهم جدا من الموضوع ده حتى تلاقى كان كل ملحن بيطلب مهندس صوت محدد بيشتغل معاه طول عمره عشان النواحى الفنية دى ... المفروض عمليا انك بتسمع اللحن الاساسى بقوة 75% والتوزيع 25% .. عشان انت لما تيجى تدندن اللحن اكيد بتدون اللحن الاساسى لأنك مش معقول حاتدندن او تعزف على آلة واحدة 14 حاجة فوق بعض ... والشى الاهم ( واللى كان السمة المتميزة على ايامنا ) ان اللحن بيتعمل لعامة الشعب
وعمتة الشعب دول منهم واحد % بيفهم فى الموسيقى يعنى بيحس بالتوزيع والباقى مستمعين فقط يعنى التوزيع بالنسبة لهم بيبقى حاجات فوق بعض طالعة نازلة لكن هم بيبحثوا عن اللحن الاساسى ... لذلك لما كان العمالقة زمان بيسجلوا اللحن بالطريقة الللى قلت عليها كان الجميع بيسمع ويتمتع عامة الشعب والخبراء
كمان مشكلة التوزيع ان ماحدش يقدر يدون التوزيع كما هو مسموع بدقة ... يعنى لو جت فرقة عايزة تعيد لحن متوزع كده لازم يكون معاهم نوت التوزيع الاصلية .. لأن لو حد حتى لو شاطر ودون التوزيع ممكن يفوت عليه خط لحنى او تتداخل فى اذنه الخطوط وينقل جزء من جملة من خط لألة الى خط لآلة اخرى وهنا لما تسمع اللحن تلاقى شىء ممكن يكون خطير مختلف عن اللى انت متعود تسمعه
المشكال دى عمرها ماتحصل فى السيمفونى لن كل اوركسترا بيبقى عنده النوت منقولة لكل آلة من التوزيع الاصلى
لذلك لما تسمع سيمفونية فى اى دولة حاتسمعها زى ما بتهوفن عملها من 300 سنة لأنهم بيعزفوا من نوت مطبوعة من التوزيع الاصلى
عايز اضيف حاجة طريفة مرة واحد من احبائى هنا سألنى هو ليه يا استاذ عادل كل الالحان دليلها بيمولات مفيش لحن دليله فيه دييز وهنا اقول لو ماتزعلش ياعم عندك هنا لحن دليله دييز
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري