طلبات نوتة أ / عادل صموئيل الجزء الثانى

[عادل صموئيل]

احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم

عسل وسكر

للفنانة شهرزاد

اللحن ده لما تشوف النوتة تلاقيه فى منتهى السهولة بس انا لما بكتب نوتة بحب اعطى درسين اول درس النوتة وتانى درس اى معلومة تتعلق بالنوتة او باللحن ده
اللحن ده فيه خاصية مهمة وهى تقديم لحن سهل جدا لمطرب قدير عشان يطلع فيه كل امكانياته واحاسيسه
يعنى لما تسمع شهرزاد تتعلم امتى تعمل عربة وامتى تجود ... ومع الاسف مطربين اليومين دول بينقسموا الى قسمين المطربين الضعاف اللى تلاقى فى كل جملة خمس حروف نشاز والمطربين الشاطرين لكن مع الاسف بيتفزلكوا اكتر من الازم يعنى تلاقى المطرب فى اغنية لعبد الوهاب يعمل 85 عربة فى كل جملة والمشكلة لو كانت تبقى حلوة كده كان عبد الوهاب عملها اصلا كده
فى ملحوظة مهمة الفنان لازم يتميز بالأدب والذوق فى الكلام يعنى انا من يوم ما عرفتونى عمرى ما عملت ذم فى حد ولا كتبت حاجة وحشة عن حد ... وعمرى ما نفخت فى حد اكبر من قدره ... يعنى لو تلاحظوا فى المسلسلات الفاشلة عن حياة الفنانين تلاقى حايبين سيرة فنان او عازف ومطلعينه خمورجى او بيلعب قمار مع ان فيه ملاييين الناس بتعشق الفنان ده ومايهمهاش حياته الشخصية كل اللى يهمها فنه
انا متهمنيش لما حد يشتمنى شخصيا لكن اكتر حاجة تضايقنى لما حد يقول ان النوت اللى بكتبها كلها غلط
يعنى انا اقبل من اى واحد انه يقول لى فى النوتة الفلانية فيه غلطة فنية فى المكان الفلانى بس ينزل النوتة عشان اشوفها بسرعة لكن عملية ان كل نوتى غلط يعنى الآلاف اللى شافوا النوت بتاعتى وبيستعملوها بيعزفوا حاجات غلط وهم مش فاهمين ؟؟؟ والعشرات اللى ورونى نوت قديمة فيها غلطات فنية فادحة ومكتوبة بطريقة صعبة وطلبوا منى ادونها تانى لهم بإسلوبى من اول وجديد دول كمان مايفهموش وواحد فقط هو اللى بيفهم
وبعدين لعلمكم انا سنى 62 سنة وعمرى ماتعاليت على حد بخبرتى لأن اهم سمة من سماتى التواضع ومازلت بتعلم لحد دلوقتى كل يوم تفتكروا مشاكل الادليب .. انا من اهم الحاجات اللى بفكر فيها الناس اللى حاتروح لهم النوت دى ازاى تكون بقدر الامكان مبسطة واحاول اخليها سهلة ... موضوع الادليب طول عمرنا انه لما بيتكتب عادة بيبقى تقريبى ... يعنى المطرب بيبقى حافظ وهو بيسحب الفرقة وراه والعازفين بيبقى قدامهم النوتة لكن 80% من اذنهم مع المطرب .. يعنى مافيش مشكلة من اى نوع حتى لو الادليب مكتوب مش 100% دقيق
لكن هنا انا براعى ان اللى حايقرأ النوتة مفيش معاه مطرب يشده لذلك كانت مشكلتى ادون الادليب بقدر المكان مضبوط ... وزى ماقلت انا لحد دلوقتى مازلت اتعلم ... وبتعلم من اللى اكبر واصغر منى وبسمع كل واحد ... لاحظ طريقة اكتشفها الاخ العزيز وسام اكرم ... ودرستها لقيتها احسن من الطريقة اللى بكتب بيها الادليب لأنها على ميزان كبير لكن مخفى يعنى بيعمل الميزان 11 على 2 وتكتب زى ما انت عايز وتشيل الباقى ... الطريقة دى مع انها بتاخد وقت اطول كتير جدا فى الكتابة لكن اهم مافيها انى بسمع اللى بكتبه بمنتهى الدقة ... ولما بسمع بطول نغمة اقصر نغمة احط سكتة لحد المازورة مايبقاش فيها الهوا ... ووصلت لدرجة ماتقلش عن 85% وبتوصل احيانا ل 100% وده فى حد ذاته اعجاز ... وبرضولو حدشايف انى بدون النوتة غلط يورينا تتدون ازاى
مع اطيب تحياتى

[نور الصباح]

[QUOTE=عادل صموئيل;605864]

احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم
عسل وسكر
للفنانة شهرزاد
اللحن ده لما تشوف النوتة تلاقيه فى منتهى السهولة بس انا لما بكتب نوتة بحب اعطى درسين اول درس النوتة وتانى درس اى معلومة تتعلق بالنوتة او باللحن ده
اللحن ده فيه خاصية مهمة وهى تقديم لحن سهل جدا لمطرب قدير عشان يطلع فيه كل امكانياته واحاسيسه
ssssssssssssssssssssssssssssssssssssssssssssssssss ss
تصدق بإيـــــــــــــــــــــــــه
إنت وبس اللى عســــــــــــــــــــــــل وســـــــــــــــــــــــــــــكر عســـــــــــــــــــــــــــل

يــــــــــا عــــــــــــــم سيبكـ من ده كـــــــــــــــله

ولا تعطــــــــــــــــــل ما بدأتــــــــــه وما بنيـــــــــــــــته
من ســـــــــــــــنين
ولا يهــــــــــــــمكـ يــــاريـــــــــــــــس
وإلى الأمــــــــــــــــــام دائـــــــــــــــــــــــــما
وشكررررررررررررررررررا
أخوكم
نور الصباح

[mahmoud feteih]

يا كبير المقام النوتة اللى بتكتبها لو اختلفت عن اللحن الاصلى يبقى اللحن هو اللى فيه خلل وده مش نفاق وحمد الله ع السلامة واحنا مشوارنا طويل وياما حاتقابلنا مطبات وانت القائد واحنا رجالتك ماينفعش تتخلى عننا وعشان كده باطلب من القائد نوتة طويلة ياسكة العاشقين بقلب جامد لانى احوليت وانا باحاول اعزفها

[salhi_haithem]

المشاركة الأصلية كتبت بواسطة عادل صموئيل

احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم

عسل وسكر

للفنانة شهرزاد

مع اطيب تحياتى

السلام عليكم ورحمة الله وبركاته
اجمل جملة قلتها و اجمل كلمة قلتها انك رجل بتاع شغل و ارمي الباقي وراك و تحية من القلب من اخوك هيثم الذي يكن لك كل مشاعر الاحترام و الحب
و تحياتي على اغنية عسل و سكر و كنت قد طلبت اغنية اغنية ابحث عن سمراء لمـــحـــرم فـــؤاد و هي اغنية قصيرة جدا 3 دقائق و خفيفة و جميلة
و شكرا جزيلا

[armendo]

اخى العزيز استاذ عادل

يا سلام احلام ارمندو ماتنزلش الأرض ابدا مش كده ولا ايه؟

اشكرك على النوته الجميله لهذ الأغنيه الجميله للراحله شهر زاد واخدت منى فقط خمس دقائق لسهولتها ودقتها.

عزيزي الأستاذ عادل عندى كلمتين احب انك تعيهم جيدا ,احترامى وتقديرى لشخصك لم يكن مصدرها فقط انتسابك للفرقه الموسيقيه الأشهر فى الوطن العربى وهى بالطبع اضافه قويه لشخصك الكريم وان لم تكن الأساس ,فاحترامى وتقديرى لك يرجع فى المقام الأول الى سماتك الشخصيه التى تتحلى بها والتى اثبت من خلاها انحيازك الكامل للهواه والمبتدئين الذين بالكاد يقرأون النوته ويعزفون اصعب الألحان بسهوله ويسر... يا عزيزى لقد اصبحت صفحة طلبات النوته هى قبلة كل هواة الموسيقى من العازفين ليستفيدوا من تدوينك المبتكر للنوت انا شخصيا لم اكن احلم بعزف اغنية مضناك جفاه مرقده بهذه السهوله فانت صاجب فضل يا استاذ عادل ..اما حلاوة الروح وخفة الدم فحدث ولا حرج ولذا استطعت ان تستأثر بحب واهتمام كل اصدقائك بالصفحه وايضا باحترامهم والفنان الحقيقى يا صديقى هو من يؤثر ويتأثر بمن حوله فيحدث التفاعل الذى تراه يوميا من خلال مشاركات اصدقائك واحبائك.

كل الأحترام والتقدير لشخصك الجميل
احمد (ارمندو)

[salhi_haithem]

السلام عليكم ورحمة الله
اخي الحبيب و العزيز نور الصباح نحن في انتظار الفيديو متاع لقاء الاحبة و باين انه فيه درس موسيقي تطبيقي دسم من الاستاذ عادل فعجل به جزاك الله كل خير
و كما قال محمد عبد المطلب "اعمل معروف يا بو عود ملفوف ياللي خدودك بلور مشطوف حبك على فين ح يوديني يا غزال بيجود يكسف هوليوود"
هيثم

[عاصم المنشاوى]

[COLOR="Blue"]كل الشكر والتقدير ...للأستاذ الغالى الفنان / محمد بك الآلاتى[

على اقناعه للأستاذ /عادل بالعودة الكريمة لبيته ومطرحه....وكل التحية للأصدقاء الذين أستفزهم وأرقهم هذا القرار الصادم ...والحمد لله على كل حال....وده بيخللينى أتساءل ...ألم يحن الوقت للقاء الرابع مع الأستاذ /عادل ...واتمنى تشريف الأستاذ /محمد الآلاتى ....والفنان التشكيلى ذو الريشة الفنية الساحرة /محمود فتيح....ولازم يكون يوم جمعة أو سبت عشان الأستاذ عمرو / مايبقاش له حجة أو عذر ....وعشان يقوم بنفسه بتسجيل اللقاء وينزله للصديق الغالى /هيثم الصالحى.....بكاميرا الأستاذ /احمد نور الصباح ...وضرورى وجود باقى الأصدقاء ...مبدئيا الجمعة القادمة مناسب لكم 19 اكتوبر ؟......COLOR]

[dorame]

[QUOTE=عادل صموئيل;605864]

احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم

عسل وسكر

للفنانة شهرزاد

الاستاذ عادل صمووئيل
انت اللي عسل وسكر
شكرا جزيلا لك
هناك اغنية لوردة الجزائرية رحمها الله اسمها
لا تقل لي ضاع حبي من يدي
اعتقد انها لحن البروفسور رياض السنباطي اذا ممكن تتدون متى سنحت لك الفرصة

[وائل علوي]

الاخ العزيز والمعلم الفاضل عادل صموئيل
تحية طيبة...... لن استطيع ان ازيد على كلمات اخواني الاعضاء لانهم قالوا اكثر مما كنت اريد قوله
بصراحة انا دخلت الصفحة النهاردة فقط بقالي كم يوم معدتش عليها وصفعت بخبر اعتزالك وتضايقت كثيرا وكنت اتصفح الردود وانا على يقين تام ولهفة بان تقع عيني على تعليق منك بالعدول عن هذا القرار لانني اعرف شخصيتك تماما,, صحيح انا لم اقابلك ولا مرة لكن معاشرتنا لك في المنتدى اثبتت لنا الكثيرعن اخلاقك النبيلة وان رجل معطاء مثلك لا يمكنه التخلي عن اصدقائه واحبابه وتلاميذه واعلم جيدا انك لا تستطيع العيش بدون الموسيقى ونشر كل ما لديك للعالم اجمع
وصدقني عندما رايت مشاركتك الاخيرة ونوتة عسل وسكر هزتني كثيرا كلمتك التي قلت فيها انا راجل بتاع شغل ومحبش كلامي يكون اكثر من افعالي
بالفعل هو ده عادل صموئيل صاحب الانتاج الموسيقي الضخم وانت كالنهر الذي لا يتوقف عن العطاء
انا التمس لك حساسيتك من هجوم بعض المبغضين والحسودين وصدقني يا عزيزي اعلم انك تؤلمهم وتوجعهم بهذا الكم الهائل من الانتاج والشغل والتحليل والتأريخ فلا تستغرب حسدهم وحقدهم عليك وانت اعرف الناس انه لابد للنجاح من ضريبة وانت طول حياتك كنت شاهدا على مثل هذه الازمات التي تعرض لها كبار الفنانين بحكم صلتك القريبة بهم
كلمة شكر وعرفان للاخ القدير محمد الالاتي على تصرفه الحكيم وتدخله في الوقت السليم
تفضل استاذ عادل الملف الصوتي لنشيد موطني
مع خالص تحياتي واحترامي لكل من ساهم في عدول استاذنا عادل عن قراره

[memahima]

انا مبسوطه اوووى ان حضرتك رجعت تانى ياريت بجد مفيش كلام اى حد يأثر فى حضرتك
واهى حكمه واتقالت الشجره المثمره يقذفها الناس بالحجاره وحضرتك قيمتك عندنا اكبر بكتير
من اى حاجه ويارب يخليك لينا عالطول
الابنة العزيزة
اشكرك ومبروك النجاح المبهر وطبعا مش كتير على تلاميذى
بس وحياتك انا الصورة اللى انتى حاطاها اللى الجيتار بيتشوى دى بتخلى جسمى يقشعر
يعنى لو عايزة تحطى صورة فيها نار حطى لنا واحد بيشوى كباب او فراخ
وانا عليا السلاطات والعيش
مع اطيب تحياتى عادل صموئيل