عبد المؤمن بن طوبال

[تيمورالجزائري]

[SIZE="5"]"قالوا العرب قالوا" أو "صالح باي" +"يا زينة الحلال"[/SIZE]


"قالوا العرب قالوا" أشهر قصيد مالوفي وتعدت شهرته أفاقه الأصلية حتى أداه شيوخ المدارس الأخرى..هو أو قصيد أختارته المعلمة يامنة من مدرسة الصنعة (أكبر معلمة للصنعة في نهاية القرن التاسع عشر وبداية القرن العشرون ولها مثبت في المنتدى) للتسجيل..غناها أيضا عملاق المدرسة التلمسانية العربي بن ساري( التسجيل مرفوع في سماعي) ورفعت بأصوات مالوفية عدة
الصورة لعبد المؤمن بن طوبال شابا..رحمه الله



وهاهي هنا بصوت عبد المؤمن بن طوبال
--
قالوا العرب قالوا ولا نعطيوا صالح و لا ماله
و لو نقتله و ايطيحوا الآرقاب عن الآرقاب
نوحوا عن صالح باي خلّى سبع اولاد يا كبدي صبري لله
قالوا العرب هيهات ولا نعطيوا صالح باي البيات
هذه من الله جات اكتبة ربّي جات مقدّرة
روحوا لداره يالخيالا يا كبدي صبري لله
خدك قمرة ضاوية في ليلة اربعطاش ليلة
قدك سروال مايله إذا يهب الريح ايميلا آه
فراقك ماني طايقة ولد صغير ما نعرف حيلة صبري لله
قالوا العرب هيقال و اعطيونا صالح نفدوه بالمال
و علاش ان يقتال الله لايرحم من كان له قتالا
روحوا لداره يالخيالا يا كبدي صبري لله
أنا غادي نزور يا رب عجّل بالزيارة
قليبي مقهور غابوا رجالة النعارة آه
مقدر مقدور في دار الدنيا الغرّارو صبري لله
دنشت للجزاير و لا عرفت قليبي كيف راه داير
البيات تتغاير قالوا صالح دنّش و لا لا
روحوا لداره يالخيالا يا كبدي صبري لله
أدفعت اللزمة و لا عرفت قليبي واش اللّي تمّا
يبكي بالدمعة قدّام الباشا دمعته سيالة
روحوا لداره يالخيالا يا كبدي صبري لله
يا غريبة قليلي منك و لا من غرضك
عن لباس الحولى زوج اقطاطي طاحوا ودنه
منك حارك ويلي سعدوديا نكدت لعدا ما شاء الله
أدفعت الديا و لا عرفت قليبي واش اللّي بيّا
البيات لعبوا بيّا وقليبي ساهي ما جاب اخبار
روحوا لداره يالخيالا يا كبدي صبري لله
أنا غادي الساقما القاني عمّي و اضربني و احلف لي باللازم
ة او سل الزبرة ابغى يقتلني
طالب حسن الخاتمة و الإله هو يرحمني صبري لله
أخرجت مهني و اعطاوني العمامة اللّي خدعتني
و اترن هي كفني و قليبي حاير ما جاب اخبار
روحوا لداره يالخيالا يا كبدي صبري لله
جيت انودعكم يالآحباب انتم ضو اعياني ما ننسى جلستكم غير إذا جات غمة الاكفاني آه
من هم فرقتكم و زهو الدنيا كلّه فاني ما شاء الله
امشيت لبلادي ساعة سعيدة حين شفت اولادي كيفاش قعادي
و القوم ليّ جات فزاعة
يا ربّي حضرت هذا الساعة يا كبدي صبري لله

حين حصرت المدينة و انغلقوا البيبان اهرب للمجرح يا صالح ابراسه عريان
لو كان اعرفت ذا القضية نهرب للبلدان نبني خيمة مع اولادي نسكن مع العربان
يمّاه تبكي وتنوّح و تقول صالح راح من راد ربّي يا صالح مكتوب الرحمان
خلّيوني نشوف اولادي ماني شي هربان ذا الشي مكتوب في جبيني قبل ما نرجع باي
يمّا تهلاي في اولادي و اتهلاي في الدار لا تخدوش عليّ اولادي عادت بابلار
حين ادخل لداره فيه و بـيت المال اذهب و جوهر يا صالح و اخدم مع الوصفان
يمّا فاين هو بابا رايح ولاّ هربان حمودة آهياوليدي أمشى مع الديوان
حين اعطاوله التسبيح و اعطاوله الأمان قالوا يا صالح لا تخاف هذا أمر السلطان
حين حكموه الشاوش دار له زوج حديدات اتوضى و صلّي يا صالح و اخروج للميدان

قالوا صالح راح ورّيو لي قبره نرحم نرتاح صالح مخنوق بامحاكمة و دموعه ويدان
أيّا نزوروا قبره و انقبل خد ليمينا فعسا نرتاح يا من درى شكون ايجي باي في قسنطينة

على باينا فصّل كساوي على العيد ناوي يوم الجمعة يا ناس في قبره مساوي الله يرحمه
و تجعل موته موتة حميدو في عام السنا
على باينا حطّوا المنشية في بكرة و عشية عينك يا صالح زادوني كيّة جات ماكنة
آي راني راني غريّب برّاني في عام السنا
على باينا حطّوا السبالا في بكرة ولالة عينك يا صالح دمعة هطّالة جات ماكنة
آي راني راني غريّب برّاني في عام السنا
على باينا حطّوا للسواحل في بكرة و راحل عينك يا صالح بزوج مكاحل جات ماكنة
آي راني راني غريّب برّاني في عام السنا