يا خاطـرى عارف سريـب احكايتـك
زازيـت بلّـى ما وفّـو بوفايتـــك
وياخاطـرى مقيــوله ......... كلمـة عربنا لـــولا
أختـار الرفيـــق ......... قبـل الطريــــق
راه الرفيـق امرايـتك
ياخاطـرى .. لاتنطوى الدنيا تجارب خـوذ واترك منها
رافق اللى طبعا وفي أصحاب المسارب دوم باعد عنها
اللى فالمصايـب يشمتو ويعزو فوجهك حبايــب فى قفـاك ايجزو
لاتهيـم لاتحتــار ....... مقـدر نصيب وصـــــار
معا اللى قدا لقــدار........ خطي جديـد ابدايـتــــك
ياخــاطـرى المنهـان ....... للعفن عمرك ما ادير الشان
قالو عربنا وكان يا ماكان ....... فى قديــم الزمــــان
كان للرفيـــق حسبان ........ والمــوت دون الصاحـب
حقـه ونـس وآمــان ....... وانجالك اتقـول مراحــب
فى عرفهــم ....... فى شرعهـم ... صادقات مشاعر
مـاريتهــم ...... سامع بهم ..... قالو رفقهـم واعـر
ويا خاطرى قالوها .......وصيـا لنا خلـوها
اختـار الرفيـق ....... قبـل الطريـق ... راه الرفيق امرايتك
رد: الشاعر الشعبي عادل الغزالي
العرض الشجري