============
على حدود الكون
============
على حدود الكون وقفت انادى .. يا دنيا فين أهلى وفين اجدادى
سنين طويلة عشتها انسان .. ما بين عذابى وفرحتى وسهادى
من عهد آدم أبويا .. وامى حوا واخويا
وانا با فتش وادور .. على شهادة ميلادى
من يوم أخويا قابيل ما قتلنى .. ودمى بيلون زهور الوادى
ولما طال الليل وليلى غلبنى .. عشقت أحزانى وبكيت فى ميلادى
وسكنت دنيا الحق فى أحلامى .. ونسجت أكفانى ولبست حدادى
فى مركب الايمان هجرت بلادى .. ومعايا ركبت مهرتى وجوادى
عايم على بحر الأمل ربانها .. قاصد طريق الخير فى وسط عوادى
رسيت على بر السلام بسلامها .. ولقيت جهاد قبطانها هو جهادى
صبرت انا وأيوب وصبرى شكانى.. يا رب سلم من عيون حسادى
ايام فى بطن الحوت اعيش واموت .. زادى اسبح ربنا وزوادى
راقد فى كهفى سنين لدينى امين .. عابد لربى بمهجتى وفؤآدى
سألت عن سعدى وعن تعذيبى .. وحظى فى الدنيا انا واولادى
وفين الاقى قسمتى ونصيبى .. وازاى راح اوصل بغيتى ومرادى
سمعت هاتف من الاثير بينادى .. دى دنيا قسمها البدديع الهادى
UUUUUUUUUUUUUUUUUUUUUUUUUUUU
جميع الحقوق محفوظة
على حدود الكون .. قصيدة تأملية انسانية
العرض العادي
