احبائى
اقدم لكم بعد طول انتظار من بعضكم
تحفة بليغ حمدى
العيون السود
مرة حد منكم سألنى عن الاغنية الطويلة والاغنية القصيرة
هنا الاغنية قصيرة يعنى مذهب وكوبليه واحد فقط ... وللعلم مش عادة بليغ حمدى ولا العادة عموما يعنى المفروض تكون الاغنية مذهب ومش اقل من 2 كوبليه لو طويلة ومذهب و3 كوبليه لو الكوبليهات متوسطة
لكن السر فى الاغنية دى وكمية العبقرية واللعب الغريب فى المقام بالذات فى الكوبلي بين المى نص بيمول والمى بيمول مما خلانى اؤكدها عشان السلطنة بيدل على حاجة نقدر نسميها اخلاص الفنان الكبير لعمله يعنى لو بيلحن الاغنية مذهب و3 كوبليه فى 3 شهور ... بيلحن الاغنية مذهب وكوبليه واحد ممكن فى 3 شهور ... يعنى بيستغل كمية الكلمات الاقل فى الابداع .... وحاجة اخطر بكتير مش موجودة فى الالحان اللى ظهرت بعد رحيل المعالقة الجملة اللى تحس انها معمولة بحرفية عالية ... وبالطبع لو تأملت بدقة فى الجمل الغنائية حتلاقى لولا عبقرية وردة الفذة ماكنش اللحن يطلع بالروعة دى وبالصعوبة دى .. بإختصار يعنى لو جبت كل المطربات النهاردة الموجودين واللى بيقبضوا اد ماكانت وردة بتقبض 100 مرة وحاولوا يغنوا اللحن ده بالذات لازم النتيجة حتكون انك تولع فيهم
وحاجة اخطر ... لو فيه جهاز بيقيس عبقرية الآداء ... حتلاقى وردة شخصيأ هنا بتنى بنصف عبقريتها يعنى عندها اكتر من كده بكتير ... والمعنى الفنى او لو ناخدها من الناحية االرياضية لو بطل بيشيل اثقال بيقدر يشيل 300 كيلو .. لما يشيل 120 كيلو بيبقى مستريح اوى كانه مش شايل حاجة ,,, او سيارة سرعتها 300 كم ساعة لو مشيت على سرعة 100 اكيد عمر ما الموتر يوصل لأى درجة حرارة عالية
وللعلم الصفة دى كانت فى كل مطربين زمان يعنى مهما وصل ابداعه على المسرح لسه عنده اكتر بعكس بتوع دلوقتى ... يعنى بيقول بمستوى متدنى جدا وده آخره ... وبعدين دايما تلاقى وراه كوارال بينقذه عشان نفسو ما يتقطعش او يستهبل يخلى الجمهور يغنى عشان الوصلة لو ساعة يبقى هو غنى منها ربع ساعة
والله يرحمك يا مام كلثوم زمان كانت بتغنى 3 وصلات كل وصلة ساعة ونصف على الاقل وكانت احلى وصلة الثالثة بتبقى متسلطنة وسخنت ووصلت لقمة الابداع
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري