طلبات نوتة أ / عادل صموئيل الجزء الثانى

[guest]

المشاركة الأصلية كتبت بواسطة ابوكارم

انا محتاج كل اغانى سيد درويش لانها تراث واساس الموسيقى العربيه والمصريه
الاناشيد والاغانى الوطنيه والاغانى الشعبيه والاغانى الخفيفه والاوبريتات
اعتقد ان معظمنا يحتاج لاعمال الاستاذ الفنان الموسيقار سيد درويش

اضم صوتي و بشدة للاستاذ ابو كارم
سيد درويش هو الاصل و الاساس
عندي اقتراح سبق و سيبته في مقترحات المنتدي و لكن لم القي رد شافي حتي الأن
ربما اتركه مجددا لأستاذ عادل يدرسه و يشوف كيفية تنفيذها
هذا هو اقتراحي المتروك سابقا
( موجود في ركن سيد درويش ( نوتات سيد درويش ) .. نوتات كتيرة مبهمة و بعضها مليان غلطات
لأني لاحظت مثلا ( دور انا هويت ) مكتوب علي مدرجين صول و فا ( اظن و ليس كل الظن اثم ان سيد درويش ماكانش بيكتب نوتاته للبيانو !)
ليه محدش يعيد كتابتها و يصلحها لو فيه اخطاء علي احد برامج التدوين عشان تكتمل الاستفادة ؟
و لا النوتات دي صور نادرة بخط ايده محطوطة للذكري ؟ علما ان فيه نوتات بتوقيع و تدوين جميل عويس ( موسيقار كبير و كان يدون ل عبدالوهاب ايضا )
يعني ممكن احد المشرفين يعمل خطة عمل يوزع ادوار عمل علي المتطوعين الراغبين في المساهمة
يعني لو كل واحد اعاد كتابة نوتة هنخلص في اسبوع و لا 2 )

الاتي ليس حصر لأعمال سيد درويش
سيد درويش قام بتلحين 10 أدوار .. و طقطايق لا حصر لها
و اكثر من 30 مسرحية
السيد عادل علي سبيل المثال قام بتدوين دور ( اهو داللي صار )
و sayed lv قام بتدوين طقطوقة محسوبكو انداس
و انا دونت لحن الوارثين ( علما انا لا اقوم بالتدوين الموسيقي بناء علي طلبات زي اساتذتنا جبابرة التدوين )
وتبشرت خيرا ب تدوين السيد خالد صدوق ل طقطوقة سالمة يا سلامة ل سيد درويش و هي تختلف عن تدوين استاذ عادل لنفس الاغنية لأن استاذ عادل اعتمد علي تسجيل داليدا الشهير للاغنية و دا يوضح حالة الاثراء الفني لما اكتر من فنان يتناول نفس العمل
لو ممكن من استاذ هيثم الصالحي بصفته ملك الفهرسة في سماعي و حافظ التدوينات , يدينا تقرير و يقولنا حاجات سيد درويش المدونة بواسطة الاساتذة عادل صموئيل و tarak766 ( بصفته أكثرنا دراية بهم لسابق قيامه بالفهرسة الجبارة )
اقصد نعمل حصر مبدئي عشان لا يتم التكرار و تضييع الوقت و المجهود
و يكون الكلام دة بذرة لمشروع توثيق تراث سيد درويش بنوتات موسيقية الكترونية و شكلها جميل و محترم اعتمادا علي التسجيلات الموجودة اصلا في ركن سيد درويش لأن فعلا فيه ناس كتير تعبت لتجميع نوادر التسجيلات و انا اشكرهم و كلمات الشكر تعجز عن الوصف .. و برضه مفيش مانع من الاستعانة بالنوت القديمة الموجودة اصلا عن طريق فرزها و فقط اعادة كتابتها لو سليمة و تصليحها لو فيها اخطاء لأن من تجربتي ليهم فيهم غلطات
و لو في اي حاجة اقدر اساعد بيها في الموضوع دة .. انا مستعد
و من وجهة نظري .. موسيقي سيد درويش مش صعب تدوينها لأنه كان صاحب مدرسة بسيطة جدا في التعبير الموسيقي البسيط و لكنه مؤثر و جميل و عميق .. الراجل كانت فلسفته كدة ! البساطة و الجمال من غير استعراض عضلات
و الكلام يطول عن سيد درويش ..

و بما اننا بنتكلم عن سيد درويش
اهديكم الفيديو

و ارجوكم نركز في الكلام

دة وقتك .. دة يومك
يا بنت اليوم
قومي اصحي من نومك
بكفاياكي نوم

اهديها لكل مصري ساكت علي العك اللي بيحصل فيها

و هكون شاكر جدا يعني لو تم تدوينها ..

‫ط³ظٹط¯ ط¯ط±ظˆظٹط´ ط¯ظ‡ ظˆظ‚طھظƒ ط¯ظ‡ ظٹظˆظ…ظƒ ظٹط§ط¨ظ†طھ ط§ظ„ظٹظˆظ…‬‎ - YouTube