يا مسهرني
تأليف أحمد رامي
الحان سيد مكاوي
ماخطرتش على بالك يوم تسأل عنى وعنيه مجافيها النوم يا مسهرنى
دانا قلبى بيسألنى إيه غير أحواله ويقول لى بقى يعنى ما خطرتش على باله
أمال غلاوة حبك فين وفين حنان قلبه على
وفين حلاوة قربك فين فين الوداد والحنيه
يا ناسينى وإنت على بالى وخيالك ما يفارق عينى
ريحنى واعطف على حالى وارحمنى من كتر ظنونى
لا عنى بيهواها النوم ولا باخطر على بالك يوم
إسأل عنى يامسهرنى
إسأل عن اللى يقضى الليل بين الأمل وبين الذكرى
ويصبر القلب المشغول ويقول له نتقابل بكره
وبكره يفوت وبعده يفوت ولا كلمه ولا مرسال
وهو العمر فيه كام يوم وأنا بعدك على طال
ياناسينى وإنت على بالى وخيالك ما يفارق عيني
ريحنى واعطف على حالى وارحمنى من كتر ظنونى
لا عنى بيهواها النوم ولا باخطر على بالك يوم
إسأل عنى يامسهرنى
يامسهر النوم فى عنيه سهرت أفكارى وياك
الصبر ده مش باديه والشوق واخدنى لبحر هواك
أقول لروحى وأنا ذنبى إيه يقول لى قلبى حلمك عليه
مصيره بكره يعطف علينا ونبقى نعرف هجرنا ليه
ياناسينى وإنت على بالى وخيالك ما يفارق عيني
إسأل عنى يامسهرنى
تعالى خلى نسيم الليل على جناح الشوق يسرى
الهجر طال والصبر قليل والعمر ايامه بتجرى
طالت الايام
ريحنى واعطف على حالى وارحمنى من كتر ظنونى
لا عنى بيهواها النوم ولا باخطر على بالك يوم
تعالى لى قوام
دانا عندى كلام بدى اقوله لك
دانا عندى كلام
وفى قلبى غرام
وفى قلبى غرام أوصفهولك
ونعيش أيام ولا فى الاحلام
ياناسينى وإنت على بالى وخيالك ما يفارق عيني
ريحنى واعطف على حالى وارحمنى من كتر ظنونى
لا عنى بيهواها النوم ولا باخطر على بالك يوم
إسأل عنى يامسهرنى
رد: كلمات بعض أغاني كوكب الشرق
العرض المتطور
