كلمات بعض أغاني كوكب الشرق

**علي سيف** · #1 16/07/2012, 10h18

حلم
حبيب قلبي وافاني في ميعاده ونوّل بعد ما طول بعاده
حبيب قلبي قابلني وهو متبســـــم وطمني على وصله
وقــال لي بعد ما ســــــــــلّم كـــلام القلب يرقص له

بقى يقول لي وأنا أقول له وخلصنا الكلام كله
يقول لي قلبي بودك أقــــــول لــه قلبي أنا أكثر
يقول لي اد إيه حبّك أقـــول له فوق ما تتصور
وأقول له خايف لتنساني يقول لي مستحيل اقدر
بقى يقول لي وأنا أقول له وخلّصنا الكلام كله
قريب وبعيد وبقينا نـقول ونعيد بعينينا
عيون لعيون تتكلم بسر القلب وتترجم
وروح مع روح تتجانس
وأيد على أيد بتســـلم
بتسلم ســـــــلام مشتاق
نســــينا الدنيا ولهينا في هوانا وطرنا وعلينا
لا عواذل واقفة حوالينا ولا ذنب يتعدى علينا
سكوت وسكون وإيه حيكون
ما فيش غير النجوم تضوي ولا غير القمر ناظر
ولا غير الغصون تهمس ولا غير النســـيم عابر
وأنا في دي النعيم هايم
لقيت منام وحلم وراح مع الأحلام
ياريته دام ودام نـــومي كده أعوام
وأنا وهو في دي النشوة
نعيش في ســــــلام ولو في منام

كلمات: بيرم التونسي
ألحان: زكريا احمد
مقام: راست سوزناك
تاريخ: 1946

**علي سيف** · #2 16/07/2012, 10h21

حيرت قلبي معاك
حيرت قلبي معاك وانا بداري واخبي
قلي اعمل ايه وياك والا اعمل ايه وايا قلبي
بدي اشكيلك من نار حبي
بدي احكيلك عا اللي في قلبي
واقول لك عاللي سهرني واقول لك عاللي بكاني
واصور لك ضنى روحي وعزة نفسي مانعاني
يا قاسي بص في عنيا وشوف ايه انكتب فيها
دي نظرة شوق وحنيه ودي دمعه بداريها
وده خيال بين الاجفان فضل معايا الليل كله
سهرني بين فكر واشجان وفات لي جوه العين ظله
وبين شوقي وحرماني وحيرتي ويا كتماني
بدي اشكيلك من نار حبي
بدي احكيلك عا اللي في قلبي
واقول لك عاللي سهرني واقول لك عاللي بكاني
واصور لك ضنى روحي وعزة نفسي مانعاني

كلمات: احمد رامي
ألحان: رياض السنباطي
مقام: اثر كرد
تاريخ: 1961

**علي سيف** · #3 16/07/2012, 10h24

ليه تلاوعيني
ليه تلاوعيني وانت نور عيني .. ايه جرى بينك في الهوى وبيني
ليه تلاوعيني ..

لما حبيتك وانضنى حالي .. انعدم نومي وانشغل بالي
وان شكيت وجدي ينظلم حالي .. ايه جرى بينك في الهوى وبيني
ليه تلاوعيني ..

ليه تكايدني كل ما اتكلم .. ليه تحاوريني والفؤاد سلم
كل ده يخللي قلبي يتالم .. ايه جرى بينك في الهوى وبيني
ليه تلاوعيني

الغرام اصله نظره واتمكن .. والجمال يسحر والدلال يفتن
واحتمال بعدك امر مش ممكن .. ايه جرى بينك في الهوى وبيني
ليه تلاوعيني ..

اسمعي الشاكي وارحمي الباكي .. قضى طول عمره قلبه يهواكي
ما افتكر عمره لحظه ينساكي .. ايه جرى بينك في الهوى وبيني
ليه تلاوعيني ..

كلمات: احمد رامي
ألحان: محمد القصبجي
مقام: راست
تاريخ: 1932

**علي سيف** · #4 16/07/2012, 10h25

روحي وروحك
روحي وروحك في امتزاج في الحب من قبل الوجود
كاس الفراق مالوش علاج والعشق من طبعه الوعود
قالوا الحياة فيها ابتهاج والحب فيه ســــعد الســـعود
لكن حياة فيها العذاب والوصل فين لو كان يـــــعود
قلــبي يميل ليه للجمال والعشق من عــــــذبه العذاب
إن مال له خلّه نال وصال وان ملّه ليه يرعى العتاب
حال الحياة ده طيف خيال فيه مرار أو حلو الشراب
لو يصــــــــبر العاشق ينول والصبر مفتاح كل باب

كلمات: حسين والي
ألحان: داود حسني
مقام: نهوند
تاريخ: 1931

**علي سيف** · #5 16/07/2012, 10h26

شفت بعيني
شفت بعيني محدّش قال لي
التقل ليه يا مالك قلبي قصدي تمللي تكون جنبي
ما تقول لي بس إيه ذنبي
شفت بعيني محدش قال لي
التقل ليه ده حرام عليك أديني اهو ما بين أيديك
يكفى دلال وحياة عينيك
شفت بعيني ما حدش قال لي
شفت الحليوة في البستان قوامه يشبه غصن البان
ولمحت على صدره الرمان
شفت بعيني ما حدش قال لي
إمتى أشوف حبي الفتان يضحك ويلعب زي زمان
وأقول يا ناس اهو جه وبان
شفت بعيني ما حدش قال لي

كلمات: احمد رامي
ألحان: احمد صبري النجريدي
مقام: بياتي شوري
تاريخ: 1926

**علي سيف** · #6 16/07/2012, 10h28

ماتصبرنيش بوعود
وكلام معسول وعهود
انا ياما صبرت زمان
على نار وعذاب وهوان
وهي غلطة ومش ح تعود
ولو ان الشوق موجود
وحنيني اليك موجود
انما للصبر حدود ... يا حبيبي

---

صبرني الحب كتير
وداريت في القلب كتير
ورضيت عن ظلمك لكن
كل ده كان تأثير
والقرب أساه وراني
البعد ارحم بكتير
ولقيتني وانا باهواك
خلصت الصبر معاك
وبأملي اعيش ولو انه
ضيع لي سنين في هواك
واهي غلطه ومش ح تعود

---

اكتر من مره عاتبتك
واديت لك وقت تفكر
كان قلبي كبير بيسامحك
انما كان غدرك اكبر
اكبر من طيبة قلبي
اكبر من طولة بالي
اكبر من قوة حبي
مع كل الماضي الغالي
ولقيتني وانا بهواك
خلصت الصبر معاك
وبأملي باعيش ولو انه
ضيع لي سنين في هواك
واهي غلطة ومش ح تعود

---

ماتصبرنيش ما خلاص
انا فاض بيه ومليت
بين لي انت الاخلاص
وانا اضحي مهما قاسيت
دامفيش في الدنيا غرام
بيعيش كده ع الاوهام
والحب الصادق عمره
عمره مايحتاج لكلام
ولقيتني وانا بهواك
خلصت الصبر معاك
وباملي باعيش ولو انه
ضيع لي سنين في هواك
واهي غلطه ومش ح تعود
ولو ان الشوق موجود
وحنيني اليك موجود
انما للصبر حدود ياحبيبي

كلمات: عبدالوهاب محمد
ألحان: محمد الموجي
مقام: سيكاه
تاريخ: 1964

**علي سيف** · #7 16/07/2012, 10h35

مادام تحب
مادام تحب بتنكر ليه دا اللي يحب يبان ف عنيه
تصدّ عنّي وتهجرنى واكلمك تهرب مني
وان غبت يوم تسأل عني
واعرف هواك ساعة لقاك من طول جفا ك
واللى يحب يبان ف عنيه مادام تحب بتنكر ليه
لو كنت عايز تراضيني وتصالح النوم على عيني
كنت اشتكيلك تواسيني
وتشوف عينيّ راضية الأسية تعطف عليّ
واللى يحب يبان ف عنيه مادام تحب بتنكر ليه
لكن فؤادك يهواني واعرف هواك من وجداني
هوه انت تقدر تسلاني
وانا بين ايديك أشكي اليك واشوف عنيك
واللى يحب يبان ف عنيه مادام تحب بتنكر ليه

كلمات: احمد رامي
ألحان: محمد القصبجي
مقام: نهوند
تاريخ: 1940