كلمات بعض أغاني كوكب الشرق

**علي سيف** · #1 16/07/2012, 10h10

اوقدوا الشموع
أوقدوا الشموس ... انقروا الدفوف
موكب العروس ... فى السما يطوف
والمنى قطوف
انقروا الدفوف
الرضا والنور والصبايا الحور
والهوى يدور
آن للغريب أن يرى حماه
يومه القريب شاطىء الحياه
والمنى قطوف
فى السما تطوف
انقروا الدفوف
طاف بالسلام طائف السلام
يوقظ النيام
عهده الوثيق واحة النجاه
أول الطريق هو منتهاه
والمنى قطوف
فى السما تطوف
انقروا الدفوف

كلمات: طاهر ابو فاشا
ألحان: محمد الموجي
مقام: حجاز كار
تاريخ: 1955

**علي سيف** · #2 16/07/2012, 10h12

اهل الهوى
أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطـولوك يا ليل من اللي بيهم
وأنت يا ليل بس اللي عالم بيهم
فيهـم كسير القلب
و المتألـــــــم واللي كتم شكواه
و لم يتكلـــــم
واللي قعد بعد الحبايب وحــده
وبات حزين بشكي هيامه ووجده
يشكوا ولا مخلوق سمع شكواهـــم
إلا الكواكب في السماء سمعاهـــم
يطولوك يا ليل بالسهد والأفكــــــار
والشمس بعد الليل تطلع عليهـــم نار
وبعد طول الويــل تطلع لهم يا ليل
ويقصروك يا ليل في صحبه هنيــه
علــى وتـــر رنــــان للصبحيــة
فيهم يا ليل خل عطف خلــــــه
ويقول له لحن الشوق وخله يقول له
يا ليل .. .يا ليل ... ياليل ... ياليل
ويقصروك ياليل على هنا وسـرور
والشمس بعد الليل تطلع عليهم نار نور
ويسألوك يا ليــل أمتى تعود يا ليل
ناس من قلوبها تقول يا ليـــــل
وناس على الأرغول تقول يا ليـــل
واحنا معانا بـــدر طالع في ليلة قدر
فيها حبيب القلـب وافى و وافى النذر
هو يقول يا ليل واحنا نقول يا ليـل
وكلنــا بنقـول يا ليــــل يا ليـــل

كلمات: محمود بيرم التونسي
ألحان: زكريا احمد
مقام: نهوند
تاريخ: 1944

**علي سيف** · #3 16/07/2012, 10h15

تبيعيني ليه
تبيعيني ليه كان ذنبي إيه مين للفؤاد يبقى يواسيه
تبيعيني ليه
فين العهود فين الوداد إيه بسّ قصدك م العناد
يرضيكي تعذيب الفؤاد وحياة عيونك ترحميه
يعني حلال والا حرام الهجر منك والخصام
هوه اللي يرميه الغرام يهون عليكي تعذّبيه
ياما اشتكى قلبي هواه ياما بكيت ياما قلت اه
ياما سرحت وعقلي تاه عاشق وبدك تقتــليه
حبيتي نار قلبي الحزين وســمعتي نوحي والأنين
وفضلت طول عمري أمين وانا العليل اللي تداويه

كلمات: حسين حلمي المنسترلي
ألحان: زكريا احمد
مقام: حجاز كار كرد
تاريخ: 1931

**علي سيف** · #4 16/07/2012, 10h16

جمالك ربنا يزيده
جمالك ربنا يزيده ده ملك منظمه سيده
هواك يا حلو نســـــاني وداد اهـــلي وخلاني
وصبحني رهين امرك ما ليش غيرك حبيب تاني
وقلبي داب وإيه بيده ده ملك منظمه سيده
تشوف القلب لك مايل بيتدلل ويتحايل
يزيد التيه وتهجرني وتيهك فرح العاذل
وكادني ربنا يكيده ده ملك منظمه سيده
أدي انت بقدرة القادر سبيت الروح بسحر العين
وخذت العقل يا قادر ومش عارف طريقه فين
وامتى بس حتعيده ده ملك منظمه سيده

كلمات: حسن صبحي
ألحان: زكريا احمد
مقام: راست
تاريخ: 1931

**علي سيف** · #5 16/07/2012, 10h18

حلم
حبيب قلبي وافاني في ميعاده ونوّل بعد ما طول بعاده
حبيب قلبي قابلني وهو متبســـــم وطمني على وصله
وقــال لي بعد ما ســــــــــلّم كـــلام القلب يرقص له

بقى يقول لي وأنا أقول له وخلصنا الكلام كله
يقول لي قلبي بودك أقــــــول لــه قلبي أنا أكثر
يقول لي اد إيه حبّك أقـــول له فوق ما تتصور
وأقول له خايف لتنساني يقول لي مستحيل اقدر
بقى يقول لي وأنا أقول له وخلّصنا الكلام كله
قريب وبعيد وبقينا نـقول ونعيد بعينينا
عيون لعيون تتكلم بسر القلب وتترجم
وروح مع روح تتجانس
وأيد على أيد بتســـلم
بتسلم ســـــــلام مشتاق
نســــينا الدنيا ولهينا في هوانا وطرنا وعلينا
لا عواذل واقفة حوالينا ولا ذنب يتعدى علينا
سكوت وسكون وإيه حيكون
ما فيش غير النجوم تضوي ولا غير القمر ناظر
ولا غير الغصون تهمس ولا غير النســـيم عابر
وأنا في دي النعيم هايم
لقيت منام وحلم وراح مع الأحلام
ياريته دام ودام نـــومي كده أعوام
وأنا وهو في دي النشوة
نعيش في ســــــلام ولو في منام

كلمات: بيرم التونسي
ألحان: زكريا احمد
مقام: راست سوزناك
تاريخ: 1946

**علي سيف** · #6 16/07/2012, 10h21

حيرت قلبي معاك
حيرت قلبي معاك وانا بداري واخبي
قلي اعمل ايه وياك والا اعمل ايه وايا قلبي
بدي اشكيلك من نار حبي
بدي احكيلك عا اللي في قلبي
واقول لك عاللي سهرني واقول لك عاللي بكاني
واصور لك ضنى روحي وعزة نفسي مانعاني
يا قاسي بص في عنيا وشوف ايه انكتب فيها
دي نظرة شوق وحنيه ودي دمعه بداريها
وده خيال بين الاجفان فضل معايا الليل كله
سهرني بين فكر واشجان وفات لي جوه العين ظله
وبين شوقي وحرماني وحيرتي ويا كتماني
بدي اشكيلك من نار حبي
بدي احكيلك عا اللي في قلبي
واقول لك عاللي سهرني واقول لك عاللي بكاني
واصور لك ضنى روحي وعزة نفسي مانعاني

كلمات: احمد رامي
ألحان: رياض السنباطي
مقام: اثر كرد
تاريخ: 1961

**علي سيف** · #7 16/07/2012, 10h24

ليه تلاوعيني
ليه تلاوعيني وانت نور عيني .. ايه جرى بينك في الهوى وبيني
ليه تلاوعيني ..

لما حبيتك وانضنى حالي .. انعدم نومي وانشغل بالي
وان شكيت وجدي ينظلم حالي .. ايه جرى بينك في الهوى وبيني
ليه تلاوعيني ..

ليه تكايدني كل ما اتكلم .. ليه تحاوريني والفؤاد سلم
كل ده يخللي قلبي يتالم .. ايه جرى بينك في الهوى وبيني
ليه تلاوعيني

الغرام اصله نظره واتمكن .. والجمال يسحر والدلال يفتن
واحتمال بعدك امر مش ممكن .. ايه جرى بينك في الهوى وبيني
ليه تلاوعيني ..

اسمعي الشاكي وارحمي الباكي .. قضى طول عمره قلبه يهواكي
ما افتكر عمره لحظه ينساكي .. ايه جرى بينك في الهوى وبيني
ليه تلاوعيني ..

كلمات: احمد رامي
ألحان: محمد القصبجي
مقام: راست
تاريخ: 1932