طلبات نوتة أ / عادل صموئيل الجزء الثانى

[salhi_haithem]

الاخوة الاعزاء انا سعيد انكم ستجتمعون مع بعض كنت اتمنى ان اكون معكم لكن التزمات... المهم ما تنسوش الصور
و لي سؤال اغنية محمد عبد المطلب بصعب على روحي الحان احمد صدقي او محمود الشريف ام من لاني بحثت و وجدت ناس تقول احمد صدقي و ناس تقول محمود الشريف و فيهم من يقول انه لحن السنباطي فمن يدلني عن الملحن و شكرا
الى الاخ ابو كارم المتغيب عنا ياريت لو يطمنا لاننا لم نراه منذ مدة طويلة
الاستاذ عادل لم تقل لنا ما هي الاغنية القادمة
هيثم
اخى العزيز هيثم ... اخباركم ايه فى تونس الحبيب
بصعب على روحى انا تقريبا اعرف انها من تلحين محمود الشريف
شفت اغنية يامنت واحشنى ؟
انا بعدها جت عندى نوبة فايزيوية احمدية ابتديت اكتب وتعالى شوف خلصت نصفها
لكن امبارح اخى مصرى عزيز مقيم فى السودان طلب نشيد حق بلادك وحده عليك لأم كلثوم حسيت اننا كلنا محتاجين الكلام ده دلوقت
بكتب فيها والترانيم اللى طلبهم الاخ العزيز عزت انا لسه ماسمعتهمش ان شأء الله لو طلعوا سهلين مافيش فيهم مشاكل حاكتبهم لأنو بياخد وقت طويل بيحفظهم لتلاميذه العازفين
مع اطيب تحياتى واعدوا جميعا لمصر لأن العد التنازلى بدأ يعنى حاسس انى قاعد على قنبلة موقوتة بس مش عارف حاتنفجر الساعة كام
عادل صموئيل

[وائل علوي]

وفق الله مصرنا الحبيبة وانعم عليها وعلى شعبها البطل بالامان والسلام

[عاصم المنشاوى]

وآدى كمان الأستاذ المحترم/أحمد "أرمندو"
فى أتصال تليفونى ...أكد لى .أنه سيكون معنا أنشاء الله....

شكر ا للصديق الفنان /أحمد الأهلاوى........

الأستاذ/عمرو الهندواى ...أتمنى تشريفك لنا ....أحجز لنا معاد فى جدولك واجندتك ياباشا الأربعاء يوليو

الأستاذ المحترم /محمد الافندى....حضرتك ساكن خارج القاهرة ....طب هل فيه امكانية تشريفك لنا؟

بالمناسبة ياجماعة ..."الدعوة عامة "....يعنى أى حد يشرفنا على الرحب والسعة...

[salhi_haithem]

المشاركة الأصلية كتبت بواسطة salhi_haithem

اخى العزيز هيثم ... اخباركم ايه فى تونس الحبيب
بصعب على روحى انا تقريبا اعرف انها من تلحين محمود الشريف
شفت اغنية يامنت واحشنى ؟
انا بعدها جت عندى نوبة فايزيوية احمدية ابتديت اكتب وتعالى شوف خلصت نصفها
لكن امبارح اخى مصرى عزيز مقيم فى السودان طلب نشيد حق بلادك وحده عليك لأم كلثوم حسيت اننا كلنا محتاجين الكلام ده دلوقت
بكتب فيها والترانيم اللى طلبهم الاخ العزيز عزت انا لسه ماسمعتهمش ان شأء الله لو طلعوا سهلين مافيش فيهم مشاكل حاكتبهم لأنو بياخد وقت طويل بيحفظهم لتلاميذه العازفين
مع اطيب تحياتى واعدوا جميعا لمصر لأن العد التنازلى بدأ يعنى حاسس انى قاعد على قنبلة موقوتة بس مش عارف حاتنفجر الساعة كام
عادل صموئيل

السلام عليكم ورحمة الله وبركاته
استاذ عادل سأبدأ في الحديث باجاز عن سؤلك عن وضع تونس باختصار
الحكومة جاءت و معها آمال كبيرة نحو الإصلاح و حماية الحقوق و الحريات.. نجحت إلى حد ما و بنسق عرف شيئا من البطء لكثرة العقبات و لكن النسق كان في تصاعد.. سياسيا أصبح نجاح الحكومة الشرعية يمثل تهديدا للطموح السياسي لأطراف عدة من أزلام النظام البائد و من جرحى انتخابات 23 أكتوبر (الاحزاب اليسارية و احزاب صفر فاصل) و هذا ما يفسر الفتنة الحاصلة اليوم.. هذا كله برعاية الاعلام الغير نزيه و غير المحاييد .. و الاجندة المتبعة من الاعلام هي تكريس فكرة التخويف من السلفيين (سيناريو رعب يستهدف كل المناطق اشاعات و حرق و تكسير) هذا مع استفزاز للمقدس ف نفس الوقت من نفس الأعلام ! أمور متناقضه, و بطبيعة الحال اصابع الاتهام هم (السلفيون), و المشكل الاعلام يتهم بدون برهان او حجة ... من زاوية خائفين من السلفين ومن زاوية اخرى يستفزوا فيهم ! و الملفت للنظر ان نفس الاصوات التي كانت تطلب من المخلوع أن يضرب بيد من حديد على التيارات الدينية حماية للحداثه المزعومه هي نفس الاصوات التي تخوف الناس من الاسلاميين و الهدف من كل هذا اسقاط الحكومة و المنهج المتبع هو
-- التطاول و التعدي على المقدسات (الدين الاسلامي) تحت غطاء الحداثة و حرية التعبير (تجسيد الذات الالهية, تصوير الرسول بصور مشينة, كفر الخ...)
-- استفزاز الشعب المسلم
-- تحرك المسلمين في مسيرات للتنديد بالتعدي على المقدسات (اندساس بعض اليساريين و اثارت الفوضى)
-- تغطية الاعلام و اتهام الاسلاميين بالشغب و الفوضى (بالكذب و غير الحرافية في نقل المعلومة و تحريفها)
-- الضغط على الحكومة من طرف اليساريين لقمع الاسلاميين
-- اعتقالات الداخلية
-- استعمال كلمة معينة من طرف الاعلام مثل (ارهاب, تطرف, سلفيين) لضرب قطاع السياحة لارباك عجلة الاقتصاد
-- تأجيج الاعلام و الفتنة كي يقع حمم دم بين الحكومة و السلفيين ( هذا هو الهدف لاسقاط الحكومة بظربها بالتيارات الدينية و هذا كله يخدم اطراف سياسية معينة )
و الحمد لله انه الشعب واع بكل هذا و لا ينساق الى ما يخطط له البعض

نرجع الى الموسيقى
اغنية فايزة يا ما انت وحشني عجبني التدوين جـــدا و للعلم انه كل نوتة تقدمها لنا لا اتركها حتى اعزفها كلها و اشوف التسجيل للاغنية و ابدأ في دراسة خفاياها و ابحث عن التحولات...
شكرا على الاغنية القادمة مسبقا ان كانت لفايزة او لام كلثوم , و بما انك مركز على فايزة وهو اسبوع فايزة فيا ريت يا استاذ عادل لو تدرج اغنية انا قلبي ليك ميال من تدوينك الخاص لانها اشهر اغنية لفايزة و هي مذهب و كوبيليه و هي من اول الاغاني التي عزفت في حياتي و هي جميلة و خفيفة
اما بالنسبة لحال مصر فحقيقة هو صعب نوعا ما و يا ريت انه المنهزم في الانتخابات يقر بهزيمته و بطرق ديمقراطية و حضارية ينسحب لانه اذا ما حدث العكس فستكون النتائج وخيمة من عدم الاستقرار و الفوضى...
اسأل الله ان يصلح حالنا
هيثم

[عادل صموئيل]

احبائى
فيه طلب عاجل للسلام الجمهورى المصرى الصوتين الاول والتانى ( بتاع المدارس )
انا منزله هنا زمان بس مش عارف فين
وصعب جدا الاقيه وسط الزحمة اللى عندى ارجوكم لو حد منكم منزله عنده وعارف مكانه ينزله مشكورا
عشان ما اضطرش اكتبه تانى
مع اطيب تحياتى

[ashraf4mmm]

الأخوة الأعزاء،
أولا أشكر الأستاذ العظيم عادل صموئيل على قبوله هذه الدعوة وحضروه معنا ، وثانيا أشكر الأستاذ عاصم المنشاوي على جهودة في الترتيب لهذا القاء فهو الجندي المجهول،

ويسعدني من جميع الأعضاء الحضور والتعرف عليكم شخصيا وأن نستمع جميعا إلى الأستاذ عادل وجها لوجه حديثا وعزفا، فكم أنتظر هذا اللقاء تحياتي لكم جميعا وفي انتظاركم والدعوة عامة.
تحياتي
أشرف محفوظ

[salhi_haithem]

المشاركة الأصلية كتبت بواسطة عادل صموئيل

احبائى
فيه طلب عاجل للسلام الجمهورى المصرى الصوتين الاول والتانى ( بتاع المدارس )
انا منزله هنا زمان بس مش عارف فين
وصعب جدا الاقيه وسط الزحمة اللى عندى ارجوكم لو حد منكم منزله عنده وعارف مكانه ينزله مشكورا
عشان ما اضطرش اكتبه تانى
مع اطيب تحياتى

السلام عليكم
استاذ عادل هذه قائمة الوطنيات .. تقصد بالسلام الجمهوي نشيد الجيش المصرى

اسلمى يا مصر
السلام الملكى السعودى - دو ماجير
السلام الملكى السعودى - فا ماجور
بسم الله الله اكبر
تعيشى يا بلدى
تعيشى يا بلدى تعيشى
رايحين بايدنا سلاح
صوت بلادى
علمونا نحب مصر
مصر مصر تعيشى يا مصر
مصريتنا وطنيتنا حماها الله - محمد ثروت
مصر يا أم الدنيا
مطلوب من كل مصرى
نشيد الجيش المصرى
عاشت بلادنا - محمد ثروت
كل بلاد الدنيا جميلة - محمد ثروت
حبيبتي من ضفائرها - عمار الشريعي
يا بلادى عجم على الحسينى
يا بلادى عجم على دو
يا بلادى عجم على رى

هيثم
عزيزى هيثم
انا اشكرك الف شكر على مجهودك
السلام الجمهورى هو نشيد بلادى بلادى لكى حبى وفؤادى
لو عندك اللى انا دونته ياريت تنزله والف شكر
مع اطيب تحياتى عادل صموئيل

[salhi_haithem]

المشاركة الأصلية كتبت بواسطة salhi_haithem

عزيزى هيثم
انا اشكرك الف شكر على مجهودك
السلام الجمهورى هو نشيد بلادى بلادى لكى حبى وفؤادى
لو عندك اللى انا دونته ياريت تنزله والف شكر
مع اطيب تحياتى عادل صموئيل

صباح الفل استاذ عادل
غالب ظني انك لم تدون نشيد بلادى بلادى
بعد البحث وجدت الاستاذ وسام اكرم قد دون هذا النشيد من هنا
ومرفق ملف بي دي اف للنشيد واضح ومكتوب على مدرجين صول و فا
هيثم
عزيزى هيثم
اشكرك بس مش ده هو المطلوب
المطلوب هو السلام الجمهورى اللى بيعزفوه التلاميذ فى المدارس
عموما انا حدونه تانى
مع اطيب تحياتى واشكرك عادل صموئيل

[عادل صموئيل]

احبائى
اقدم لكم السلام الجمهورى
لجمهورية مصر العربية

انا مدونه هنا من 3 اصوات
الصوت الاول هو اللحن الاساسى
الصوت الثانى هو اللحن التانى بتاع وزارة التربية والتعليم واللى بيعزفه الألات زى المندولين والاكسليفون
هنا الصوت الثالث انا تقدر تقول مفبركه او مجمعه من الاصوات بتاعة آلات النفخ يعنى لو عندك تلاميذ شاطرين طبعا يبقى زيادة الخير خيرين
وبالطبع انت ممكن تختار اى الاصوات يناسب ظروف الطلبة عندك
المهم ادعو لمصر فى اللحظات العصيبة لأن السلام ده مهدد بأنه يتمنع لو جم اخواننا اللى مش بيحبوا الموسيقى
مع اطيب تحياتى

[عادل صموئيل]

احبائى
اقدم لكم من اعمال ام كلثوم الوطنية

قوم بإيمان وبروح وضمير
دوس على كل الصعب وسير

النشيد ده اتعمل فى وقت من اوقات مصر العصيبة ,, يعنى الفترة اللى بين نكسة 67 وحرب اكتوبر
كان وقتها الفن له دور كبير اوى .. يعنى بيحاول يخرج الجيش والشعب من خيبة الامل والمرارة بتاع الهزيمة ,, وبيجهز الناس للمرحلة القادمة
الفن كان اهم شىء ,, لأن تأثير العمالقة على الجمهور والجيش بيختلف عن المقالات والخطب
يعنى لو عايز الشعب يقلل من الاحساس بمرارة الهزيمة ... تخلى ام كلثوم وعبد الوهاب وعبد الحليم يدوه الاحساس ده
وانا لما النشيد ده انطلب حسيت ان دلوقتى كمان وقته
مع اطيب تحياتى
انا نزلت التسجيل للأخوة الاحباء اللى ماسمعوهوش او لن جايز مش متوفر
مع اطيب تحياتى