طلبات نوتة أ / عادل صموئيل الجزء الثانى

[نور الصباح]

[QUOTE=عاصم المنشاوى;593995]الأصدقاء
خبر ساااار جدا
فى مثل هذه الظروف العصيبة التى تمر بها البلاد...وافق الأستاذ"عادل صمويل"
مبدئيا على اللقاء الثانى مع عشاق الأستاذ......وبناءا عليه ...يسر الأستاذ الفنان / "أشرف محفوظ "المحامى والمستشار القانونى ان يدعوكم الى هذا اللقاء الممتع مع ذكريات وروائع الأستاذ ....
الزمان : يوم الأربعاء 11 يوليو الساعة السادسة بعد الضهر .....بنقول قبلها بأكتر من 3 اسابيع عشان ميبقاش فيه أى عذر لأى حد.....وعشان اللى مسافر وح ييجى فى اجازة الصيف يكون معانا انشاءالله ...زى الأستاذ /محمد السويفى ...واللى امتحاناته خلصت زى الموهوب / سيد ...وباقى الأصدقاء أ.أحمد ارمندو ...أ.أحمد نور الصباح...أ.عمرو الهندواى ....أ.أحمد الأهلاوى ...وياريت من خارج القاهرة الفنان السكندرى /نزيه محمد ...والفنان البورسعيدى التشكيلى /محمود فتيحة....والفنان / عزت شحاتة ......يعملوا حسابهم يكونوا معانا ...وياسلام بقى لو اى صديق من الدول العربية ....طبعا أخواتنا الفنانات والمدرسات ...نتمنى وجودهن ....!!!وارجو ان لا أنسى حد....
المكان : سهل جدا وفنى جدا... وراقى ...وهادئ....وفى وسط البلد وهو ( كافيتيريا بوتشيللى) بجوار مسرح الهناجر بساحة دار الأوبرا بالقاهرة...امام كوبرى قصر النيل...

ssssssssssssssssssssssssssssssssssssss
دعـــــــوة كريمـــــــــــــــــة من أخ كريــــــــــــــــــم
العنوان بالتفصيل الممل لأنى قلت لك من قبل فاكـــــــر ؟
( ريفى ســــــــــاذج نزل المديــــــــــــنة فبهرته أضــــــواؤها
فرجع تانى )
إن شـاء الله جــــــــــاى استنونى على محطة الجطر بس حاجى لابس الجلابية والجفطان ولو إنى كنت منتظر هذه الزيارة عندى فى البيت لكن - إن شاء الله ملحوقة
وشكرررررررررررررررررا
أخوكم
نور الصباح

[عاصم المنشاوى]

[SIZE="4"]عمنا وعم الشباب / أحمد "نور الصباح"

ماتشيلش هم ...وجودك مهم جدا ...ح نظبطها سوى...معاك موبايلى ...لكن فى أسوأ الظروف ...حضرتك ح تنزل موقف "المنيب"...على شمالك ..مترو الأنفاق"...أركبه وانزل محطة المترو "الأوبرا"...دى وصفة سهلة وصفة هايلة

الشاب الموهوب "سيد محمود"
المترو من "حلوان"...مابيروحش "الأوبرا"...مباشرة ...أنزل "التحرير-السادات"...وخد كوبرى "قصر النيل"..حسب الوصفة اللى وصفتها للأستاذ عزت شحاتة"...ح ابعت لك رقم موبايلى ع الفيسبوك

يامسهل يارب ...كده بقوا 3 زباين...مين قال انا كمان ..أبعت..

طبعا للأمانة ....صاحب الدعوة هو الأستاذ ( أشرف محفوظ ) مش انا ...هو صاحب هذه الدعوة الكريمة على شرف وعشان خاطر عمنا وعم الأجيال والمعلم الأستاذ / عادل صمويل ....عرفانا وتقديرا..

[ahmad_alahlawy]

ان شاء الله أقوم بتلبية الدعوة الكريمة

[عزت شحاته]

استاذى الجميل / عادل صموئيل
كالعادة ياباشا وربنا ما يقطع لك عاده
حبة الترانيم بتوع كل سنة عشان ندرب اولادك بتوع فرق العزف عليهم
انا عارف انهم كتير لكن حضرتك اللى عودتنا
وربنا يعوضك ويبارك كل خطواتك
- معلهشى همه كتير - بس علشان المراحل كلها تبدا مع بعض
وعلى حسب وقت حضرتك

[salhi_haithem]

الاخوة الاعزاء انا سعيد انكم ستجتمعون مع بعض كنت اتمنى ان اكون معكم لكن التزمات... المهم ما تنسوش الصور
و لي سؤال اغنية محمد عبد المطلب بصعب على روحي الحان احمد صدقي او محمود الشريف ام من لاني بحثت و وجدت ناس تقول احمد صدقي و ناس تقول محمود الشريف و فيهم من يقول انه لحن السنباطي فمن يدلني عن الملحن و شكرا
الى الاخ ابو كارم المتغيب عنا ياريت لو يطمنا لاننا لم نراه منذ مدة طويلة
الاستاذ عادل لم تقل لنا ما هي الاغنية القادمة
هيثم
اخى العزيز هيثم ... اخباركم ايه فى تونس الحبيب
بصعب على روحى انا تقريبا اعرف انها من تلحين محمود الشريف
شفت اغنية يامنت واحشنى ؟
انا بعدها جت عندى نوبة فايزيوية احمدية ابتديت اكتب وتعالى شوف خلصت نصفها
لكن امبارح اخى مصرى عزيز مقيم فى السودان طلب نشيد حق بلادك وحده عليك لأم كلثوم حسيت اننا كلنا محتاجين الكلام ده دلوقت
بكتب فيها والترانيم اللى طلبهم الاخ العزيز عزت انا لسه ماسمعتهمش ان شأء الله لو طلعوا سهلين مافيش فيهم مشاكل حاكتبهم لأنو بياخد وقت طويل بيحفظهم لتلاميذه العازفين
مع اطيب تحياتى واعدوا جميعا لمصر لأن العد التنازلى بدأ يعنى حاسس انى قاعد على قنبلة موقوتة بس مش عارف حاتنفجر الساعة كام
عادل صموئيل

[وائل علوي]

وفق الله مصرنا الحبيبة وانعم عليها وعلى شعبها البطل بالامان والسلام

[عاصم المنشاوى]

وآدى كمان الأستاذ المحترم/أحمد "أرمندو"
فى أتصال تليفونى ...أكد لى .أنه سيكون معنا أنشاء الله....

شكر ا للصديق الفنان /أحمد الأهلاوى........

الأستاذ/عمرو الهندواى ...أتمنى تشريفك لنا ....أحجز لنا معاد فى جدولك واجندتك ياباشا الأربعاء يوليو

الأستاذ المحترم /محمد الافندى....حضرتك ساكن خارج القاهرة ....طب هل فيه امكانية تشريفك لنا؟

بالمناسبة ياجماعة ..."الدعوة عامة "....يعنى أى حد يشرفنا على الرحب والسعة...

[salhi_haithem]

المشاركة الأصلية كتبت بواسطة salhi_haithem

اخى العزيز هيثم ... اخباركم ايه فى تونس الحبيب
بصعب على روحى انا تقريبا اعرف انها من تلحين محمود الشريف
شفت اغنية يامنت واحشنى ؟
انا بعدها جت عندى نوبة فايزيوية احمدية ابتديت اكتب وتعالى شوف خلصت نصفها
لكن امبارح اخى مصرى عزيز مقيم فى السودان طلب نشيد حق بلادك وحده عليك لأم كلثوم حسيت اننا كلنا محتاجين الكلام ده دلوقت
بكتب فيها والترانيم اللى طلبهم الاخ العزيز عزت انا لسه ماسمعتهمش ان شأء الله لو طلعوا سهلين مافيش فيهم مشاكل حاكتبهم لأنو بياخد وقت طويل بيحفظهم لتلاميذه العازفين
مع اطيب تحياتى واعدوا جميعا لمصر لأن العد التنازلى بدأ يعنى حاسس انى قاعد على قنبلة موقوتة بس مش عارف حاتنفجر الساعة كام
عادل صموئيل

السلام عليكم ورحمة الله وبركاته
استاذ عادل سأبدأ في الحديث باجاز عن سؤلك عن وضع تونس باختصار
الحكومة جاءت و معها آمال كبيرة نحو الإصلاح و حماية الحقوق و الحريات.. نجحت إلى حد ما و بنسق عرف شيئا من البطء لكثرة العقبات و لكن النسق كان في تصاعد.. سياسيا أصبح نجاح الحكومة الشرعية يمثل تهديدا للطموح السياسي لأطراف عدة من أزلام النظام البائد و من جرحى انتخابات 23 أكتوبر (الاحزاب اليسارية و احزاب صفر فاصل) و هذا ما يفسر الفتنة الحاصلة اليوم.. هذا كله برعاية الاعلام الغير نزيه و غير المحاييد .. و الاجندة المتبعة من الاعلام هي تكريس فكرة التخويف من السلفيين (سيناريو رعب يستهدف كل المناطق اشاعات و حرق و تكسير) هذا مع استفزاز للمقدس ف نفس الوقت من نفس الأعلام ! أمور متناقضه, و بطبيعة الحال اصابع الاتهام هم (السلفيون), و المشكل الاعلام يتهم بدون برهان او حجة ... من زاوية خائفين من السلفين ومن زاوية اخرى يستفزوا فيهم ! و الملفت للنظر ان نفس الاصوات التي كانت تطلب من المخلوع أن يضرب بيد من حديد على التيارات الدينية حماية للحداثه المزعومه هي نفس الاصوات التي تخوف الناس من الاسلاميين و الهدف من كل هذا اسقاط الحكومة و المنهج المتبع هو
-- التطاول و التعدي على المقدسات (الدين الاسلامي) تحت غطاء الحداثة و حرية التعبير (تجسيد الذات الالهية, تصوير الرسول بصور مشينة, كفر الخ...)
-- استفزاز الشعب المسلم
-- تحرك المسلمين في مسيرات للتنديد بالتعدي على المقدسات (اندساس بعض اليساريين و اثارت الفوضى)
-- تغطية الاعلام و اتهام الاسلاميين بالشغب و الفوضى (بالكذب و غير الحرافية في نقل المعلومة و تحريفها)
-- الضغط على الحكومة من طرف اليساريين لقمع الاسلاميين
-- اعتقالات الداخلية
-- استعمال كلمة معينة من طرف الاعلام مثل (ارهاب, تطرف, سلفيين) لضرب قطاع السياحة لارباك عجلة الاقتصاد
-- تأجيج الاعلام و الفتنة كي يقع حمم دم بين الحكومة و السلفيين ( هذا هو الهدف لاسقاط الحكومة بظربها بالتيارات الدينية و هذا كله يخدم اطراف سياسية معينة )
و الحمد لله انه الشعب واع بكل هذا و لا ينساق الى ما يخطط له البعض

نرجع الى الموسيقى
اغنية فايزة يا ما انت وحشني عجبني التدوين جـــدا و للعلم انه كل نوتة تقدمها لنا لا اتركها حتى اعزفها كلها و اشوف التسجيل للاغنية و ابدأ في دراسة خفاياها و ابحث عن التحولات...
شكرا على الاغنية القادمة مسبقا ان كانت لفايزة او لام كلثوم , و بما انك مركز على فايزة وهو اسبوع فايزة فيا ريت يا استاذ عادل لو تدرج اغنية انا قلبي ليك ميال من تدوينك الخاص لانها اشهر اغنية لفايزة و هي مذهب و كوبيليه و هي من اول الاغاني التي عزفت في حياتي و هي جميلة و خفيفة
اما بالنسبة لحال مصر فحقيقة هو صعب نوعا ما و يا ريت انه المنهزم في الانتخابات يقر بهزيمته و بطرق ديمقراطية و حضارية ينسحب لانه اذا ما حدث العكس فستكون النتائج وخيمة من عدم الاستقرار و الفوضى...
اسأل الله ان يصلح حالنا
هيثم

[عادل صموئيل]

احبائى
فيه طلب عاجل للسلام الجمهورى المصرى الصوتين الاول والتانى ( بتاع المدارس )
انا منزله هنا زمان بس مش عارف فين
وصعب جدا الاقيه وسط الزحمة اللى عندى ارجوكم لو حد منكم منزله عنده وعارف مكانه ينزله مشكورا
عشان ما اضطرش اكتبه تانى
مع اطيب تحياتى

[عادل صموئيل]

احبائى

اقدم لكم من روائع اغانى ام كلثوم الوطنية

محلاك يامصرى

واهديها للأخ العزيز ارمندو
الاغنية دى اتعملت بعد تأميم القناة .. وبالمناسبة اقدم لكن تسجيل حفلة نادر لها عشان اعتقد كتير من الشباب ماسمعهاش
فى الاغنية دى بتسمع لون جديد من الوان تلحين محمد الموجى مش مسبوق مختلف يعنى .. بتين ادايه كان الفن بيعمل .. يعنى الرئيس عبد الناصر فى لحظة تاريخية اعلن تأميم القناة .. ولكن الخطاب ده مش حايقعد يتذاع طول النهار كل يوم .. لكن التأثير المطلوب هم خلوا ام كلثوم تعمله فى اغنية رائعة تتذاع طل النهار بلا ملل والنهاردة بعد اكتر من 60 سنة
لما تسمع الاغنية تحس بقيمة القناة وبعزة المصريين ,, وتتخيل الشعور المؤلم لما تسمع ان بعض الناس عايزين يبقعوا القناة لقطر ... القناة اللى حفرها جدودنا ومات فيها عشرات الآلاف ... واللى لما اممناها عشان ناخد حقنا المسلوب حصل علينا عدوان ثلاثى سنة 1956 ... وبعد كل الشهداء وكل الخراب ده بس رجعناها تانى النهاردة عايزين يقدموها لقطر على طبق من فضة عشان قطر تديها لإسرائيل هدية على طبق من دهب
مع اطيب تحياتى