طلبات نوتة أ / عادل صموئيل الجزء الثانى

[salhi_haithem]

السلام عليكم ورحمة الله وبركاته
الاخوة الاحباء اخي عاصم اخي ارمندو اخي عمرو شكرا لكم جزيلا
أستاذ عاصم هي آلاء مش ولاء فقط للتذكير
استاذ عادل عندي سؤال و انا اتابع روبرتاج لوردة الجزائرية لمحت حوار صغير بينك و بين وردة على المسرح هي كلمتك و انت رديت عليها ثم ضحكت و اشرت برأسك و كانت الحركة سريعة
فاردت ان تخبرنا عن القصة
اتركك مع الفيديو و الحركة صارت في الدقيقة 2.23 الى الدقيقة 2.33






‫ظˆط±ط¯ط© - ط§ظ„ط£ط³ط·ظ€ظ€ظ€ظˆط±ط© :: ط±ظٹط¨ظˆط±طھط§ط¬ 1‬‎ - YouTube



اخوكم هيثم

عزيزى هيثم
مع العمالقة كانت بتنشأ صداقات واحداث مضحكة ونكت ومواقف طريفة متعددة ..
كان المطرب ممكن بيلتفت الى اى حد من الفرقة ويقول كلمة من النكتة او يعمل تأشيرة تذكرك بالموقف المضحك .. هى بينى وبينك اقول لك على سر هو اضحاك الفرقة كان بيقضى على التعب يعنى ساعات بيكون لحن طويل وتعبانين كان المطرب لما بيعمل اى حاجة تضحكنا بيقلل من التعب .. يعنى مرة وردة واحنا بنعزف مقدمة شاورت بإيدها وقالت عبد الحليم كلنا ضحكنا لأن عبد الحليم كان بيقود الفرقة .. بس انا وردة ليا معاها ذكريات غريبة .. يعنى وقتها انا كنت اهوى الاجهزة الاكليكترونية يعنى المسجلات وكل ما يتعلق بها من اضافات .. كنا لما نسافر اول يوم انا احاول اذهب واعرف مكان التوكيلات وبالذات ماركة اكاى كنت اعشقها .. وتانى يوم كانت وردة تذهب معى الى التوكيل اكون انا قد اكتشفت مافيه واختار لها اشياء محددة تشتريها ... ومن اغرب ذكرياتى مع وردة انا الوحيد اللى فى العالم اللى سمعت ودرة بتغنى لفايزة .. وده سر خطير لأنهم على الطبيعة كانوا مش بيحبوا بعض .. يعنى مرة فى القاهرة كنت رايح مع وردة مشوار طويل ركبت معها فى سيارتها والسائق بتاعها كان مشغل الراديو على محطة الاغانى ( ودى محطة متخصصة للأغانى عندنا بتبدأ من الساعة الخامسة الى العاشرة وبتجيب اغانى الحفلات كما هى بدون مونتاج يعنى تبدأ بأم كلثوم ثم عبد الوهاب ثم فريد ثم حليم ثم فايزة وتنتهى بعبد الوهاب وام كلثوم ) كانت اغنية طويلة لفايزة وكانت وردة حافظاها صم وتخيل روعة لحن محمد سلطان مع روعة اداء وردة انا ذهلت بصراحة ... ايام ...ز
مع اطيب تحياتى