نوت متنوعة

[عادل صموئيل]

اخوتى الأحباء
اولا انا متواجد الحمد لله ولكن وقتى محدود شوية عشان كده مش بتشوفونى بشكل ملحوظ
اقدم لكن اليوم نوتة
من العيار الثقيل
ياللى سامعنى قول يانور عنى
للفنان عادل مأمون وتلحين المويسقار الرائع كمال الطويل
وهنا انا لو وقفة مع هذه الأغنية
لو انتم شاهدتم فيلم المظ وعبد الحامولى كانت الاغنية معمولة خصيصاً للفيلم والمشهد كان المطرب عبده الحامولى والحفل فى سراى الخديوى وكان فى هذا العصر المطرب يغنى الدور
والمطلوب الذى طلبه المخرج من الملحن والمؤلف ان تكون اغنية عصرية الى حد ما ولكن تشبه الدور بتاع عصر عبده الحامولى , وانا سألت نفسى زمان مرة ليه ما عملوش دور من ادوار عبده الحامولى الأصلية وفكرت كثيراً ورديت على نفسى , ان ادوار عبده الحامولى ومن كان مثله لها اولا ناس متخصصة تسمعها وتذهب الى فرقة الموسيقى العربية خصيصاً لتسمعها ولو وضعوا الدور فى الفيلم الذى يشاهدة على الاقل 90 % لا يفهمون الادوار فلن يستسيغوه وممكن يتسبب الدور العظيم هذا فى سقوط الفيلم ,وهنا جاءت العبقرية والتطور الموسيقى اللى بجد ( مش الهراء اللى بيحصل دلوقتى ويقال عنه تطور وهو افساد منتظم كل يوم جزء من التراث الموسيقى ولو استمر سيقضى على التراث كله , التطور الذى عمله كمال الطويل هو اغنية تشبه الدور شكلا ولكن مستساغة فى عصر السينات ومدتها 7 دقائق وفيها كل الحلاوة والفن , وده مايسمى بالتطور الذى لا يفسد المضمون التراثى مش كده ولا ايه ؟
مع اطيب تحياتى