الشاعر الشعبي عادل الغزالي

[abuaseem]

اهلا اخي عادل و شكرا على هذا الكلمات الجميلة..كانت النية فتح موضوع خاص لاعمالك الشعرية وكنا فقط في انتظار مشاركاتك. الحمدلله تحصلنا اليوم على ما يكفي لبداية موضوع نرجو ان يستمر ليشمل كل انتاجك القديم منه و الجديد و ياريت حتى ان كان هناك اعمال صوتية او مرئية لك لعرضها في هذا الموضوع. مرة اخرى شكرا استاذ عادل و نحن في انتظار المزيد

[عادل الغزالي]

الي كل الليبيين .. ليبيا في حاجه الي الاستقرار والامن وهذا لن يتحقق اللا بوقوفنا الي جانب اي حكومه تدير الامور.. سواء منتخبه او توافقيه ... بالطاعه والرقابه.. وهذا هو دور الثائر الحقيقي .. وخلاف ذلك يعتبر خيـــــــــــــــــــــــــــانه لدماء الشهداء....

تكسر عود فعين بلادك .... وهي غطاك وفرشك ووسادك

راهو عيــــــــــــــــــــــــــــــــــــــــــــــــ ـــــــيب

أتمن عليــــــها ..... أتساوم فيــــــــــــــــــــــــــــــها

راهـــــــــــــــــــــــــــــــــــــــــــــــ ـــــو عيب

يا متــــــــــــــملق ؟؟؟؟ .. يا متســــــــــلق ؟؟؟؟؟

الله يعــــلم شنهــــــــــــــو مورادك .. راهو عيب

هي الحضن اللي زازابك ... وفيها خلّانك وحبابك

متمرد ما تريد حكومه .. وتلملم في ناس الحومه

أمفيت اللي ما يسوا سوما .. راهو ضايع اجر اجهادك

راهو عيب .............................راهو عيب

ويش اتريد ... أحكي مالّاخر .. ويش أتريد

عالنّاس أتزايد وتفاخر .... ويش اتريد

أتريد النوره .. راهو عيب.. خذلت الثوره .. راهو عيب

مازلت أمعـبه بحقـــــــــــــادك .. راهو عيب راهو عيب

.. متفكر غير فمصلحتك ... خنت الناس اللي امالحتك

وما عاد يشرف ميعادك ... راهو عيب.. راهو عيب

اتصارع في سبّه منصب .. لافوق الموجه راكب

للمكسب وآتي عدادك ... راهو عيب

ولاتريد الجيش ولا الشرطه .. تبي مغير أغياب السلطه

خلوت نجع وجا ميعادك .. رهو عيب ...... راهو عيب

[عادل الغزالي]

ياليبيا زيدي أمجاد تعلّي ... غالي ترابك بالدّما متملّي

غالي وعزيز ترابك بالدم راوي خضبوه أحبابك

ياليبيا بهمة جميع شبابك ما عاد عمرك للعذاب تولّي

عيشي أبيه حرّه طاغيك وينه لا خبر لا جرّه

وانهو شهيدك في حياة مسرّه فجنه كريمه أقطوفها مدلّي

ــــــــــــــــــــــــــــــــــــــــــــــــــ ـــــــــــــــــــــــــــــــــ

سلمتي جيّابت ثوار .... ياليبيا يا وطن المختار

ما قطعو سبرك رضوك وردولك قدرك

يا يام وكنتي في قبرك حايوك ومسحوه العار

غاثوك أرجالك من طاغي وقف ميجالك

عيشي وافتخري بعيالك وانسي ذل اسنين أمرار

[عادل الغزالي]

اشعار غاوووووووون الوطن ..
الغالي مايغلا عليك .. امغير اندهي لبيك
بعيالنــا ... واموالنـــا ... وارواحنـــــا
يــا ليـــبيــــــا نفديــــــــــــــــــــــــــديك
مغير اندهي تلقينا ... يا يام فزاعين
علّي مضا سامحينا .. وما نا المعضورين
في نفوسنا فكرنا .. واليوم يانا ثرنا
ودرنا اللي يرضيك .. الغالي ما يغلا عليك

لبيك جوك أحبابك ... ماعد أتقولي آه
رملك وحصو ترابك .. بالدم رويّناه
يالغاليه يا لم ... أنشيلو عليك الهم
وفوق روسنا نعليك .. الغالي ما يغلا عليك

[عادل الغزالي]

سبحــــــــــــــان

سبحان من بعد الجدب .. مزنه أنكب ... والميّـــتــا حاياها
من ليبيـــا يآتي العجب .. مجد أنكتب .. بحروف من دم وذهب
زلــــــــــــــــــــــــــزل الكون صداهــــــــــــــــــــــــــــــــــــــــــــــ ـــا

سبحان .. من بعد الغمم .. وكبرت الهم .. صارت اللي موحاله
وبين الامم .. رفرف علم ... بنجيمته وهـلالـــــــــــه
فالزنتان في مصراته.. والزاويه علّاتـه .. بدم الشهيد فداتـــــــــــه
بــعــــــــــــزوم يا مقــــــــــــــــــــــــــــــــــــــواهـــــــ ــــــــــــــــــا

سبحان .. من شعبه نصر .. وطاغي دحر .. وقصره هدم بنيانه
الخوف انكسر .. وغيض انفجر .. فقلوبنا المليــــــــــانه
أمساعد الراس أجدير .. سايرين للتحرير ... وسلاحنا التكبير
لـــــــــــــــرواح هوّناهــــــــــــــــــــــــــــــــــــــــــــ ـــــــــا

[عادل الغزالي]

أخي ابو عاصم .. الاخوه اعضاء المنتدي .. الاخوه متتبعي هذاالمنتدي .. يشرفني ان اشارككم بهذا العمل الغنائي والذي اداه الفنان محمود الشبلي , والحقيقه اعتبره اروع ما كتبت في حياتي من نصوص شعريه غنائيه لانه كتب في وداع شهدائنا الابرار .. ويعلم الله كم عانيت من آلام وكم ذرفت من دموع عند كتابته وكذلك عند سماعه حتي انني اصبحت اتجنب سماعه او مشاهدته .. اتمني التمعن في كلاماته لانها كتبت كاميثاق عهد ومبايعه من كل الليبين لشهدائنا الأبطال وسوف احاول تحميله صوت وصوره
وداعا غوالينـــــــــــــــــــــــا
وداعن غوالينـــــــــــا ...... فجنات عليــــــــــــــــــنا
ما تنتسو موحــــــــال .... فقلوبنا با أبطــــــــــــــــال
عـهـدا عليــنــــــــــــــــــــــــــــــــــــــــــــ ـــــــــــــــــا

فرسـان ما ذليتـــــــــو ... برواحكــم ضحيتــــــــــــــــو
للوطن رمز ابقيـــتو ... بمجــــــــــــاد فوق أعليتــو
ويا أحبـابنـا حالفين .. علي عهدكم ســــــــــايريــن
لآخـــــــــــــــــــــــــــــــر نفس فينــــــــــــــــــــــــــــــــا

ما كان شي لولاكـــــــــم .. رب السـّمـا نا داكــــــــــم
شفنـا غزيـــر أدماكــــم .. وعهدا علي مبداكـــــــــــم
ما نتركو المضلـــــــوم ... ولاعاد بعد اليـــــــــــوم
طـــــــــــــــــــاغـي يحكـــم فيـــــــــــــــــــنــــــــــــا

[عادل الغزالي]

مقتطفات من كتابي الجديد (حكاوي غناوي .. غالا) للشعرالشعبي الغنائي/باب قول أجواد

والكبير كبير

مرات عديده هي التي حاولت فيها كتابة النص الشعري الشعبي فجميع اعمالي اعتبرها غنائيه شعبيه ولكن الموضوع الذي شد اهتمامي او اللازمه الشعريه والتي كما نقول ( جت في وقتها) كانت وزن ضم قـشـه مما فـرض التضحـيه ببعض الاختزال الشعري واصبحت سارحات العمل ( سارحات)وقـلت فيها ما اريد مخاطبا كل شخص يريد لـنفسه ان يعيش محـترمًا داخل مجـتمعـنا والذي ابتدأنا نري فيه بعض من الآفات من السلوكيات الشخصيه وكتبتها بصوره فيها شيء من السخريه من كل من يعطي نفسه مقاساً اكبرمن مقاسها واستعرت في استهلاليتها المثل المتداول ( الكبير كبير.. و النص نص) وقد تمكنت خلالها من توضيف حكمه ليبيه سمعتها من احد الاصدقاء نقلا عن مرددها وهوا شخصيه اعتباريه بمدينة بنغازي ووالد الصديق يحيا رقرق( المرحوم سي مصباح رقرق) وهذه الحكمه تقول ( وما يخــــــــــلا مركاز من طير)

والكبير ... كبير ..
الدنيا منازل أوّلي وآخير

لصغير أصغير

قسامي بامره المال والضنا ووقات جاه وكبره

المولا مقسم والكبير بصْبره وعقله وعرفه وزينة التدبير

الدنيا منازل خوذ وافهم عبره وكل من عرف قدره مناله خير

راه الكبير انبانلك تعتبره وتلحض مقامه في عيون الغير

شرع الحياه من يومه كل نفس تغله وكل حد في سومه

الدنيا منازل باينه أمعلومه وللّّي قلال العرف ويش ادير

الصغير صغير والكبير فقومه ينال الشرف والعز والتقدير

وكل من عرف قدره تهنه نومه واللّّي اطاول فالمعاش ايحير

ياصاحبي لو تعد ما من بومه المركاز ما عمره أخلي من طير

ما هناكش قيس الغالي غويلي والرخيص بخيص

ومامن اللّّي فالطول نص انصيص وبالشان عالي فوق مالتصوير

والقدر ما ينطال بالتنقيص والجاه يكبر غير بالتدبير

ودك الكوز ايكون دوم الصيص كان تم فيدك ما معاه اتحير

خير مالشطاره ولعبة التعسيس بهزة اكتوف وغمز لمواجير

والدنيا انمالت ما لها تخليص مفيت كانشي المولا معين خير

[عادل الغزالي]

والكبير كبير

مرات عديده هي التي حاولت فيها كتابة النص الشعري الشعبي فجميع اعمالي اعتبرها غنائيه شعبيه ولكن الموضوع الذي شد اهتمامي او اللازمه الشعريه والتي كما نقول ( جت في وقتها) كانت وزن ضم قـشـه مما فـرض التضحـيه ببعض الاختزال الشعري واصبحت سارحات العمل ( سارحات)وقـلت فيها ما اريد مخاطبا كل شخص يريد لـنفسه ان يعيش محـترمًا داخل مجـتمعـنا والذي ابتدأنا نري فيه بعض من الآفات من السلوكيات الشخصيه وكتبتها بصوره فيها شيء من السخريه من كل من يعطي نفسه مقاساً اكبرمن مقاسها واستعرت في استهلاليتها المثل المتداول (الكبير كبير.. و النص نص) وقد تمكنت خلالها من توضيف حكمه ليبيه سمعتها من احد الاصدقاء نقلا عن مرددها وهوا شخصيه اعتباريه بمدينة بنغازي ووالد الصديق يحيا رقرق( المرحوم سي مصباح رقرق) وهذه الحكمه تقول ( وما يخــــــــــلا مركاز من طير)

والكبير ... كبير ..
الدنيا منازل أولي وآخير

لصغير أصغير

قسامي بامره المال والضنا ووقات جاه وكبره

المولا مقسم والكبير بصْبره وعقله وعرفه وزينة التدبير

الدنيا منازل خوذ وافهم عبره وكل من عرف قدره مناله خير

راه الكبير انبانلك تعتبره وتلحض مقامه في عيون الغير

شرع الحياه من يومه كل نفس تغله وكل حد في سومه

الدنيا منازل باينه معلومه وللّّي قليل العرف ويش ادير

الصغير صغير والكبير فقومه ينال الشرف والعز والتقدير

وكل من عرف قدره تهنه نومه واللّّي اطاول فالمعاش ايحير

ياصاحبي لو تعد ما من بومه المركاز ما عمره أخلي من طير

ما هناكش قيس الغالي غويلي والرخيص بخيص

ومامن اللّّي فالطول نص انصيص وبالشان عالي فوق مالتصوير

والقدر ما ينطال بالتنقيص والجاه يكبر غير بالتدبير

ودك الكوز ايكون دوم الصيص كان تم فيدك ما معاه اتحير

خير مالشطاره ولعبة التعسيس بهزة اكتوف وغمز لمواجير

والدنيا انمالت ما لها تخليص مفيت كانشي المولا معين خير

[عادل الغزالي]

(( ليلة سقـوط بغـداد))



كانت للعرب نكسه في تاريخهم الحديث في العام 1967 ولكن في هذه ألليله أصبحت لهم نكستان وهي نكسة احتلال العراق .... والنكسة الثانية اعتقد أنها اكبر بكثير من سابقتها وهي اشد وطأه فقد تم في هذه ألليله اجتياح الكرامة والشرف العربي أمام أنضار العالم واستبيحت ارض العراق للنصارى وسقطت بغداد الرشيد بين أيديهم.. كنت مصدوما ومحطما وشعرت بفقدان كامل للكرامة وبالاهانه ... وكعادة جميع الجبناء لم يكن أمامي من شيء سوي ذرف الدموع , دموع الحسرة والألم , ولم استطع النوم (فلا نامت أعين الجبناء )


يا دمع هيل كان فيك الراحه دالت علي قلبي العليل جراحه


أجروح قديما ........... قديم الأزل تصعب علي التفهيما
أوقات يخطرن تنجــر للبر يما يآدم وحوا وقصة التفاحه
جروح دايله هن والزمان خصيما في وآن يهملهن وآن أفلاحه
واليوم شوف الحال (هابا ديما) أنشا الله الزمان ايجيبلا صلاحه
يا دمع هيل مانريد عزيما بذلا وملا لدينا قباحه
سيل أوسيل أو سيل ديما ديما قول فلبكا وري الناس فصاحة
الحال يا عرب رآنا اليوم غنيما ولا عادشي تبقي ولا صياحه
في أرضكم رآهم بدوا التقسيما وأنهو العدو بيناتكم مطراحه

**********

كان أتريح بدد شرابك ع الخدود وسيح
كتمك هلكني نين حيلي طيح وصيف خيالي صيفة القزاحه
جرحي تحايا اليوم دما قيح وسر الكرامة وينهو مفتاحه
ماشيين موش عارفين وين تميح كما عير مطلوقا بلا سراحه
أنغاب الضمير الشين يبقي مليح ومادام غايب ما هناك سماحه

***********

مانك عيــــبـــــه ولانك عوج لانك هبال وخيبا
بنادم لحم وينما النار أتصيبا تذرف عيونا بالقذا فواحه
ونحنا اللي رينا أوقات عصيبا عازت فراغ البيت م ألقداحه
نجرو ورا ليام جري الذيبا والذيب ويش يطول من تمساحه
يادمع هيل ما اديرش غيبا جلي عنا قلبي كما المساحة

**************


خلي أدموعك دوا تكلم تفلسف والنبي بمروره
واجد اللي مكتوم راهو جوا يادمع هيل بكيت ألبراحه
جور علينا رآه حكم القوه والطير مايشدي أنضاق أسراحه
كيف نبدعو بالله وإحنا هوه بيناتنا وبين الزمان مساحه
واجد تخلفنا ومو من توه من وقت لعب البطش والزناحه
من يومن أوعينا والزمان بسوه دايل علبنا بارمات أرياحه

**************

يا دمع كان أتنسي وقلوبنا انتقدر شوي أتقسي
ما نندروش وين بينا أتمسي وضي المناره وينهو مصباحه
والفكر دون الروح كيف يرسي والعقل دون القلب موش صراحة
أتعبنا أمغير ملاومة وأتأسي وديما بذلا دايرين مناحة


************


يا دمع دير الجرا بانت حقائق والزمان تعرا
أبقينا سبايا وفتشو عالصره وطبع النصاره للشرف سفاحه
شينا عوايدهم بكل معره وحنا أصحاب العرف والنحانحة
وها الحال يا لخوان منهو ايسره مفيت الدني هلي أنس كفاحه

عادل الغزالي
20/ 5/ 2003 ف

[صالح العوكلي]

لقد استمتعت كثيرا بهذه القطوف الرائعة
شكرا لكم
مزيدا من الابدااااااااااااااااااااااااع