كلمات أغاني فريد الأطرش كاملة

[ليلى ابو مدين]

جرى إيه يا عزالنا
فريد الأطرش
كلمات :عبد العزيز سلام
***********

جرى إيه يا عزالنا، شغلتوا بالنا ليه
ما تسيبونا بحالنا، إيه رح يفيدكم إيه

هو اللي في الحب اتمنى، يلقى نصيبه
حرام يحب ويتهنى، وياه حبيبه
قولولنا يا عزالنا، يا محيرين البال
شغلتوا بالنا ليه، إيه رح يفيدكم ايه

الكلمة تصبح مية كلمة، آه من اللايمين
دا الحب يا عزال قسمة، بين القلبين
وليه كلامكم ليه.... وليه ملامكم ليه
شغلتوا بالنا ليه، إيه رح يفيدكم إيه

ليه تحرموا القلب اللي يميل، من احبابه
دا كل شيء في الحب جميل، حتى عذابه
وانا قلبي حن ومال، وما يهمنيش عزال
شغلتوا بالنا ليه، إيه رح يفيدكم غيه
**********

[ليلى ابو مدين]

يا ويلي من حبه
كلمات حسين السيد ـ
ألحان وغناء فريد الأطرش
***********

يا ويلي من حبه يا ويلي، يا عذابي في نهاري وليلي
لا بيرحم ولا ناره بترحم، ومحير في الحب دليلي

مش داري ولا حاسس بيّ، ولا عمره بيفكّر فيّ
لا بكلمة تصبّرني شوية، ولا نظرة تشفيلي غليلي
بكتب له جوابات واحكيله، عن حالي والحال بشكيله
وابعت له مراسيل تناديله، ولا يرضى يقابل مراسيلي

موال:
قالولي لو يوم رجعلك حبك الغضبان تعمل له إيه
قلت أقابله بفرحة الحرمان وجيبله م الشمس طرحة وم القمر فستان
واقول يا عين دوب روحي أمل وحنان خليه يجرب حلاوة مية العطشان

يا حبيبي الصبر ده له آخر، والشكوى تعبت مش قادر
ودموعي جبتلها دفاتر، من بعد ما خلصت مناديلي
**********