طلبات نوتة

**salhi_haithem** · #1 20/01/2012, 05h54

اقتباس:

المشاركة الأصلية كتبت بواسطة مجتهد مجتهد

السلام عليكم فرداً فرداً مع إحترامي لكم جميعاً
لقد سألت سؤآل بخصوص مقام الصبا وسمعت أن هنا صبا حسيني فاريد من حضرتكم سلم مقام صبا حسيني وأريد أدليب على هذا المقام مع أغنية سهلة ونوتة النهر الخالد بالنوتة المبسطة ولكم جزيل جزيل الشكر والامتنان

الاخ العزيز
عايز تتعلم صح ؟
كاتنظرش لمقام الصبا على انه من درجة رى ولكن من درجة الحسينى بيبقى شىء تانى هو هو بمعنى هات مرقة موسيقى واكتب مقام الصبا اولا من رى الى رى وبعدين ضع عليه علامات التحويل واضبطه
بعدين تحته اكتب من لا لا وضع عليهمعلامات التحويل لكى تصبح ابعاد القام كما فى اللى فوق
وتحته اكتب من صول الى صول وضع عليهم علامات التحويل بحيث تجعل الابعاد مثل اللى فى الاول يبقى عندك صبا دوكاه وصبا حسينى وصبا النواة وهى اشهر التعاملات مع مقام الصبا ... يعنى مثلا لو شخص تعرفه اسمه محمد مثلا
مرة لابس بدلة وكرافتة ومرة لابس تى شيرت ومرة لابس جلابية .. هل محمد بيتغير ؟ ولا بيفضل محمد ولكن بشكل تانى ؟
اما عن نوتة النهار الخالد موجودة اكيد فى المنتدى
مع اطيب تحياتى عادل صموئيل

السلام عليكم ورحمة الله وبركاته
اخي الكريم هنا مرفق اغنية خلاص مسافر صبا حسينى شادية تدوين الاستاذ عادل
و معها اغنية النهر الخالد تدوين الاستاذ عادل
مع الشكر اخوك هيثم

**عادل صموئيل** · #2 20/01/2012, 10h40

اخى العزيز عزت شحاته
اقدم لك

قولوا لعين الشمس كاملة

المشكلة ساعات الملفات اللى بتنزلوها بتكون مش بادية من الاول

فيه ملحوظة النوتة اللى انت منزلها كانتمن بياتى الدوكاه بس انا شايف الملف الصوتى بياتى من الحسينى

وممكن يكون من ادلوكاه عالى اوى على الناس عندك وحرصاً على ( ما يسمى خدمة ما بعد البيع )
انا عملت لك نسختين واحدة بياتى ع الدوكاه وواحدة بياتى حسينى وانت اختار اللى تريحك

**armendo** · #3 20/01/2012, 13h40

اقتباس:

المشاركة الأصلية كتبت بواسطة piano_piano_d

أستاذي المحُترم أ/ عادل صموئيل
مليون شكر أستاذي على العمل الرائع الجميل " قولوا لعين الشمس متحماشي "
و يا سلام لو تنوت لنا أغنية ليالي العمر معدودة ، هي صحيح أغنية حزينة قوي بس بصراحة لحنها رائع وأداء شادية يجذب من يستمع إليها ....

مع خالص شكري وتقديري

الأخت العزيزة بيانو بيانو
اليك نوتة ليالى العمر معدودة للرائعة السيده شادية ارجو ان تسعدى بها.
مع ارق تحياتى
ارمندو

**عادل صموئيل** · #4 21/01/2012, 19h51

احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى

كاملة فى 7 صفحات

انا دونتها فى يوم واحد ( يعنى مش طول النهار طبعا يعنى على 4 جلسات كل جلسة نصف ساعة وهى ماتعبتنيش لأنى حافظها من 45 سنة وعزفتها بالطبع مليون مرة وموجودة بعزفى المتواضع فى قسم المبدعون ) هى صعوبتها فى الادليب فى كل كوبليه بس لو تحفظه جيدا من ام كلثوم حايبقى سهل جداً
الجمل الموسيقية فى اللحن ده رائعة اروع من الروعة يعنى ممكن اللى مايعزفش الاغنية كلها ممكن يعزف الجمل الموسيقية بس خلوا بالكم من علامات التحويل
اترككم مع النوتة مع اطيب تحياتى

**عادل صموئيل** · #5 22/01/2012, 10h05

احبائى
اقدم لكم من لاوائع عبد الحليم حافظ

الحــلوة

اتمنى ان تحوزرضاكم مع اطيب تحياتى