واترص اترص يا ورق الفل - الصفحة 2

**علاء طه ياسين** · #11 06/08/2009, 10h27

الأستاذة الفاضلة
عفاف

إنتي ليكي في كل القلوب الحب والتقدير ..
دا كفاية ذوقك وأدبك وتمنياتك الطيبة بالخير للجميع ..
علاء

**NAHID 76** · #12 06/08/2009, 13h34

بسم الله الرحمن الرحيم
الشاعر الغنائى علاء
سبقونى وخدو مكانى فى التعليق الأولانى
وقبل التعليق على القصيده
أقول أن العنوان كان أفضل لوكان اسم الأغنيه
عود الفل أو عقد الفل
تعرف فى تونس بيسمو الفل ايه بيقولو عليه المشموم
ده بالنسبه للعنوان
أما الكلمات الراقصه الرشيقه كرقصه الباليه فهى رائعه ومعبره
وانت موهههوب مش عيزه أقول وسلامه
تحياتى

**علاء طه ياسين** · #13 06/08/2009, 13h52

المدهشة الحضور
مدام ناهد

تأتين أولا ..
تأتين أخيرا ..
المهم هو أن تأتي ..
فحضورك المدهش ..
يكفي لإشاعة البهجة في موضوعي ..
وإضفاء الروعة علي كلماتي ..
فياسيدتي المدهشة ..
يكفيني دائما حضورك ..
....
...
..
.

ياللي حبك للي تايه بيت وزاد ..
ياللي قلبك مهما هيطول البعاد ..
شلته جوه رموش عنيا ..
السعادة متكتملشي وانت غايب ..
مهما تبعد قلبي فيك تايه ودايب ..
يعني تطمن عليا ..
قلبي طاير ع السواقي والجناين ..
قلبي بيلف الشوارع والمداين ..
يوصف الشوق اللي بيا ..

....
...
..
.
متعك الله بحياة سعيدة ..
يا مدام ناهد ..

علاء

**وفاء كاتول** · #14 06/08/2009, 16h05

استاذ :علاء طه

بعد أن قرأت كلماتك العذبة المجسدة فى قالب شاعرى جميل سابحة بين حروفها الندية الرقيقة
لا يسعني المرور دون أن أشكرك على هذا الاحساس الرائع و هذا القلب النابض بالحب و الأمل و لكن أجد ردي جدا متواضع و لا تسعفني الكلمات
تحيتى وتقديرى لقلمك

**ام مدحت** · #15 07/08/2009, 04h33

اترص اترص ياورق الخص
ياجريد النخل العالى
الاستاذالموهوب/علاء ياسين
مش دى النغمه الشعبيه المندثرة
واللى اتفقنا نبحث عنها
فى اعماق الريف
دائما متجدد يابوياسين
وغناويك فيها ريحة الزرع الاخضر
ربنا يعيد عليك الايام بخير

**علاء طه ياسين** · #16 07/08/2009, 14h12

الأستاذة
وفاء

اقبلي باقة الزهور هذه مني

ترحيبا بك لتشرفيك لأول مرة
علي صفحات إحدي مواضيعي
وأتمني أن تداومي الإطلالة علي كل موضوع أكتبه
وأشكرك جدا جدا علي ردك الرائع
الذي يدل علي إحساس أروع

شكرًا

....
و
....

أنا باحاول إني اقول ..
في الحب أحلي أغنيات ..
للنخل .. للترعة .. لأصغر مصطبة ..
ف عيون حبيبتي الطيبة ..
ست البنات ..
...

الأستاذة
وفاء

دامت لك السعادة ورفرف عليك الحب

علاء ياسين

**علاء طه ياسين** · #17 07/08/2009, 14h29

ذات الحضور المتميز
أم مدحت

النصوص الشعبية المندثرة كلها حلوة ..
عاوزة بس اللي ينفض عنها الغبار ..
فاكرة غنوة "ضلل يا عنبي وانا ع البوابة "
اللي فيها ...
لو شوفت شعري .. مفرود علي ضهري
هتدفع مهري .. وانا ع البوابة
لو شوفت القصة .. مرصوصة رصة
هتدوب من بصة .. وانا ع البوابة
فاكرة غنوة "الحنة" بتقول
الحنة الجميلة .. للإيد النحيلة
حنة يا بنات
واللبان صومالي .. يا خسارتك يا مالي
ضايع ع البنات
وغنوة "يا امه حمامي خلط ويا حمام الواد علي"
وفيها
وطلعت له بمقشة .. ونزلت له بمقشة
لقيت حمامي بيتعشي .. ويا حمام الواد علي
وحتي غنوة "تحت الشجر يا وهيبة "
بتقول فيها الغنوة الشعبية لما حبيبته ضاعت في فيضان النيل
تحت الشجر يا وهيبة (هي مش اسمها وهيبه علي فكرة بس انا ناسي اسمها)
تحت الشجر يا وهيبة ياما كلنا برتقان
نظرة عينك يا وهيبة تِفَطَّر صايم رمضان
ده غير كميات مواويل كتيرة جدا
ومراثي الشعبية (العديد)
والسيرة الهلالية بكل ما فيها ..
من بطولات ومواقف وحروب وحب ..
ياااااااااااه يا ست أم مدحت ..
لو كان فيه نصيب ..
نعمل موضع عن الحاجات دي..
....
....
....
دايما بتنوري مواضيعي لما بتردي ..
حفظكم الله جميعا أنت وأخي سعد والأسرة الكريمة ..
وأتمني رؤية عمل جديد لك قريبا ..
وكل عام وأنتم بخير
.....

علاء ياسين