اقدم لكم برنامج انكور للتدوين احث نسخة كاملة مع الشرح

[حنان الشافعى]

الف شكر على المعلومات الرائعه - انا مدرسه تربيه موسيقيه وبستخدم برنامج انكور كتير جدا ونفسى اعرف كيفيه تدوين الأناكروز على هذا البرنامج - ولكم الف شكر

الأخت العزيزة
اولا اهلا بكى فى البرنامج وتحت امرك فى اى استشارة
اولا احب انك تقرى الشرح اللى انا عامله فى انكور , لأنه مبسط جدا وحاتستفيدى منه اوى
موضوع الاناكروز فى اول اللحن :
الحاجة اللى حاتلاحظيها ان الاناكروز بيبقى كروش مثلا فى مازورة لوحدة
عشان طبعا ما تبقاش باقى المازورة فاضية , انت عندك خواص جميلة جدا فى انكور مش موجودة فى اى برنامج تانى من اهمها انك ممكن تضيقى او توسعى المازورة يدوياً , [انى تمسكى بار المازورة من طرفع الاعلى بالماوس وتحركيه يمين او شمال زى ما انتى عايزة , بحيث انك تكتبى باقى السطر بعدين تحركى البارات بحيث ان المازورة الاولى اللى فيها الاناكروز يبقى شكلها مناسب والموازير التانية يبقى شكلها متناسق , كمان فيه ميزة وهى انك ممكن تمسكى نغمة الاناكروز من راس الناغمة وتحركيها بالماوس يمين او شمال عشان تخليها فى النص بالضبط او ممكن تظلليها بالمواس وتضغطى كنرول مع < او > تتحرك معكى يمين وشمال , والخاصية دى ممكن تحركى بيها اى عدد من النغمات وبتحصل ان ساعات بتبقى النغمات مزنقة وعايزة تفصلى ما بينها او تحطى علامة تحويل
اتمنى تكون رسالتى وصلت وانا تحت امرك وجربى واسألينى تانى وتالت , وانا بستمعل الانكور فى كل شغلى ولو تدخلى قسم طلبات النوتة بس من اوله حتلاقى حاجات كتير تنفع مدرسى الموسيقى , لنى مدرس موسيقى اصلا وباخد بالى دايما من احتياجات مدرسى الموسيقى الشاطرين اللى بيحبوا يعملوا مقطوعات جديدة مش مستهلكة
مع اطيب احياتى