(أنا خايف من الجوْلة)
يادوب طليت على الحلبه
لقيت الزحمه ع السّلبه
وخلق بيعملوا غلبه
لحدْ ما تبدأ الجوله
,,,,,,
بيحكمها اللىّ عايزينها
ماخلوش عقل يوزنها
وتاهت كل موازينها
وضاعت هيبة الدوله
,,,,,,
نضيّعْ فكرنا ف متاهات
ونتصارع على انتخابات
ونتحاسب على اللىّ فات
وتوفير الأمان أوْلى
,,,,,,
فين الخطوة اللىّ تكسبها
بدون عقلك مايحسبها
وتعجز حتىّ تنسبها
وتتفاوض على الطاوله
,,,,,,,
كفايا نولـّدْ الأحزاب
ونستورد بواكى عذاب
ونعمل للخراب اسباب
تحيل الحُكم لمداوله
,,,,,,,
حاقولها ورزقى على ربىّ
ومش ناكر ولا مخبىّ
ولا مخالف فى يوم قلبى
(أنا خايف من الجولة)
,,,,,,,
أنا خايف من الجولة
العرض الشجري