محمد الطاهر الفرقاني- 9 ماي 1928- 7 ديسمبر 2016

[تيمورالجزائري]

"دلواح الغرام"

أغنية لا غنى عنها في أعراس وأفراح الشرق الجزائري فتغنى عند شيوخ المالوف والعيساوة الفقيات وغيرهم..كلماتها بسيطة الزرنة تدوي فيها....تغنى الأغنية سواء تعلق الأمر بحفلة عطية أو ملاك(حفلة العرس لتي ييمها أهل العروسة) أوالعرس أو الدخلة(وهو الحفلة الي ييمها أهل العريس) أو حتى حفلات لختان...و هي تجر للرقص جرا..وقد رفعت من قبل في المنتدى بصوت إبن مدينة سكيكدة فاتح روانة وهاهي بصوت محمد الطاهر فرقاني ..الصورة له شابا بجانب كمانه
----------
ركبو العرس ليلة الجمة وستعودني نغني
ركبو العرس في دار الأحباب يا رب بارك وهني
الفرح في دار الأحباب يا رب بارك وهني
......
دلواح الغرام يا خويا بالوالدين
دلواح الغرام يا خويا بالوالدين..على جال الوالدين
هيا لدارنا يا من ضاقت روحه
العود والرباب و الخوذات يدوحو..على جال الغرام
وطلعت للسطح شارت لي بالفوطة
وحمراء وبيضاء والوبرة ممشوطة..على جال الغرام
وطلعت للعلي وريلي فرجاته
وحشمتك بالنبي ويني مولاتو....على جال الغرام
قولو لبابا يتهلى في ولادو
نغدى لصاحبي بالمغلو ومراده..على جال الغرام

إجليها يا الماشطة ثاني ثاني العين كحلة والحواجب قيقاني
عيطو لأبوها يرشق عليها سلطاني سلطاني.
دوح دوح..ماندوحشي..هيا للحمام ..ما نروحشي

إجليها يا الماشطة حايز الحرقوس إجليها يتغامزوا عليها بالروس
إجليها للعروس يعلمها و يبوس
إجليها يا الماشطة من عينيها زعبوليها خف العروسي
يعليها حمراء يضاء كل ما تلبس يواتيها يواتيها

وعروستنا تعرف تحني وحنة جديدة وما أحلى المقياس والحديدة
ويحبوها هي العزيزة عند أبوها
وعروستنا تعرف تقطع الواد حامل اللي ساقها صار ولد كامل
ويحبوها راهي العزيزة عند أبوها
وعروستنا تعرف تطبخ القناوية تجيبها طايبة ضيق عشية
ويحبوها راهي العزيزة عند أبوها
يامي يامي قولي لبابا يشري فليك العام الجاي نجيبلك وليد
ويحبوها راهي العزيزة عند أبوها
يامي يامي قولي لبابا يجيبلك حوية العام الجاي نجيبلك بنيتة
ويحبوها راهي العزيزة عند أبوها

يا ديني ما أحلى ليلة ظهوره بالعوادة وعريسنا لا تقطع له عاده
ونخاف عليه خمس وخموس عليه
ياديني ما أحلى عرسه بالدربوكة وعريسنا يجعل ليلته مبروكة
ونخاف عليه خمس وخميس عليه
يا ديني ما أحلى طهوره بالطهار وعريسنا لا يوريلو غيار
ونخاف عليه خمس وخميس عليه
يا ليلي ما أحلى طهورو وضرب البيانو وعريسنا باهي مع وخيانو
ونخاف عليه خمس وخميس عليه
ياديني ما أحلى ليلة عرسو بالبيانو وعريسنا زاهي مع وخيانو
ونخاف عليه خمس وخميس عليه
ياديني ما أحلى ليلة عرسو وضرب العويد و عريسنا يبكر بوليد
ونخاف عليه خمس وخميس عليه