حمدي البناني

[تيمورالجزائري]

"جاني ما جاني"


ربما أحب أغنية لحمدي بناني لنفسه..فهو كثيرا ما يرددها ..وهي "عنابية" أكثر من أنها"قسنطينية"أداأ.
الصورة جد نادرة و نرى فيها حمدي بناني مراهقا آخذا وضعية مدروسة أمام المصورحاملا العود..أحلام شاب قرر أن يكون إطراب الناس هدفه
---------------

جاني ما جاني عن طرف جناني
خوخ ورمان وسفرجل طايب
جيت نودعها باباها غايب
يا عرب الحومة ماجازتش عليكم
طفلة مغرومة..تمشي وتزارب
عشقي وغرامي زينة الحواجب
يابابا صالح وين هي الكلمة
كي قلنا البارح ..هيا نعاودوها
العين الكحلة روحو جيبوها
يا سيدي ساسي شرابك لحمر
دوخ لي راسي من السهرية
عشقي وغرامي طفلة خمرية
يابابا سالم عندي وليد
يجي لي عالم يقرى فى اللوحة
جاني البارح يده مجروحة
جاني ما جاني عن طرف جناني
خوخ ورمان جاني حمام طاير
يا سعد يا خويا بنات الجزاير
جاني ما جاني عن طرف جناني
خوخ ورمان جابلي الجواب
يا سعد يا خويا ساكنة عنابة
جاني ما جاني عن طرف جناني
خوخ ورمان جابلي ياسمينة
يا سعد يا خويا بنت قسنطينة
جاني ما جاني عن طرف جناني
خوخ ورمان وسفرجل طايب
عشقي وغرامي زينة الحواجب.

...........