الطقاطيق والمونولوجات القديمة مكتوبة وروابط لها

[Islam Eidrisha]

المشاركة الأصلية كتبت بواسطة بياتي النوى

الله ايش الحلاوه دي اشكرك من قلبي ولك تحياتي

أخي الفاضل بياتي النوى
الحلاوة هي وجودك بيننا والشكر لك للمتابعة
مع خالص تحياتي

[Islam Eidrisha]

244
إنت اللي خليت حياتي
الست فتحية أحمد

أنت اللي خليت حياتي
زادت في عيني حلاوة
وانت اللي حبك يوماتي
بيزيد في قلبي غلاوة
وما ليش غيرك انت

يا ما سهرت الليالي
أتمنى عش الهنا
يجمع ما بين حبيبين
وارسم صور في خيالي
واحلم بيوم المنى
واليوم عليا سنين
لحد ما انت وانا
جمعنا عش الهنا
وماليش حبيب غيرك انت

حبك وعطفك عليا
نساني أهلي وحبايبي
تسلم عيونك يا غالي
ده انا في دنيا هنية
صورها حبك وحبي
وانت اللي حققتها لي
وانت هوايا وحبيبي
إنت منايا ونصيبي
ماليش حبيب غيرك انت

وان غبت عن عيني حبة
توحشني فيها عينيك
واسرح بفكري في صورتك
وانا فات معادك بحبة
من كتر شوقي إليك
أفضل أفكر في سيرتك
ولما احس بخطوتك
واسمع على الباب دقتك
أجري ع الباب وأغني
وافتح وقلبي سابقني
ماليش حبيب غيرك انت


الروابط

[Islam Eidrisha]

245
حبيبي بالتليفون كلمني
عبد اللطيف أفندي البنا

بيضافون كومباني
عبد اللطيف افندي البنا
كروان مصر

حبيبي بالتليفون كلمني
وحكم رأيه إلا يقابلني

رن الجرس من عنده
فهمت انا إيه قصده
وانا بدي اصون وده
إياك بنظرة يشملني

عمل لي في التليفون عركة
والسنترال قطع السكة
بدي أنادي مش مالكة
خايفة عزولي يسمعني

عملت ميت ألف حيلة
عشان عريسي حلو وحيلة
ساعتها كات فرصة جميلة
طلبت انا النمرة وكلمني

معلوم
الله الله يا سي محمد افندي يا عمر
سلام يا محمد افندي يا حسني
الله الله يا يوسف افندي يا عزت

بقى يكلمني ييجي ساعة
وانا واقفة ماسكة السماعة
يأمر وعليا الطاعة
ما دام حبيبي يطلبني

يا فرحتي لما قابلته
ومال عليا وكلمته
يا حسرتي لما فارقته
بكيت بحرقة وودعني

هالله هالله يا روحي
يا سلام على حلاوتكم
الله يا ابو عمر


الروابط
عبد اللطيف البنا

[Islam Eidrisha]

246
يا جواهر يا عنب
الست بهية المصرية

يا جواهر يا عنب
يا لون الكهرمان
يا طير اليمام
يا جواهر يا عنب

يا حلو ومنعاد
في الصيف لك معاد
حسنك زاد وعاد
واكلك بالوداد
في ليلة طرب
صافيني أصافيك
يا جواهر يا عنب

يهدوك العشاق
فاكهة للمشتاق
منك قلبي داق
وانا اجيبك سياق
لو حبي احتجب
بالروح أشتريك
يا جواهر يا عنب

لك عنقود جميل
ده شفا للعليل
وانا لك أميل
يوم غصنك يميل
شكلك له عجب
فين انت أراضيك
يا جواهر يا عنب

في يد الحبيب
أهو إنت الطبيب
قصدي لن يخيب
عصيرك زبيب
يا عالي النسب
إسقيني ده انا راجيك
يا جواهر يا عنب


الروابط
بهية المصرية

[Islam Eidrisha]

247
أنا ما اقدرشي على دي الحال
الشيخ محمود صبح

أسطوانات أوديون
الأستاذ محمود صبح


أنا ما اقدرشي على دي الحال

كل يوم هجران ودلال

أنا ما أقدرشي

ليه العذاب ده يا حلو حرام

هي المحبة دي فيها خصام؟!

رق لحالي يا روحي قوام

أنا على هجرك ما اصبرشي

ما فيش يسعدني إلا رضاك

ده انت حياتي مالي سواك

وحقي ووجدي لم أنساك

راضيني يوم ولا تتقلشي

مين ينصفني إلا جمالك

انظر سقمي كفاية دلالك

أشكي لمين بالذمة حالك

ليه يا جميل ما بتعذرشي


الروابط

[Islam Eidrisha]

248
البلبل بيغني طاير ع الأغصان
أحمد أفندي فريد

أسطوانات بوليفون

أحمد افندي فريد

الله الله يا سي عبد الحميد

يا روحي يا سي سامي

البلبل بيغني طاير ع الأغصان

شوفته في الجنينة بيغرد ألحان

يا روحي يا سي أحمد افندي يا فريد

شغل بالأغاني لقيته جميل

وبصوته شجاني صبحني عليل

قلت له تعطف وارحم الولهان

يا عيني يا روحي

إمتى يحن قلبك وتجود بالدلال

إرحم قلب صبك وجود بالوصال
كمان يا سيدنا

لاجل افرح بقربك من بعد الهجران

قلبك ليه يا سيدي ما يرقش لعبدك

أنا مغرم صبابة يستحيل أسلاك

كمان يا سيد احمد

يا مقطقط يا خفة يا غصين البان

يا عيني يا روحي

أنا شوفتك عشقتك يا روح الفؤاد

يا اللي ورد خدك تاه عنده العباد

ما تفرفش يا حبيبي وانشد الألحان


الروابط

[Islam Eidrisha]

249
يا امه في التليفون
الست فاطمة قدري

إسطوانات بوليفون

الست فاطمة قدري

يا امه في التليفون الحلو بيشاغلني

أنا أحبه آه يا نينة وهجره مجنني

يا عيني يا فطامطم

ألو سنترال

ما ترد يا مهجة قلبي ليه يا توموزيل

إديني نمرة حبي ما بيردش ليه؟

هو انا إيه ذنبي؟!

على إيه كده تعذبني

يا عيني

ده طبعه الدلال والتيه والبغددة

وجفا وخصام شوف كل ده

أجيبه كده آه يجيني كده

بحبه ليه؟ يبعد عني؟

يا عيني يا فطامطم

بونجور فرير ما ترق لحافية شوية

اكسكيوز فيراميه يا حبيبي اسمع فيا

كي بوفونيه ليه تسأل عليا

ده انت بحبك خيبت ظني

أديك يا قلبي صابر لوعدك

يمكن حبيبك يجود بوصلك

منين يلاقي في الحب زيك

خل وحبيب وياه تتهني


الروابط