رد: قسم لاغانى الاطفال
اخى الأستاذ ابو الحارث
اولا تحياتى لك واهلا بك فى المنتدى
انا ممكن اقول لك الجوااب الصحيح اولا لأنى تعايشت مع العمالقة اللذين درستهم اولا , وثانيا عملت كمدرسا للموسيقى وموجها وموجها اول لمدة 30 سنة , يعنى من حسن الحظ ان تتوافر لدى كل المعطيات لأجيب على هذا السؤال الصعب جدا
اولا فى علم النفس مش اى شخص ينفع يتعامل مع الأطفال , يعنى بتحتاج كاريزما معينة , يعنىان لو درست احوال افن فى مصر منذ عاما 1950 مثلا تلاقى فيه مطربين متخصصين للأطفال فقط , دول تحس ان لهم تأثير على الأطفال وبيظهر فى انه بيغنى مع الاطفال مش على مسرح وهو تحت على الكراسى ولكن بيغنى وهم فى دائرة حواليه وبيداعبهم ويلاعبهم اثناء الغناء , ودى مش بتتوفر فى اى مطرب عموما عملية تخصص , يعنى مثلا انت ممكن تتفرج على التليفزيون وتشاهد برناج اطفال تلاقى المدذيعة وهى بتنتهج نهج التعامل ومخاطبة الاطفال دمها خفيف جدا وزى العسل ولها جاذبية كبيرة جدا تخلى حتى الكبير يتمتع بالحلقة ولا يغادر الى قناة اخرى , وبرنامج تانى تلاقى مذيعة مالهاش فى التعامل مع الاطفال يعنى بتفتعل خفة الدم والدلع , تلاقى دمها تقيل جدا ونسبة الجذب عندها صفر , دى بتنتج من التخلف فى التعامل الاعلامى يعنى بتكون المذيعة تقيلة الدم قريبة حد ولا من طرف حد وبيحطها يزرعها فى البرنامج ومش مهم تأثيرها ايه , ايضا فى علم النفس فيه درساة خطيرة جدا يعنى انت كراجل كبير ممكن تقف قدام محل للعب الاطفال تستهويك بعض اللاعب وقد تشتريها لإبنك وانت فى داخل نفسك بتشتريها لأنك انت نفسك تلعب بيها , يعنى انا تستهوينى جدا جدا لعبة القطارات التى تسير على قضبان بس لما تكون كبيرة اوى يعنى قضبان طويلة جدا وعدد من القطارات , واحب الطائرات والسيارات و ونرجع للموضوع , يعنى فيه مطرب زى محمد فوزى مثلا توافرت له الظروف يعنى كلمات لأغانى اطفال لقى نفسه فيها فى جزء من الوقت , يعنى مثلا قدم 300 اغنية منهم عشر اغانى للأطفال , عندك وردة تصادف وجود مسلسل اوراق الورد ( وعزفته معها ) فيه اغانى للأطفال بس لو تلاحظ ان محمد فوزى كان احلى , يعنى اغانى الاطفال لوردة مش مستوى محمد فوزى ماما زمانها جاية مثلا , واحيانا تكون اغنية الطفل صدفة ومش بتتكرر , بمعنى انا ممكن صدفة يجى لى كلام حلو اوى وربنا يفتح عليا بلحن حلومرة او مرتين , لكن بعد كده ممكن تطلع تجارب فاشلة , ولما نرجع لأم كلثوم وعبد الوهاب تلاقى اغانى الأطفال مش لونهم يعنى تحسها مش تركب عليهم وزى ماقلنا تخصصات , بس اغانى الاطفال مع الأسف اكثر حظا فى اوروبا , يعنى ممكن فنان 100 % يلاقى نفسه فى اغانى الاطفال , وعندنا المشكلة الخطيرة , انك تجد مطرب عشرة % مثلا ايام ام كلثوم وعبد الوهاب , وطبعا مش حايقدر يقتحم الوسط الفنى وهم موجودين , بيلجأ للعب فى ملعب تانى , زى مايكون عمالقة فى كرة القدم وانت تبعد عنهم وتلعب تنس طاولة , هى العملية معقدة , لكن محتاجة ناس عندها وقت تقعد تبحث فى التراث الفنى , يعنى فى البرامج الغنائية او الافلام او المسلسلات حتى الإذاعية والمسرحيات يعنى جميع مصادر الفن , ممكن تلاقى اغانى اطفال كتير جدا مغمورة ماحدش يمكن سمع عنها , وهنا بعد عملية الجمع تأتى عملية الاختيار يعنى ممكن تجد 100 اغنية نختار احلى مافيهم ممكن يكون عندنا مكتبة حلوة , فيه كمان اللى عايز يشتغل يعنى الاغانى الاجنبية للأطفال ممكن نعربها على نفس اللحن والموضوع الحوار فيه لا ينتهى وانا موجود لو اى استفسار مع اطيب تحياتى
|
العرض الشجري