من أروع ما كتب المرحوم لحبيب حشلاف، و من أحسن ما لحن الأستاذ كمال حمادي، السيدة نـــوره في أغنية تنصح من خلالها أم بالعناية والإهتمام أكثر بإبنتها الجميلة وتربيتها التربية الحسنة لأن الجمال زائل والأخلاق هي الباقية.
بنتك هلال عيد
يا لميما بنتك أنها هلال عيــــد++++وين راكي بها ذاليوم رايحـــــا
معطرة متحوفة ولباسها جديـد++++من يراها تتلفلو كل صالحـــــا
*******
بنتك يا يما ما مثلها عزيــــز++++كل مال الدنيا عن جالها يهــون
بنتك يا يما كنز من اللويــــز++++كل ما تطلبي في الساعة يكـون
تطوع اللي اقسا وتفك من الحديد++++وين ما تقصدي بها ناجحـــا
*******
يا لميما بنتك أنها هلال عيــــد++++وين راكي بهاذ ليوم رايحـــــا
معطرة متحوفة ولباسها جديـد++++من يراها تتلفلو كل صالحـــــا
*******
بنتك يا يما كنز من الكنوز++++اعطاك ربي صحا يا أم البنــــــات
تصرفي كي تبغي يا امويمتي لعجوز++++فاز من حباتو أيامو ازهات
بنتك اتقرب لقريب و البعيــــــــد++++بنتك عالمدة معلوم رابحـــــا
*******
يا لميما بنتك أنها هلال عيــــد++++وين راكي بهاذ ليوم رايحـــــا
معطرة متحوفة ولباسها جديـد++++من يراها تتلفلو كل صالحـــــا
*******
يا لميما حنا كفي من لعنـــــاد++++ما تدوم الوردة تعيا و تنذبـــــــل
حاذري يايما واش تنبي الواد++++واش قيمة الزين اللي بلا عقـــــل
علميها تقرا جمالها يـــــزيد++++ومعا اللي يسترها ديري الفاتحـــــة
*******
يا لميما بنتك أنها هلال عيــــد++++وين راكي بهاذ ليوم رايحـــــا
معطرة متحوفة ولباسها جديـد++++من يراها تتلفلو كل صالحـــــا
*******
رد: نورة الجزائرية
العرض المتطور
