فـــزورة في صـــورة

**خليـل زيـدان** · #1 06/08/2011, 00h50

حبيبنا الجمـيل عمي د. حسن
مسـاء الفـل
أنا فاكر حضرتك حضرت حفل التخرج لتشاركنا الفرحة

بس احنا والجماعة دول كنا أول طلبة في دفعة 1929
في جامعة فؤاد الأول ، جامعة القاهرة الآن

وحضرتك صـورت لهن الصورة وقتها .. وقد نشرت بعد ذلك
في مجلة الاتنين والدنيا ، الكواكب الآن
بتاريخ 13 مارس 1945

**د.حسن** · #2 06/08/2011, 01h14

كل الشكر لتصحيح المعلومة خِلى الغالى
فإن الشابات الخمس التحقن بالجامعة عام 1929
وحصلن على الليسانس عام 1933
ثم حصلت (إللى عليها العين) على الماجستير عام 1937
ثم الدكتوراة عام 1941

مع تحياتى
وسماح على 1945 !!

**خليـل زيـدان** · #3 06/08/2011, 01h34

العـفو يا عمي الحبيب
واحنا لم نحل الفزورة حتى الأن
وحسن افندي كشك بيقول مش ح تعرفـوهن
نجـــاوب يا عمي الحبيب
أم نترك لأحبابنا الفرصة

**حسن كشك** · #4 06/08/2011, 10h48

اقتباس:

المشاركة الأصلية كتبت بواسطة د.حسن

كل الشكر لتصحيح المعلومة خِلى الغالى
فإن الشابات الخمس التحقن بالجامعة عام 1929
وحصلن على الليسانس عام 1933
ثم حصلت (إللى عليها العين) على الماجستير عام 1937
ثم الدكتوراة عام 1941

مع تحياتى
وسماح على 1945 !!

رمضان كريم توأمى الغالى
وكل عام وانت طيب وبخير

انا طبعاً مش ها اعرف اعمل معاكم اى حاجه
لا حضرتك .. ولا اخى خليل (اجفا .. كوداك )
اظن ان الفزوره كده بقت احسن انها ما تكونش قاصره على الفنانين بس
وتكون معلومتها اهم واعم .... ولا ايه ؟؟؟

وطبعاً معلوماتكم اللى سهلتوا بيها الحل ...صحيحه ...جدا

بس برضوا ... لازم انتقم .... ؟؟؟؟

**حسن كشك** · #5 06/08/2011, 10h50

حل صحيح تماماً
حنين هانم

وتشارك رائع كان لابد منه
لرفيقة الخيال
دولت هانم

رمضان كريم

**خليـل زيـدان** · #6 07/08/2011, 01h29

اقتباس:

المشاركة الأصلية كتبت بواسطة حسن كشك

رمضان كريم توأمى الغالى
وكل عام وانت طيب وبخير

انا طبعاً مش ها اعرف اعمل معاكم اى حاجه
لا حضرتك .. ولا اخى خليل (اجفا .. كوداك )
اظن ان الفزوره كده بقت احسن انها ما تكونش قاصره على الفنانين بس
وتكون معلومتها اهم واعم .... ولا ايه ؟؟؟

وطبعاً معلوماتكم اللى سهلتوا بيها الحل ...صحيحه ...جدا

بس برضوا ... لازم انتقم .... ؟؟؟؟

ماشي يا حسن افندي باشا
بس ياريت نكون في نطاق الفن
حتى لا يلومنا لائم
تحــياتي

**kabh01** · #7 07/08/2011, 02h21

أحد ملوك ورواد الطرب

لأدمغة الأرهاط المخضرمين في هذا المجال

**خليـل زيـدان** · #8 07/08/2011, 02h57

خليك رحيم بنا شوية يا ابو كرم

**سمير الشال** · #9 07/08/2011, 02h58

,

الله يسامحك

!
.

يعني بصراحة يادكتور هلال
أنا عمال أبحلق في الصورة بغيظ
وعمال أقنع نفسي بأن اللي أدامي ده
كان في يوم من الأيام مطرب وله معجبين
والبوستر الجميل الشيك بتاعه ده
كان بيتمسح من السوق
أول مابينزل

!!
.

وبعدين شوية وتدخل ومضات
تقولك أن بحثت وعرفت أجيب المعلومة

يانهار أوف وايت

!

بحثت فين ومضات
مش عارف

طيب كتبت إيه في محرك البحث
برضو مش عارف

,,,

بجد التوبيك ده هيهرشنا
ويجيب لنا تيكي لام

!

.

**kabh01** · #10 07/08/2011, 03h13

الله رؤوف بعباده. وأنا العبد الفقير لله تعالى سأكون منصفا ان شاء الله.

هو من أهم ملحني عصرالنهضة من مجالس الغناء الى عصر الأسطوانة وقد لحن موشحات وأدوار وابتهالات دينية. على سبيل المثال: غنى له الشيخ سيد الصفتي موشح مهم جدا ، وأنشد من ألحانه الشيخ إسماعيل سكر التواشيح الدينية والإبتهالات. رحمهم الله أجمعين.