لامش انا اللى ابكى ....بصوتى

**elgien** · #7 07/07/2011, 15h55

اقتباس:

المشاركة الأصلية كتبت بواسطة الألآتى

بصراحة .. أنا ماعرفش أرد على واحد ماعرفش إسمه

إسمك إيه بقى ؟

طيب .. علشان خاطرك حارد المرة دى

صوتك خامة طيبة .. يعنى تنفع تبقى مشروع مؤدى كويس

لكن الأداء .. فيه كلام

إنت ماشى على شريط قطار .. فين التلوين فى الأداء

لما بتعيد أى مقطع .. بتعيده زى ماهو .. بدون أى تغيير

الإعادة هدفها التلوين فى الأداء .. وإظهار إمكانيات المطرب فى الزخرفة والحليات

وبعدين إسمع المقطع إللى بتقول فيه ( موش دى راحة قلبى ولا ده أمل حبى إللى إتفقنا عليه )

إسمع ( إللى إتفقنا عليه ) وبالذات كلمة ( عليه )

فيه نشاز هنا .. إسمعها تانى من عبد الوهاب

لو عايز تغنى قديم .. إسمع قديم

فى إنتظار جديدك .. وأتمنى لك التقدم والتوفيق

استاذى ابو حسام ايوا كدا يا فنان هو دا اللى انا عايزه انى اعرف فين غلطاتى يا استاذنا مشكور جزيلا على التوضيحات
وانا اسمى محمد حسن

لكن على فكره يا استاذنا انا غنيت هذه الاغنيه بعد لما سمعتها مره واحده فقط من عبد الوهاب لكل كوبليه

وانا اتعمدت انى ما اغنيهاش مثل عبد الوهاب لانى كنت متقيد بالموسيقى اللى كنت بغنى عليها يا أ ستاذى

ارجو انك ماتفهمش الكلام دا على انه رد او نقض لكلام حضرتك ولكن من باب المناقشه فقط فالتعلم يعتمد على المناقشه يا استاذى

بالنسبه لموضوع الحليات او التعريب فى الاغنيه فكان صعب شويه عليا علشان التمبو او الرتم هنا سريع بعكس لما غناها عبد الوهاب كانت ابطئ من كدا

وبالنسبه لموضوع الكوبليه بتاع " اللى اتفقنا عليه " انا متعمد اقولها بالعربه دى مع نفس العربه اللى عزفتها الكمان فى الموسيقى

كنوع من انواع التغير عن الاغنيه الاصليه

ارجو منك التوضيح لو انا مخطئ فى شئ ما يا استاذى وفى الاول والاخر طبعا شرف ليا ان حضرتك سمعت الاغنيه وعلقت عليها كمان