علمتنى عينيك

[ليلى ابو مدين]

المشاركة الأصلية كتبت بواسطة على عبداللاه

علمتنى عنيك

كلام العشق وسكاته

رجعتلى الروح

وقلبي سمعت دقاته

الحقيقه

إنت جوه القلب باقي

واشتياقى

اللي متدارى فـ فراقي

بان في لحظه

عشتها وقت التلاقي

يا عيوني

كنت بفتكرك ناسينى

كنت بكره كل أيامى وسنينى

واما جت

عينك في عيني

بددت حيرتى وظنونى

علمتنى عنيك

أشوفك

جوا همسات الحروف

علمتني حاجات تقول ..

عنى وعنك

وقت ما بتقسى الظروف

لسه حاسك بتنادينى

صوت يفسر

اللي كان بينك وبيني

نفسى أقربلك

وأضمك

وبعيونك تحتوينى

مش راح اوصفلك غرامي

ولا اهديلك سلامي

نبض قلبى لما يوصل

يبقى أبلغ من كلامي

بيه هتتفسر شجونى



...

على عبداللاه

رجل لا يمتلك أى شئ

المنصوره فى 5 / 3 / 2011

الشاعر الرومانسي الرقيق
الأستاذ على عبد اللاه
يا الله.....ومازال سحر العيون في بريقها
ومازالت لغة العيون هي لغة العشق
ومازال شاعرنا بإسلوب سلس وبكلمات عميقة وجميلة وإنسيابية كما النهر الخالد
يحدثنا عن العيون وسحرها الأخاذ.....
قصيدة غنائية جميلة معبرة بعمق الاحساس عن العيون ولغتها وعن مكنون قلب المحب المشتاق
شاعرنا الهمام ....قصائدك الغنائية تنبض بالرقة والعذوبة وروعة الإحساس نهيم معها ونطرب لوقع جمال الكلمات
شاعرنا الرومانسي
أنحني لكلماتك الراقية ,وإحساسك الفياض
دمت بخير وسعادة
ليلى ابو مدين