اقتباس:
المشاركة الأصلية كتبت بواسطة على عبداللاه
ماتسبقنيش
وتحكى كلام هَيوجعنى
وسيبنى أعيش
وأنا حاسك بتسمعنى
ما تخلقليش فى أعذارك
حاجات من وحى أفكارك
وتحرمني أكون جارك
وأشوفك وإنت بتبيعنى
،،
خريف الشوق
بدا ظاهر
وإيه لما تعيدهولى !
وشكلي وصلت
في الأخر
وبتودعني في وصولي
بلاش تحكيلى
وتحاور
وعندك إيه تقولهولى !؟
ولو هتقولى
انا مسافر
برود شوقك وصفهولى
وسابني أضيع وضيعني
ماتسبقنيش
وتحكى كلام هيوجعنى
وسيبنى أعيش
وأنا حاسك بتسمعنى
،،
أنا عارف
بإنك ماشى مش راجع
لبستانى
ومش خايف
وهقبل أعيش حزين ضايع
ووحداني .
أنا شايف
لُقاك صفحه بتتراجع
فى وجدانى
وأضم بشُوقى
عنوانها ولو بايع
لعنواني
فمد إديك بقا شاور وودعني
ما تخلقليش في أعذارك
وتحرمني أكون جارك
وأشوفك وإنت بتبيعنى
...
على عبداللاه
رجل لا يمتلك أى شئ
المنصوره فى 25 / 5 / 2011 |
بسم الله الرحمن الرحيم
الشاعر الرومانسي الرقيق
أ .على عبد اللاه
الله الله الله
ما أبدع هذه الغنائية وما أروعها
شاعرنا الكبير....كلماتك مُعبره فيها سلاسه وبساطه
تنفذ الى الوجدان وتعبر عن حالة هجرالحبيب
والعتاب بين الأحباب, ولكنه عتاب رقيق يُنبئ عن مكنون المشاعر
الدفينه في قلب المحب العاشق
سلمت يداك على ما نظمته
وفقك الله
مع خالص تحياتي واحتراماتي
ليلى ابو مدين
رد: خـريف الشوق
العرض الشجري