أغرب م السفر(لصبره ابو حسن)

**Hisham Khala** · #2 02/06/2011, 09h42

اقتباس:

المشاركة الأصلية كتبت بواسطة صبره ابو حسن

أغرب م السفر

لسه فاكر...

لسه فاكر لما كنا

صغيرين

لما جوه منا كانت

بذره للحب الكبير

لسه فاكر

فاكر النخله الكبيره

اللى كانت ضلنا

لما بنلعب

واللى كانت حضن لينا

لما نتعب

واللى كانت رزقنا

لما نجوع

لما كان الفرح

زى الحزن بيجيب

الدموع

لما كان الصدى

بيعيد غنانا ويحفظه

ويدرسه للعاشقين

لسه فاكر

ياترى انتى فاكره

زى مانا لسه فاكر

ولا وخداكى السنين

زى ما وخدنى الحنين

قلبى وقلبك

لما كنا صغيرين

حرفين يادوب

على جزع نخله

مرسومين

لسه فاكر لما خدتى

الحلم ونويتى الرحيل

السفر شئ مش غريب

ما القمر سعات بيجى

وسعات يغيب

بس كونها انها

تاخد معها ضله

النخله و حلاوه تمرها

او انى طول الشهر

ما يبنشى القمر

هوه الغريب فى امرها

غريب واغرب من السفر

الله عليك
تمييز في الأسلوب و التعبير
صورك جميلة جدا
و القصة متسلسة و كأني آراها بعيني
أنا لحنت من سنوات طويلة فكرة مشابهة في كونها قصة حب مصورة تنتهي بالتساؤل ، الأغنية اسمها "يا تري" ستجدها علي هذا الرابط:

http://www.sama3y.net/forum/showthread.php?t=66980

عزف أوركسترا الكونسرفاتور و غناء نصر أبو عطايا و كلمات د. محمد طارق حسني