صالح باي
من أجمل من أدى هذه القصيدة الشهيرة التي تروي مقتل أحد أشهر بايات قسنطينة صالح باي وخديعة الأحباب .صوت أحمد عوابدية كروان قسنطينة كما يلقب يكاد يكون منفردا على عوده..أكثر من رائعة
-------------
كممت سري جحـــده لا نرقد نومي متهني
غزالي كنت معاهــده لا خنتو ولا خانو سعدي
فراقك مني طايقـــــة يا لالة واش يصبرني
خدك قمرة ضاوية في ليل أربعطاش ليلة
قدك سروال عالية إذا هب الريح تميل
غزالي ذو مقلة باهية ومن فقده ما يوجد حيلة
يا يمنة قوليلــــــــــي هذا خبرك ولا جاحده
على لباس الحولــــي أم القطاطي طاحو سودا
منك حار دليلــــــــي يا يامنة والوقت تعدا
ضنوني نبراك حتى قلبي زاد عليا
نتوسل باباك وتجيني في ضيق عشية
وراني نترجاك يالالا يا عائشة باية
يا صبري ما أقواني صابر على كثرة المواجع
هم الدنيا فاني المال والوخية راه مودع
اللي بيك واللي بي صابر عن كثرة المواجع
أنتي تتغالي قلبي مولع بيك
يا سنجاق البيات عن كل عمالة
أنتي يا ريدي يا رقبة البلار
سبايب تنكيدي ناسك يا خندود منعوك من يدي
كيفاش أنخليك تهموك بيا
راني مولع بيك
يا فرخ الطاوس نشريلك جبـــة
مع زوج مقايس خلخال بورطلين للكعبة غايس
وخزام بو وجهين نقش قسنطيني
راني مولع بيك
قالو لعرب قالو لا نعطو صالح ولا مالو
يالو نقتلــــــــو ويطيحو لرقاب على لرقاب
روحوا لدارو يا سيارا
بالله يا الماشي تربــــــــــــــح هذا الطبول علاش يصيح
عن جال المخنتر سيد القومان يا ليعتي خيالو ما عاد يبان
روحي يا الدنيا ما فيك أمان
قالو لعرب هيهـات سيدي صالح باي البيات
هاذي من الله جات ما يرحم من كان حزارا
روحو لدارو يا سيارا
باب الحاج أرفع راســــــــــك
سيدي الحاج أرفع راســــــــــك
وتشوف ما جرى في ناسك
عن جال المخنتر سيد القومان
حيرتلي دليلي وحالي شيان
يا الدنيا ما فيك أمان
قال العربــي قـــــــــــــــــال سيدي صالح باي لاش هو يقتال
نفديوه بالمــــــــــــــــــــــال وقليبو ما جاب شيئ أخبارا
روحوا لدارو يا سيارا
كي خرجوه ضيق عشيــــــــة والخلق دايرة مسبية
براح ينادي على الربع أركان حيرتلي دليلي وحالي شيان
روحي يا الدنيا ما فيك أمان
آه يا سرجييـن الدمع يسكب والقلب حزين
بيبان مغلوقين وقليبو ما جاب شيئ أخبارا
روحوا لدارو يا سيارا
كي ركبوه علـــــى الزرزورة وليس قمجتو المحصورة
براح ينادي على الربع أركان حيرتلي دليلي و حالي شيان
يا الدنيا ما فيك أمان
دنقت لتزاير ما عرف قليبي واش اللي صاير
البيات تتغايـرو الباي براهم جاي حزارا
روحوا لدارو يا سيارا
أم الحنينة ماذا عملـــــــــــــت بين القبور ماذا ناحت وبكات
بدموعها تشالي نعت الموجات حيرت لي دليلي والحال يشيان
يا الدنيا ما فيك أمان
أخرجت متهني وعطاوني لمان وخدعوني
هياولي كفنـــي وقليبو ما جاب أخبارا
روحوا لدارو يا سيارا
أمه هاملة وهميلة وأخته سابغة بالنيلة
على جال المخنتر سيد القومان حيرت لي دليلي وحالي شيان
يا الدنيا ما فيك أمان
كي حصروا لمدينة وتغلقوا البيبان
وهرب صالح على مجرح ودماغو عريان
كي حكمو الشاوش دارلو زوج حديدان
قالو توضى يا صالح واخرج للميدان
لو عرفتو هكذا يجرى لي ما نسكن البلدان
نبني خيمة على ولادي ونعاشر العربان
يا حمودة يا وليدي أتهل في الدار
ما تلوموشي عليا يا كبادي عادة باب نار
خلوني نشوف أولادي منيش هربان
مخنوق بمحرمة شعالة ودموعو ويدان
قالوا صالح راح
وريولي قبرو نرتاح
ويهبوا لريــــاح وانقبل الخد ليمن آش من باي يعوض صالح في قسنطينة
حزنوا عليه يا ولادو يا عرب المدينة
يفرج ربي لا ندري وقتاش
يفرج ربي..
رد: الفنان أحمد عوابدية
العرض الشجري