خــواطــر كلثــوميــة .. على هامش أغنيات كوكب الشرق !

[M O H A M E D]

بتقوللي أنساك !

بتقول لي انســـاك ؟.. قـــول غير ده كلام
هو اللـي هــــــواك .. إزاي ينســــــــــاك
طب ليه ينســـاك ؟ .. و ازاي و بكــــام ؟
**

أصــــل اللي يحب ، و يلقى الدنيـــا بقت جنة
هايسيبها إزاي ؟
و اللي يجرب طعم الفرحـة .. و يهوى حياته
يهجرها إزاي ؟

و اللي يعيش حلمه ،و يلقى الطيبة و يقلى حنان
لو فرّط في دا كلـــــه هايبقى هــــــوّ الندمــــان
و اللي ما بيصـــون الحب مفيش لقربــــه أمـان
و لا عمره هيرتاح ، و لا يبقى زينـــا إنسان !!
**

طب قوللي انا لو فكرت انسـى ، و أروح لبعيد
و اســرح بخيـــالي و اتصور في حياتي جديد
مش شايف غير طيفـــك يسبقنــي فـ كـل خيال
يعني انت حبيبي اللي بحبـــه فـ كــل الأحــوال
**

تتغير أســـــامينا ماشي ، نتوه في العنـــــاوين
إنما يتغيّر قلـــــب ازاي عـــــاش أحلـى سنين
في الجنــة اللي رسمها له قلبـك بغرام و حنين
مع بعــض نكمّل حكــــايتنا .. احنــــــا الاتنين

**