ياست الحُـسن

[عفاف سليمان]

المشاركة الأصلية كتبت بواسطة على عبداللاه

ياست الحُـسن

يا حُـسنه

يا أحلى طيف بيحرسنا

يا سهرايه

وغنوايه

يا نور فى الليل مونسنا

أنا وليدك

ويوم عيدك

طالب بس أبوس إيدك

وطالب

حضنك الدافى

أنا جايلك

شايل ابنى على كتافى

وقدامه هبوس رجلك

وهحكيله

أقوله عارفها مين ديه ؟

دى يا على اللى ربيتنى

هقوله أمى

فى أرض محبه زرعتنى

وراعتنى

هقوله أفديها بعنيا

سامع صوتها ؟

وضحكتها ؟

دى بتبوسك

حنيتها حسيتها ؟

دى يا ما هاديتنى حنيه

أنا يا أمى

مش ناسى

ولا عمرى هكون قاسى

دا أنا عاشقك

ونفسى أقوله إحساسى

ياست الحُـسن

يا حُـسنه

مداسك يامه على راسى

وأتباهى بإنى شايله فوق راسى

إرتجال

يارب يلقى قبول

على عبداللاه

رجل لا يمتلك أى شئ

المنصوره فى 19 / 3 / 2011

كلماتك ابكتى
والله اخى
***أ. على***
لانها خارجه من قلبك
فوصلت الى قلوبنا
او
يمكن لانى اشتاق اليها
والى كلماتها
وحضنها وحنانها
ودفء مشاعرها
ودعائها
بس لما تروح لامك
وتبوس ايدها وتضمك
اطلب منها تدعى لى
ويغفر الله لامى ولامك
ويخلى لك ست الحُسن
ويبارك لك فى ولادك
ويسعدك بيهم
وكل عيد ام
وانت وجميع امهاتنا
بخير
وصحه وسعاده
ورحم الله امى
وامهات المسلمين
اللهم آمين
اختك عفاف