قطرات من مداد قلم الشاعر السمعجي كمال عبد الرحمن

[غازي الضبع]

رداً على غازي الضبع
....

آهو إنت اللي في منتهى الروعة يا ياسينوس الأول

يا بختك يا عم ،، نزلت التحرير و حضرت " زماناً و مكاناً " أهم و أعظم ملحمة في تاريخ مصر منذ مينا مُوحّد القُطرين

مكالمتك ليا من التحرير ، وضعتني في قلب الحَدَث
" .. كان تقرير وافي " و لا أجدع مُراسل في الجزيرة
المكان الصح في الزمان الصح

يا سلام عليك يا بو فارس بعد خمسين سنة " سنة 2061 " ، و انت بتشرح لأحفادك درس " ثورة يناير 2011" في كتاب التاريخ
و بتقول لهم :
ـ أنا حضرت الشَّوْرَة دي يا ولاد ،، و شاعة ما تنحّى حُشني مبارك ، كنت في ميدان التحرير مع الشوّار

- أيوة يا جدو ، إحنا درسنا فترة حكم حسني مبارك ، و بالأمارة إسمها فترة الانحطاط الثاني .. على فِكرة يا جدو ،، المدرسة بكرة عاملة رحلة للمريخ ،، تيجي معانا ؟!

- آجي معاكو فين ،، هو انا فيّا شِحَّة للمريخ ؟! .. ما تجيب لي يا وَلاَ طبق رُجّْ بلبن مِ التلاجة

يدّينا و يديك طولة العُمر يا عمّنا