اقتباس:
المشاركة الأصلية كتبت بواسطة محمد بوشيبه
القصيدة
يدوى دوَىْ البحر طول ليله
وكاثر دقيله
الخاطر على بنت سلوى وجميله
..........
يدوى دوى البحر كيف صاعد
وبروق اتراعد
الخاطر ورى زول عنه تباعد
طلبته لى ماحد غيره يساعد
يقرب رحيله
مرادى الى ماريت والى مثيله
.......
يدوى دوى البحر فى هياجه
تطافر امواجه
ورى ولفتى مانطيق مقظاة حاجه
قولو لزول مناى راو طال المراجى
ومالى وسيله
بها نوصلة بوعين سوده وكحيلة
........
يدوى دوى البحر فى خريفه
وكاثر رجيفه
الخاطر ورى زول ماريت كيفه
شكيع خدها لاتاوقت م السقيفه
يبرق شعيله
ساسى سبق غيم مزنه ثقيله
.....
يدوى دوى البحر فى الليالى
ونارى تشالى
بعد ولفتى ياناس مانروم والى
قولوا لزول مناى راهو تم حالى
حالى الذليله
لى فاقده من الناس عزوة العيله
..........
|
تسجيل اخر من حفل شعبـــــــــــى
رد: اغاني شعبية متفرقة
العرض الشجري