عشت ألف عام

[shams]

المشاركة الأصلية كتبت بواسطة aabadry

يا اخي العزيز
الله يرضي عليك
شوية تفاءل و شوية كلام حلو
كفاية حزن , مش هاينفع و الله , انت الخسران
عش ايامك عش لياليك خلي شبابك يفرح بيك
و اوعي تصدق انك كبرت
يوم ما تصدق انك كبرت يبقي خلاص رحت في الباي باي

إذا كنت انا اخوك العزيز فأنت اخويا الحبيب
والله انا كنت عارف إن إنت حترد وتكتبلي الكلام ده لكن انت ليه باصص لها انها نكد ؟؟ليه ما تكونش واقعيه شويه زياده وبس وصدقني انا ربنا كارمني في حياتي آخر كرم يعني تقريبآ عمري ما اشتهيت حاجه وماقدرتش اعملها(فيما عدا الحرام والحمدلله)وسعيد جدآ في حياتي ودايمآ حاسس ان عمري عشرين لكن مع كل ده ربنا اداني حساسيه مفرطه تجاه اي مأساه لأي حد يعني صدق او لاتصدق انا كنت بابكي زي الأطفال وانا باتفرج على ابراج نيويورك وهي بتقع والناس بتستغيث من النوافذ ببساطه لأنهم بشر وقس على ذلك مآسينا نحن المسلمين والعرب..حقيقي باحس ان روحي بتتسرق مني لما اسمع او اشوف حاجه وحشه حصلت لحد او اشوف محتاج بيموت وكرامته تمنعه من السؤال.
في النهايه يا حبيب قلبي هي مش هواية نكد بقدر ما هي تفاعل مفرط الحساسيه مع ما يدور حولي.
على فكره انا نفسي اشوفك واقعد معاك ويارب ينكتبلي اقابلك لأني حاسس ان ممكن نتكلم في حاجات كتير قوي.