تونس العظيمة

[Hisham Khala]

المشاركة الأصلية كتبت بواسطة سيادة الرئيس

الله الله يا ( دكتورنا ) و سلام عليك يا ( دكتورنا )

و لو كنت خدت وقتك كانت قريحتك عملت أكتر بس أنا عرف إن غمرة سعادتك بإنتصار أحبابنا عجلت خروج العمل ده

و فكرتني بعمل ( مهيب ) لعمر خيرت قمت بتحليل بسيط له ( هنا ) و كان بتاريخ 6/10/2008 أرجو منك مراجعته و إبداء رأيك فيه

و مرة أخرى تسلم يا ( حكيم الموسيقى ) و مبروك لينا و علينا

ريسنا الكبير و زعيم الموسيقين: الأستاذ صلاح علام

خالص تقديري و عرفاني علي مرورك العطر و كلماتك الرقيقة.

أرجوك لا تقارن حسب الله السادس عشر (اللي هو أنا) بأستاذ الأوركسترا عمر خيرت (اللي عمه أبوبكر خيرت اللي له قاعة بأسمه في الكونسير فاتوار).
أنا أستعمت لبانورما 6 أكتوبر و هو عمل أوركسترالي رائع ، و وجدت الموضوع مغلق (يعني ما عرفتش أكتب كلمة علي هذه الصفحة) ، و طبعا عمر خيرت عرف يوظف الأوركسترا كويس و كتب لكل آلة ما يناسبها من تكنيكات العزف و أفكاره جميلة و عامل Back ground ممتاز و لكن (أنا عارف إني ها أنضرب) بس مدة اللحن أكثر من 15 دقيقة و فيهم 2 تيمة واحدة عند الدقيقة 5:35 و الثانية في نهاية العمل (المارش) ، طيب و باقي 15 دقيقة عبارة عن Sequences & Imitations و حتي ال Sequences كلها Tonal و نادرا Real or Modified يبقي معظم الوقت المستمع بيسمع كروشات ستاكاتو و تمباني و سنار درم و تآلفات ، و لما كان بيعمل تصوير لعبارة أو مجموعة موازير بيعمل التصوير علي نفس المقام (الماجير) مع تغيير درجة الركوز و من الممكن يعمله نوآثر أو آثر كرد أو حجاز كار .... و ده متعلمينه من د. جمال عبد الرحيم ، و عبد الوهاب قال المستمع ملول و لازم تسمعه اللي أنت عاوزه بس في أشكال مختلفة (عبد الوهاب بيعمل كده في انت عمري مثلا) و الكلام ده واخده من تشايكوفسكي و غيره ، مثلا مارش العبيد ، الجملة الحجاز أعادها تشيكوفسكي مرات عديدة ، و كل مرة بشكل مختلف ، و موتزارت بيولد من الجملة جمل كثيرة كل واحدة لها طعم.
و مع ذلك عمر خيرت أستاذ في التأليف و التوزيع الموسيقي و كل اعماله رائعة.

أما عن هذا العمل ، فأنا أكرر أنا حسب الله 16 في فيلم شارع الحب ، و هذا العمل مدته قصيرة و الأمكانيات المتاحة محدودة.
لك خالص تحياتي و تقديري.