الورد .. وأعمال أخرى

[ممدوح محفوظ]

ماشى لطريق الشَرق و بَدورْ على نَفْسى

طول الطريق هَدِّنى و إنقطع نَفَسِى

فِ إيدى قنديلى و مِستنى شُروق الشَمس

يمكن الاقى فِ يومى إلى ضَيَّعُه أمْسِى ...ء

[ممدوح محفوظ]

وطنى ولا وطنَّا ولا ناس تانيين

الوفد إخوان ولا عَ العَداء ناويين

مين الحرامى و مين عَسْكر و مين إلى

شَدّو اللِحاف و فِضْلو عَ الوِدان نايميين ...ء

[ممدوح محفوظ]

مين إشتَراها و مين إلى يبيع بَلَدى


الأصل غلّابْ مِن وَالْدى الى ولَدِى


أجيَال توَرِثْ بَعضَها عَلامه إستِفهام

تِقلت على كِتافى و إتكتف بِها جَسَدى ...؟

[ليلى ابو مدين]

المشاركة الأصلية كتبت بواسطة ممدوح محفوظ

مين إشتَراها و مين إلى يبيع بَلَدى

الأصل غلّابْ مِن وَالْدى الى ولَدِى

أجيَال توَرِثْ بَعضَها عَلامه إستِفهام

تِقلت على كِتافى و إتكتف بِها جَسَدى ...؟

الباشمهندس ممدوح محفوظ
أسعدك الله بكل خير
والله عندك حق يا أستاذنا مين اللي أشتراها ومين اللي باعها
ده الحمل بقى تقيل قوي على ناسها واللي عايشين فيها
ومش عارفين رايحين على فين
ربنا يستر
خالص تحياتي واحتراماتي
ليلى ابو مدين

[ممدوح محفوظ]

راجع لأحبابى ماسِك شمعه مطفيَّه

لا نار بتلسع و لا لنورها أثر فيَّه

إيه فايده الحُب للى الفكر عنده سجين

و الروح طليقه أما النفس منفيَّه ...ء

[ممدوح محفوظ]

قالولى روح إنتخب و لا انتَ---خِبْت خلاص

دَ الشاطر الى نجح قال ع البليد بلاص

يا حَضره النايب و مقامك بميت نايبه

لا الصدق عاد ينفع فها و لا الاخلاص ....ء

[ممدوح محفوظ]

يا نيل ولادك أٌمَمْ .. أجْيال و بتعَدِّي


سدَّك جبل راسى و انا انهدم سدِّى


فكرى وليد نسْمِتك .. تاخدنى و تودِّى

و دوايا فى ميتك هدِّى الجراح .. هدِّى ...ء

[ممدوح محفوظ]

اطربنى يا بلبل بانغامك وسمَعْنى

دِ دماغى تعبت مِ الضوضاء بتوجعْنى

اصوات وخبط ورزع و اغانى بلا مَعنى

هو الهدوء دَ حرام ... ولا ايه يعْنى ...ء

[ممدوح محفوظ]

غدر الديابه ظهَر , هوَّ الاسدْ راح فين

كان لما يزأر يخوف منّهُم الفين

يا شمس نورك خفت بسحابه و تعدى

الكف ما يسقَّف و صُوت الإنتصار كفِّين ...ء

[ممدوح محفوظ]

الى يفرَّق سَاد و الى إنعزَل ما سَاد

احقاد و نار بتغلى فى قلوب حسَّاد

دمى ميتك يا نيل و لحم كتافى من ارضك

احمد و جرجس حبايب و العدو موساد ...ء