فزورة عن الالات الموسيقية

**باهر المصري** · #1 04/01/2011, 15h34

وفي انتظار معلومات الاسطى الكبير

**tarak766** · #2 04/01/2011, 15h59

اقتباس:

المشاركة الأصلية كتبت بواسطة باهر المصري

وفي انتظار معلومات الاسطى الكبير

البانجو ؟

**باهر المصري** · #3 04/01/2011, 16h35

مضبوط وكما هو ظاهر هي اله شبيهة بالجيتار و البزق وهي الة منتشرة بالولايات المتحدة و يفترض انها ذات اصل افريقي

#4 04/01/2011, 17h41

اقتباس:

المشاركة الأصلية كتبت بواسطة باهر المصري

مضبوط وكما هو ظاهر هي اله شبيهة بالجيتار و البزق وهي الة منتشرة بالولايات المتحدة و يفترض انها ذات اصل افريقي

ـ البانجو banjo: آلة شعبية أمريكية، ذات أصل إفريقي، لها زند طويل ذو دساتين وجسم مستدير الشكل مغطى برق جلدي مشدود، يشد عليه ما بين خمسة أوتار وتسعة، وتضرب بالريشة. تستخدم هذه الآلة في الموسيقى الشعبية والراقصة وكان يستخدمها أهل الريف ونشاهدها كثيراً في أفلام رعاة البقر .... ومن يستمع لأغنية الشاب خالد الدي دي وا يستمع إلى آلة البانجو.
واستخدمها عبد الوهاب في عاشق الروح وكنت أظنها والغالب الأعم من الناس أنها آلة المندولين ولعل أحد الأساتذة يفك لنا العلاقة بين الآلاتين إذا كان هناك علاقة.

**محمود العيادى** · #5 04/01/2011, 18h06

و الله ياقمر هيه ... هيه .. ماندولين و او بانجو واحد نفس الاله واحد بس الاختلاف في الشكل و زمان كان فيه منلوجست بيطلع علي المسرح و معهاه نفس الاله البانجو و يقدم فاصل منلوجات و كان دمه خفيف جدا مش عارف حد عارفه و لا ايه و كان اسمه ( سيد مندولين ) و الكلام ده كان في الستينات و السبعينات .... و اهلا و سهلا بالاسطي الجديد باهر باشا و عاوزين حتتين شغل تاني علشان نشتغل و تفضل الورشه مفتوحه و بعدين ايه يامصطفي انت فين بقالك اسبوع .

**باهر المصري** · #6 04/01/2011, 21h13

غالي و الطلب رخيص وشكرا للترحيب الدافئ

**محمود العيادى** · #7 05/01/2011, 21h58

اقتباس:

المشاركة الأصلية كتبت بواسطة باهر المصري

غالي و الطلب رخيص وشكرا للترحيب الدافئ

عمناالغالي الاستاذ باهر .... الاله دي اسمها المثلث و هي اله من عائله الايقاع و انها تستخدم كما سبق ان ذكرنا ( بركشن ) زخرفه الايقاع و هي اله مثلثه و لها يد تقرع بها و هي اله ايضا تسخدم الاوركيستر لانها اله ايفيه سوء في الخاتمه او اثناء الايقاع للفصل بين الارتام او ( الاس ) يعني لحظه سكوت و انها اله قديمه جدا و لها وجود مع فرق السمسميه و ايضا في الموسيقي الكنائسيه و هي من ماده الاستنلس ستين و بس كفايه كده علشان نشوف شغلانه تانيه ... و من المفارقات العجيبه و الله ياخ باهر انني في بدايه هوايتي للموسيقي كان الاستاذ المعلم توسم في شخصي موهبه ما و خصوصا في الايقاع و لتدريب اذني علي الحس الايقاع امسكني المثلث للعزف عليه في الاسات السابق ذكرها للاحساس بزمن الرتم . اوعي تقول لحد و خلي الطابق مستور .

**حسن كشك** · #8 04/01/2011, 22h26

باهر المصري و Tarak766

بانــــجو

Banjo

هى الة من عائلة الجيتار ...وهى ذات صندوق مستدير كان يصنع من الخشب ثم تطور وصار يصنع من الالمونيوم ....ومشدود عليه رق من الجلد بعدد من 8 الى 24 مشد .. والاله من ابتكار زنوج امريكا ...والاله ذات رقبة طويله حوالى 85 سم وعرض الصندوق حوالى 20 سم ولها من 4 الى 7 وتر من امعاء الحيوانات ... ويعزف عليها بريشه وهى شديدة الشبه بآله المندولين التى تشبه العود اكثر ولكن صوتها اكثر حدة من العود
صوت االبانجو قريب من الة السمسمية

عزف تدريبى لجيم مايلز على البانجو

YouTube - Jim Mills - A Winning Banjo Style

#9 05/01/2011, 08h21

يا أسطى محمود انت عارف ما أقدرش أتأخر وبصراحة مكنش فيه مزاج والورش كلها كانت في حداد .... الله يرحم سمير حسين
ماشي يا معلمي إنت والاسطى باهر بتختارو الآلات ذات المزاج العالي والصنف الجيد ...... طيب الآلة دي اسمها إيه بس من دي اسمها مشتق من صنف شعبي

**حسن كشك** · #10 05/01/2011, 09h37

اقتباس:

المشاركة الأصلية كتبت بواسطة الباشاقمرزمان

يا أسطى محمود انت عارف ما أقدرش أتأخر وبصراحة مكنش فيه مزاج والورش كلها كانت في حداد .... الله يرحم سمير حسين
ماشي يا معلمي إنت والاسطى باهر بتختارو الآلات ذات المزاج العالي والصنف الجيد ...... طيب الآلة دي اسمها إيه بس من دي اسمها مشتق من صنف شعبي

خد بالك يا أسطى قمر باشا ان فيه فزوره لباهر لسه ما اتحلتش ... نحلها الاول وبعدين فزورتك .... وهما دول كلهم اله واحده ولا عائلة ....